مؤشر الحراره و قربه المياه
] بعد السلام عليكم
اللى حصل ان كنت فى مشوار و بعد حوالى 20 ك لاحظت مؤشر الحراره بيتحرك
لتحت فى المنطقه بين مكانه الطبيعى و العلامه اللى تحتها مباشره
و بعدين لاحظت ان الانحفاض فى وضع المؤشر بيحصل بردو لما سرعه العربيه بتزيد
و بينخفض مع تهدئه السرعه
قررت انى اكمل مشوارى بما ان الحراره ما بتزيدش عن المعدل الطبيعى
و بعد حوالى 20 ك تانيين مؤشر السرعه سقط حتى الزيرو و لمبه التشك نورت
ركنت و بطلت المحرك و فتحت الكبوت و لقيت فى تنفيس مياه و فقاقيع هوا طالعه من موضعين
فى قربه الميه فى المنطقه الفاصله فى جسم القربه
شيلت غطا القربه لقيت المياه عند علامه المينيم او فى قعر القربه
دورت و زودت مياه و كملت مشوارى و رجعت زودت مياه تانى بعد 20 ك
و هكذا و اشتريت قربه جديده و ركبتها بس لاحظت بردو ان مؤشر الحراره
بيتحرك لتحت بنفس الطريقه اللى ذكرتها قبل تغيير القربه
اللى قالقنى مؤشر الحراره هل ممكن يكون الحساس بتاعه فى مشكله و ازاى اقدر اعرف
سبب انخفاضه لتحت حتى بعد تغيير القربه
و شكرا [/b][/b]