تسقيف و تقطيع و دخان ابيض فى ال m11
ده معناه اية ؟؟
عرض للطباعة
تسقيف و تقطيع و دخان ابيض فى ال m11
ده معناه اية ؟؟
يا باشا لو العربيه لسه فى الضمان ماتتأخرش واطلع عليهم على طول
حدد بالضبط الى بيحصل معاك يمكن نقدر نساعدك
اعتقد انها حاجة ليها علاقة بالحرق فوارد يكون بوجيهات او حاجة زى كده
عموما حضرتك لازم تطلع على التوكيل بدون البحث عن اسباب
الدخان الأبيض عادة هو دخول مياه إلي غرفة الإحتراق و بالتالي يحترق مع الوقود و يخرج في صورة بخار.
تابع مستوي المياه إذا كان بينقص و شوف عن طريق مقياس الزيت إذا كان الزيت عامل طحينة (مياه+زيت) و تبقي محتاج تغيير جوان وش السيليندرCylinder Head Gasket (عمرة وش)Top End Overhaul
كده كده لازم تطلع علي التوكيل و يفضل نقل السيارة و ليس قيادتها لتفادي حدوث تلفيات بالمحرك.
مع الشكر
م/محمد المحلاوي
شكرا على الرد يا جماعة
العربية عاملة 50 الف و قبل صيانة ال 50 ابتدت تقطع و التسقيف و دخان ابيض وقت التسقيف بس.
و الزيت بيتاكل ال 5 ك زيت بيخلصو بعد 1000 كم
بس الزيت مش مخلط ولا حاجة
و اشتكيت فى الكويت و البلاد العربية و عملوها مرتين و رجعت تانى
معلشى انا هزعلك اللى حضرتك بقوله ده معناه ان العربيه المتور كده اتوكل على لله
عندك ياما شنابر مكسره ياما سيحه فانتا سيبك من الكويت والبلاد العربيه واطلع على
الفرع الرئيسى اللى فى ابو رواش اللى بتخشله من مدخل الكريه الزكيه
وان لئتهم بيدلعه خش شمال على طول واتمسك ان يتم تغير المتور على الضمان وليس التعمير لانهم هيعمل لك طقم شنبر وشكرا فانتا تمسك بتغير المتور ولو رفضه انهم يغيروه
اطلع على حمايه المستهلك واعمل شكوه واطلب ان العربيه تخش لجنه السيارات علاشان يشوفه الموضوع على الطبيعه ومكان الجهاز الحمايه فى شارع احمد عرابى جنب الكمونى
معلش انا ليا جواب تانى خالص بس ده حصل معايا فعلا
حضرتك ممكن تكون كارتيره الزيت مكسوره وبتنقط على بدايه الشكمان اللى تحت الماتور فطبيعى جدا الزيت تلاقيه بيخلص بعد 1000 كيلو وطبيعى جدا انك تلاقى دخنه بيضه طالعه من تحت الكابوت من احتراق الزيت على الشكمان والتسقيف ده ناتج لنقص الزيت اللى بيسهل عمل المحرك من جوه وانت بتقرص على العربيه فبتجهدها وبتسقف منك وكمان ممكن يكون عيب بنزين عادى جدا
بص الاول على اللى قلتلك عليه لانى كنت زيك وكنت فاكر ان الماتور بياكل زيت وعمره وبلاوى
اتارى الكارتيره هى السبب فى كل ده
التقطيع ده ممكن يكون سببه فلتر البنزين محتاج تغيير وبص على الرشاشات برضه واتأكد انها كويسه
ربنا يوفقك
ربنا معاك الله يكون فى عونك وان شاء الله العربيه ترجع احسن من الاول
متابع
قالولى فى ابو رواش الاول قربة فاكيوم و صلحوها و بعدين باظت بعديها بيوم.
رحت تانى و سايبها بقالى يومين و قالولى هنفك وش السلندر و نشوف و غالبا هتطلع زى ما emad7759 قال.
قولولى اعمل ايه.؟
يانهار ابيض هو انت عملت ايه فى العربيه معقول ده حصل كده لوحده موتور بعد 50 الف ممكن تحكبى لينا بالتفصيل وياترى انت بتتعامل نع العربيه ازاى ؟؟؟؟؟؟؟؟؟؟؟؟؟؟؟؟؟؟؟؟
بصراحة العربية انا بحسس عليها عشان قلقان منها بس طلعت بتهرب زيت على البوجيهات المهم هيا جابت وش سلندر و هيصلحوه على الضمان .
ايه رأيكوا ؟
انا بفكر ابيعها و اجيب نيسان صنى او كيا ريو.
قدر الله وماشاء فعل .....بس اول مره اسم حاجه زى ديه بس عايز اقوللك ان ده ممكنيحصل لااى عربيه بس فى حاله عدم الحفتظ عليها ياترى ايه اللى حصل عندك حد قرص عليها او انت شايف ايه ممكن يكون غير عادى حصل علشان تكون نصيحه لينا كلنا
انا سبتها اسبوع فى ابو رواش و الناس طلعت محترمة اوى و طلع الكويت و البلاد العربية هما السبب عشان هما اخرهم تغيير زيت بس و بتوع ابو رواش ظبطوا المتور و غيرو زيت و بوجيهات و العربية الحمد لله بقت احسن من الاول بكتير بقت زى ما استلمتها و هيا جديدة و الحمد لله
ياعم الف مبروك :_Alshmokh15[1]::_Alshmokh15[1]:والله انا قلت من الاول ابو رواش هو الاصح بس خضتنا وخليت المنتديات التانيه تشمت فينا وتقول احلى كلام على العربيه :Copy of majd(4)::Copy of majd(4)::Copy of majd(4):ياريت بس حضرتك تغمل موصوع منفصل ان العربيه مافيهاش حاجه والسبب مركز الخدمه