هيا الاسبيرانزا 516 موتور وحش !

**nice_bird** · 30-12-2011 03:33 AM

السلام عليكم :

اولا انا عضو لانسراوي اصلا بس كنت بفكر في عربية لواحد قريبي وفكرت فال516 مستعمل بس المفاجئة وانا بدور علي سمعه الاسبيرانزا ناس تقول موتور حلو وممتاز وناس تقول ملوش لازمه وضعيف ومش بيستحمل لحد ما اتعرفت علي واحد اشتري اسبيرانزا مستعمل 516 كانت ماشية 170 الف في العداد المهم وهوا مسافر بالعربية الموتور قفش منو وداخ علي موتور ملقيش حتي جديد في التوكيل راح جاب شهادة من التوكيل بعدم توافر مواتير واشترا موتور ميتسوبيشي وركبهولها واثبتوا عالعربية في المرور طبعا قعد 6 شهور في الموضوع دا لان التوكيل مكنش عايز يديلو الشهادة (بحجة ان الموتور هيجي بعد شهر لحد ما مر 6 شهور ومجاش موتور ) وركبلها موتور الانسر بوما ....... دي حالة شفتها بعنيا من مالك العربية نفسها ........ ومن كام يوم واحد صحبي كان بيعمل عمرة لعربية 128 وكنا عند الميكانيكي لقينا برضو عربية اسبيرانزا مرفوع منها الموتور والميكانيكي بيقول ان موتورها قفش ومش نافع فية تصليح خالص وصاحبها مش لاقي موتور ونفس القصة ومركونة عند الميكانيكي ليها فوق الشهر وصاحبها مش عارف يعمل ايه وكدا بدات اقلق من العربية واخاف منها ومش عارف المرتين اللي شوفتهم دول صدف ولا هيا موتورها تعبان اصلا وكمان الميكانيكي بيقول موتورها صيبني 100 % مش نمساوي ولا الماني زي ما الناس فاكرة لانو فكوة وشافو ولقية CHERRY وحبيت انوه عن الموضوع دا واشوف الاراء ....... وكدا لو لقدر الله والعربية دي جابت موتور من حد لازم يا اما يشتري موتور جديد من التوكيل (هيكون غالي مش هيقل عن 25000ج) او انو ياخد شهادة من التوكيل ان ملهاش موتور ويجيب موتور ميتسوبيشي ويركبو

**smsm_hamada** · 30-12-2011 09:07 AM

بصراحه مش عارف اقولك ايه انا اسمع ان الناس بتشتكى من العفشه وبتغيرها دى مفيهاش مشكله انما موتور دى صعبه شويه ممكن يكون سوء استخدام

**ahmedmoh** · 30-12-2011 10:34 AM

احنا شارعنا فيه 4 معاهم m11 و انا الخامس و هو نفس موتور ال 516 .. الموتور بالاجماع من الناس اللي معاها العربية من زمان و الناس اللي جايباها جديد مفيهوش أي مشاكل .. و كلام انه ضعيف و مش بيستحمل ده ملوش أي اساس من الصحة .. يمكن تكون حالات فردية أو سوء استخدام زي ما أخونا الكريم أشار في الرد
المشاكل بتاعت العربية كلها مشاكل تقفيل بعيداً عن أي شيء جوهري في العربية

**amado318** · 30-12-2011 10:38 AM

لا الماتور بتاعها لو سخن فعلا بيقفش كانت عند صديق بس هوة عمل عمرة وباعها انصحك ابعد عن العربيات الصينى شوف اى حاجه كورى

**osa92003** · 30-12-2011 12:20 PM

المشاركة الأصلية كتبت بواسطة amado318

لا الماتور بتاعها لو سخن فعلا بيقفش كانت عند صديق بس هوة عمل عمرة وباعها انصحك ابعد عن العربيات الصينى شوف اى حاجه كورى

ممكن اعرف بس حضرتك قصدك ايه ؟؟؟ يعنى ايه موتورها لو سخن بيقفش

؟؟؟؟وايع العربيات الى لو ارتفعت درجه حراراتها جدا بتكون زى الفل ومايحصلش حاجه يعنى

؟؟؟؟؟
اولا العربيه دى فيها حساس فى حاله السخونه الشديده الموتور بيبطل
ثانيا عند ارتفاع درجه الحراره لمبه اى بى اس بتنور للتنبييه
ثالثا اى عربيه فى العالم لو ارتفعتت درجه الحراره وفضلت قارص غلى العربيه بياثر على الموتور

**amado318** · 30-12-2011 12:27 PM

الحمد لله من طنطا للقاهرة والماتور مقفش ومن غير نقطه ميه -- ومرة يوم كامل جوة القاهرة من غير نقطه ميه

**hugan** · 30-12-2011 12:57 PM

انا مش عارف ايه كميه الفتاوي الغريبه اللي الناس بتطلعها
اي كلام في اي كلام
يعني كل اللي شتم وسب ولعن في الاسبرانزا الكل طلع جميع العيوب
من انها مثلا الابواب بتطير لوحدها
او ان العربيه بتتقلب علي ال 40
او انك ممكن تكون راكب العربيه في امان الله فجئتن تلاقي نفسك قاعد في الشارع
انما حكايه الموتور دي جديده
يمكن الموتور هو الحاجه الوحيده في العربيه اللي مفيش حد عرف يفتي فيها
معلومه تانيه هي ان جميع الدوائر الكهربائيه والحساسات والكنترول والبوابه من بوش

للعلم موتور الانسر البوما ضعيف علي وزن العربيه
الافضل ليها موتور لانسر 2000 سي سي

**amado318** · 30-12-2011 01:09 PM

كل العربيات معرضه للمشاكل دة انا شوفت عربيات زيرو ماتورها مفتوح بس انا بقه بكرة العربيات الصينى عقد نفسيه بقه بقه هنكر وهفضل اكرهها لحد عشر سنين قدام دة لو عشت يعنى--وهعمل صفحه كارهى العربيات الصينى على الفيس بوك---ملحوظه الكراهيه مش من فراغ عن تجارب لاصدقاء اسبرانزا وشيرى وجيلى

**nice_bird** · 30-12-2011 01:17 PM

انا مش عارف ايه كميه الفتاوي الغريبه اللي الناس بتطلعها
اي كلام في اي كلام
يعني كل اللي شتم وسب ولعن في الاسبرانزا الكل طلع جميع العيوب
من انها مثلا الابواب بتطير لوحدها
او ان العربيه بتتقلب علي ال 40
او انك ممكن تكون راكب العربيه في امان الله فجئتن تلاقي نفسك قاعد في الشارع
انما حكايه الموتور دي جديده
يمكن الموتور هو الحاجه الوحيده في العربيه اللي مفيش حد عرف يفتي فيها
معلومه تانيه هي ان جميع الدوائر الكهربائيه والحساسات والكنترول والبوابه من بوش

للعلم موتور الانسر البوما ضعيف علي وزن العربيه
الافضل ليها موتور لانسر 2000 سي سي

اولا يا استاذ Hugun دي مش فتاوي انا بتكلم عن حالتين شوفتهم وربنا هيحاسبني عالكلام اللي انا قولتو ثانيا انا مرضتش احكم عالعربية من الحالتين دول وقولت اشوف ارآء الناس عالمنتدي واشوف راي ملاكها منهم شخصيا ثالثا انا معايا الانسر وبسافر بيها كتير وبنبقي 5 في العربية وبشد بيها مع النتر ونوبيرا وماتريكس وعربيات كتير بصراحة ال 1600 كويس خالص معايا وكمان اوتوماتيك واكيد المانيوال هيكون اقوي