وأخيرا إنضميت لعائلة بروتون وبقيت بروتوني
السلام عليكم
بعد متابعة كتير أوي للموقع الرائع ده
الحمد لله توكلت على الله بعد الإستخارة والإستشارة وإشتريت بروتون ساجا 2012 أوتوماتيك من معرض الأحمدي موتورز بعد لما ملقتش العربية في عز العرب ( والحقيقة ناس محترمين جدا الصراحة )
طبعا أنا معايا لانسر 2007 أوتوماتيك (بتاعة والدي ) وكنت طبعا مستغرب العربية في الأول ... بس بعد لما مشيت بيها ( سافرت بيها الأسكندرية ورجعت ) يعني بعد أول 500 كيلو ... قدرت فعلا أحس الناس إللي بتشكر في العربية ديه بتشكر فيها ليه ... :11_5_14[1]:
طبعا شتان بين الفتيس بتاع الساجا وبين اللانسر ... CVT طبعا ليه طعم تاني ... بس العربية فعلا كفئة سعرية تستحق من وجهة نظري كل مليم يتدفع فيها ... :satelite:
هوا أنا كان ليا بس ملاحظتين كدة
1- التكييف عندي مش شغال أساسا ... روحت لعز العرب ( اللي في زاكر حسين ده ) الراجل نزل بص عليها قالي التكييف أصلا مش مشحون ... وقالي حتتعمل عادي في صيانة ال1000 ... معرفش ده طبيعي ولا لاء
2- الدرج بتاع التابلوه مش بيتقفل غير بقليلا من العنف ... مش عارف ده عايز يتزيت مثلا ولا إيه قصته
3- طبع العربية ما شاء الله إستابيليتي عالية جدا في الملفات على السرعات ... بس طبعا بوجه عام أنا مزودتش عن 100 في الطبيعي ... بس أنا ساكن في المقطم فمنزل المقطم ده إختبار جيد لثبات العربية في الدورانات وكدة ... بس مستني أعمل صيانة ال1000 عشان أجري بقى بالعربية شوية :049::049:
4- الكاسيت طبعا خانقني جدا عايز أغيره ... هوا أنا لو غيرته حيخرج فعلا ضفيرة الكهرباء برة الضمان فعلا ؟ ولو آه هل ينفع أغيره في التوكيل ؟ يعني أشتري الكاسيت وأركبه في التوكيل أو مركز خدمة معتمد ؟ وهل حد عنده فكرة عن السعر ؟
5- الناس بتسب وتلعن في عز العرب كتوكيل ... هل أنا فعلا لازم أعمل أول صيانة في التوكيل ( صيانة ال1000 ) ولا ممكن أعملها في مركز معتمد زي عصام وصفا ده ؟ وإيه الحاجات إللي بتتعمل أول مرة ببلاش وبعد كدة بفلوس عشان كان في زميل هنا في الموقع قالوله حنظبط زوايا أول 1000 مجانا بعد كدة على حسابك !:O_stupid[1]:
وأتمنى فعلا إن ربنا يباركلي في العربية ويديني خيرها ويكفيني شرها
كدة رسميا بقيت بروتوني :0002014A: