انا سؤال بخصوص لانسر 99 كريستالة

**amr_shedeed4** · 30-12-2011 09:05 AM

معايا لانسر 99 كريستالة الموتور بتعها بدء يبقى خفيف وكتير جداا نصحونى انى ابعها وانا الصراحة لو نزلت منها يبقى لازم اركب حاجة تانية احسن منها وانا مش شايف ان فى لانسر تانية احسن منها حتى فى الموديلات الجديدة الى فوق ال 2000 قالولى على العمرو وانا مش بحب اعمل عمرات للموتور عاوز اجيب متورها زيرو او لو ينفع اجيب قطع غيار الموتور بس من غير ما اروح لخراط والكلام دة انا بحب تبقى كل حاجة على ابوها زى ماقال الكتاب يا اما كدة يا امة اجيب استيراد بس انا بقلق من الاستيراد علشان مش بفهم فية اعمل اية ياجماعة

**SASA3** · 30-12-2011 09:31 AM

سيبك انت من الكلام ده بتاع العمرة
انت لو عاوز تحافظ على العربية تفضل معاك يبقى تسقط لها مكنة تانية استيراد و يا سلام بقا لو تجيبها اعلى من الـ1300 العادية هتحس انك راكب عربية تانية خالص
انت تجيب الميكانيكى بتاعك الى انت شغال معاه و تنزلوا تشوفوا الاستيراد و تجيب حاجه تكون حالتها كويسة
و العربية دى موجوده و منتشرة و مواتيرها كمان كتير
فى ال1300 و 1500 واحد كامة و اتنين كامه و ال1600 و المايفك و فى ال1800 بس دى نادر تلاقيها شوية
و لو حابب كمان يا سيدى ممكن تجيب مكنة بفتيسها
و اعتقد كان فى زمايلنا قالوا ان تكلفتها من 3000 الى 4500 و ممكن تدى للراجل بتاع الاستيراد المكنة القديمة بتاعتك و ينقصلك من سعر الجديده

على الله اكون قدرت افيدك

و بالتوفيق ان شاء الله

**amr_shedeed4** · 30-12-2011 10:05 AM

انا شاكر ليك جداا بس لو انا بحب الحاجة الاصلية بتاعة الموديل دة علشان اعادة البيع انا من النوع لو لقيت حاجة فبريكة برة وجوة ولقيت الموتور متغير فيها بسبنى منها وياترى لو جبت الموتور بتعها 1300 هيجى بكل حجاتو الكربراتير والموبينة والحاجات الباقية ولا موتور بس وياريت احسن مكان اجيب منو الموتور وبكام سعرة ولو اديتو الموتور بتاعى يخدو بكام معلش انا تعبك معايا وياريت اعرف اجيب سبويلار لانسر 99 منين وبكام وانا تعبك معايا وياريت بردو بعض الاراء الاضافية من باقى الاعضاء وشكرا ليك يا صاصا

**amr_shedeed4** · 30-12-2011 10:08 AM

انا محتاج موتور بس مش عاوز ادخل فى فتيس كمان بس بردو اعرف سعر الفتيس لوحدو والموتور لوحدو وسعر الموتور ال 1500 وياترى هيبقى انجكشن ولا كربراتير وياترى الموتور ال 1500 لو انجكشن ياترى هيبقى احسن من الكربراتير فى التصليح ولا الكربراتير اى حد يصلحو احسن من الانجكشن

**FunnyMickey** · 30-12-2011 10:50 AM

ياباشا طالما مش عاوز تبيع يبقي سقط طبعا
تسقيط الموتور ال1500 في الكريستاله بقي عامل زي تغيير الزيت في اي عربيه تانيه
بقي عادي جدا
وسهل
ممكن تنزل تلف لفه في الحرفيين
وعلي فكره حتلاقي ال1300 بردو
موجود
بس حتلاقي سعره قريب من ال1500
يبققي تسقط الاكبر وانجكشن والتكييف حيبقي احلي بكتير معاك

وبالنسبه للاسبويلر ممكن تلاقي في الحرفيين بردو
وانا عندي واحد عامله اعلان بيع
ممكن تبص عليه

http://www.nilemotors.net/Nile/217155-a.html