تعمل ايه لو لقيت عيش محطوط على عربيتك ؟

**amado318** · 30-12-2011 01:54 PM

يا عم ممكن يكون الفرن الى عندك نضيف الفرن الى جنب البيت بشع بشع بشع ما انا باكل العيش الاسمر فى مطاعم عادى بس الفرن الى جنب البيت بشع بشع

**eng.m7md.ali** · 30-12-2011 01:56 PM

تصدق انا جوعت ؟؟ هقوم اكل بقى واجيلك :)))

**amado318** · 30-12-2011 01:58 PM

اعذرنى انا بتكلم عن حاله خاصه وفرن معين وبعدين انا كمان عاوز افطر ابعت سندوتش ولا حتت لقمه

**zocor742** · 30-12-2011 02:53 PM

كأنكم بتحكوا اللى بيحصل لما مش بلاقى مكان واركن جنب الفرن
المشكلة مش فحاجة غير ان العيش وهو سخن لما بيتفرد على الكبوت ولا الشنطة الردة بتلزق بغباء ومبتطلعش غير بالغسيل وارخم حاجة لما تكون العربية لسة مغسولة

**sha2e** · 30-12-2011 03:06 PM

انا شايف ان الموضوع مش مستاهل كل ده
ايه المشكله ان ناس "غلابة" يبردو العيش الى بياكلوه على عربيتي او عربيتك خمس دقايق
مهما كان العيش الى حضرتك مستاء منه ده نعمه والناس دى بتاكله بحصوه وزلطه وبلاويه وبيقفوا طوابير عشان يحصلو عليه لانهم ميقدروش يشترو عيش نظيف صالح للاستهلاك الادمي
المفروض اننا نحس بالناس دي ونشكر ربنا انه رزقنا عيشه كريمه

انا ممكن اتفق مع بعض الاخوه الى بيتكلمو على تجاوزات المهملين زي الى يسيل بويه على عربية واقفه او يرمي عليها حاجه دي تصرفات تستاهل العقاب ولو فيه عدل كان المفروض صاحب العربيه ياخد تمن تصلحها من المتسبب فى كده

لكن ان ناس غلابه يحطوا شوية عيش على عربيه لمدة دقيقتين او تلاته اعتبره ثواب
ولو الموضوع ده مضايق حضرتك ممكن تحط على العربيه غطاء او تركنها بعد الفرن بشوية

وبرضو مننساش ان حضرتك الى راكن عربيتك فى الشارع

تحياتي

**hpxp** · 30-12-2011 03:17 PM

المشاركة الأصلية كتبت بواسطة eng f3lix

انا شخصياً لو حصل معايا هروح اجيب طبق فول وبجنيه طعمية واخلص على العيش ده :)

ههههههههههههههههههههههههه هههههههه
ياعم فول وطعميه ايه انت بس البس السفتي وادعيلي:-)))))))))))))

**hpxp** · 30-12-2011 03:18 PM

لوحصل معايا موقف جردل ميه وعلي العربيه

**amado318** · 30-12-2011 03:27 PM

المطلوب توفير ورق جرايد بجوار الفرن ورق جرايد الزقه على العربيه كل يوم قبل اما تركن ومافيش مانع ان الواحد يكمل بيه اليوم نيولوك للعربيه

**abo_lamar** · 30-12-2011 04:16 PM

المشاركة الأصلية كتبت بواسطة sha2e

ولو الموضوع ده مضايق حضرتك ممكن تحط على العربيه غطاء او تركنها بعد الفرن بشوية

وبرضو مننساش ان حضرتك الى راكن عربيتك فى الشارع

تحياتي

شكرا على نصيحة حضرتك واوعدك ان حعمل بيها ان شاء الله .... بس الاقي مكان الاول بعد الفرن ده ..... او اني احط غطاء للعربية احسن من وجع القلب

**Eng_hatemfathy** · 30-12-2011 04:31 PM

بصراحه الاخ الكريم اللى بيبرر وضع العيش على العربيه علشان يتهوى ويتهم صاحب العربيه بانه المتسبب فى كده بوضع عربيته فى الشارع زعلنى جدا لانه نسى حاجتين مهمين وهما ان انا شارى العربيه علشان اركبها مش علشان الناس تعملها قفص وتهوى العيش عليها -والله اللى عايز يهوى العيش ابو جنيه على عربيه بميت الف يبقى يشترى قفص دهب وانا بدفع كل سنة اكتر من الف جنيه ضريبه لاستخدام الشارع وادام مفيش علامة ممنوع الانتظار يبقى من حقى قانونا انى اركن فى اى حته جنب الرصيف
والاهم من كده مين قال ان الغلبنا يعتدى على ممتلكات الغنى ويستعملها بغير اذنه فضلا عن افسادها
طب لما يبوظ الدهان هيقدر يعيد الشىء لاصله زى الشرع ما بيقول
وطبعا اعادة الشىء لاصله مش زى ما الناس فاكره انه يرش العربيه -اعادة الشىء لاصله يعنى يرجعها فبريكه تانى -طبعا مستحيل
يبقى كل واحد يلم نفسه وميبوظ حاجة غيره وكانها سبيل اللى عايز يريح يريح واللى عايز يربط الجزمه يربطها واللى عايز يهوى العيش يهويه وكأن غلطتى انى جبت عربيه فى بلد لا فيها قانون ولا دين والحل انى اخلص منها واركب تاكسى او انى اسيبها لحد الشعب ميعر واجبه الشرعى والدينى لان الناس الا ما رحم ربى شاطره بس تنادى بحقها ويا ريته حقها!!!!!!!!!!!

الموضوع: تعمل ايه لو لقيت عيش محطوط على عربيتك ؟

LinkBack

أدوات الموضوع

عرض

-

-

-

-

-

المواضيع المتشابهه

تعمل ايه لو لقيت صرصار في العربية وانت سايق؟

تعمل ايه لو لقيت منتدى نايل موتورز اتقفل ؟؟؟

تعمل إيه يا لو صحيت الصبح لقيت عربيتك كده ؟

هتعمل اية لو لقيت حد قافل على عربيتك؟؟

تعمل اية لو لقيت ثعبان فى السيارة!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة