تصدقوا مصر كلها مفيهاش غير 14 كاوتش بريدجستون

**elpasha009** · 25-05-2008 10:19 PM

يا جماعة أنا لسه جاي حالا من توكيل بريدجستون اللي في عباس العقاد وبعد معاناة حوالي 5 أيام من البحث والتمحيص والتدقيق والسؤال عن المقارنة بين نوعين بريدجستون وهما Turanza ER60 و MY-01 وقولت هسيب الكلمة الأخيرة للمهندس نجاد (مدير الفرع الراجل اللي ناس في المنتدى قالت إنه شكله أجنبي:) وعلى فكرة أنا سألته وطلع مصري إسكندراني بس من أصول تركية:)) المهم بعد المباحثات والكلام الكتير إستقريت على MY-01 وقولت إتكل على الله وركب وهنا كانت المفاجأة وهي إن هو معندوش المقاس بتاعي اللي هو 195-60-15 وكمان مقاس 185-60-14 ولما بص على بقيت الفروع ملقاش أي حاجة لدرجة إن فرع الغردقة عنده سالب 30 (يعني طالب 30 فردة)وبعد البحث العميق لقينا فرع طنطا عنده فردتين والرمل فرده واحدة والمنيل فردة والمنصورة 10 فرد بس محجوزين.والمفاجأة الأكبر بقى إن المقاس ده مش موجود منه من أي موديل في بريدجيستون غير ال 14 اللي قولت عليهم.
ولما بسأله طيب هو العجز ده دايما ولا الفترة ده بس قالي لأ ده العادي بتاع الشركة إن عندهم عجز دائما في المقاس ده لدرجة إن هو في شهر مجلوش غير 4 فرد بس.
ولما بسأله ليه شركة النيل مش بتعمل طلبات أكتر بدام في ضغط رهيب كده قالي إن للأسف العيب في بريدجيستون الأم علشان بقوا بيهتمه بالكاوتش Ultra Preformance بداية من المقاسات ال16 وسايبين المقاسات الأصغر لفروع بريدحيستون شرق أسيا وبالتالي مش بيلاحقوا على الطلبات ده غير إن المقاسات ده مش بتتباع غير في دول العالم التالت.
بجد أنا خايف لحسن كمان سنه ولا حاجة نلاقي إن المقاسات ده بالحجز والواسطة.
المشكلة بجد إني مش مرتاح لأي نوع تاني غير بريدجيستون وحاسس بجد إن هو ده الكاوتش المطلوب في طرق مصر المحروسة.

**Karim_Monir** · 25-05-2008 11:29 PM

اللي انت قولتة ده نفس اللي حكالي علية مهندس احمد عناني وانا بعمل معاه الاتفاق بتاع التخفيض
ان الشركة الام نفسها بتهتم بالمقاسات ال 16 وانت طالع
والمقاس ال 13 وال 14 خاصة بينقرضوا في العالم
وال 15 بيقل برضه
وال 16 هايبقي الشغل كله علية الايام الجاية
حتى انا بفكر لما اخلص مدة الكاوتش بتاعي اغير الجنوط ل 16 خاصة ان العربية تستحمل

**Ahmad Allawy** · 25-05-2008 11:45 PM

المشاركة الأصلية كتبت بواسطة elpasha009

ماهو يا كريم الواحد مش عارف يعمل إيه ولا ‘يه.الجنط ال16 حتى لو العربية تستحمل غالي وكاوتش غالي ده غير إنه هيبقى Ultra Performance يعني هتبقى الفردة بعد سنه أو إتنين مش أقل من 800 ولا 900 جنيه.بجد حرام:)
تصدق إن أنا وأنا بشتري العربية (لانسر)فضلت إني أخد العربية من غير ABS علشان أخد جنوط:)أقوم بعد كده أغير الجنوط بنفسي.ده أنا مممكن أتشل فيها:)

يلا قدر الله وما شاء فعل..
بس غلطان انك تتنازل عن الABS

**Mzeid** · 25-05-2008 11:53 PM

طيب ما دة تقصير في حق الشركة و بيأثر على سمعتها الحكاية دي .. يعني المفروض جميع منتجاتها تكون متاحة ..
و هي فعلاَ بريدجيستون بتهتم بالإطارات ذات الأداء الرياضي أكثر من الإطارات العادية نتيجة لخبرتها في سباقات ال FORMULA 1 ..
:):)

**elpasha009** · 25-05-2008 11:58 PM

المشاركة الأصلية كتبت بواسطة CAMARO

طيب ما دة تقصير في حق الشركة و بيأثر على سمعتها الحكاية دي .. يعني المفروض جميع منتجاتها تكون متاحة ..
و هي فعلاَ بريدجيستون بتهتم بالإطارات ذات الأداء الرياضي أكثر من الإطارات العادية نتيجة لخبرتها في سباقات ال FORMULA 1 ..
:):)

ماهي المشكلة إن فعلا الجنوط اللي أقل من 16 إنقرضت على مستوى العالم كله ماعداا دول العالم التالت اللي غالبيتها في إفريقيا.يمكن حتى لو لاحظت كل العربيات الجديدة نازله ستاندرت مقاس 16 بس طبعا الوكلاء عندنا بيعملوا الواجب:)

**Mzeid** · 26-05-2008 12:00 AM

شكلنا بعد كدة هنشتغل على الكاوتش النسر ..
:):)

**elrasy** · 26-05-2008 12:30 AM

المشاركة الأصلية كتبت بواسطة elpasha009

يا جماعة أنا لسه جاي حالا من توكيل بريدجستون اللي في عباس العقاد وبعد معاناة حوالي 5 أيام من البحث والتمحيص والتدقيق والسؤال عن المقارنة بين نوعين بريدجستون وهما Turanza ER60 و MY-01 وقولت هسيب الكلمة الأخيرة للمهندس نجاد (مدير الفرع الراجل اللي ناس في المنتدى قالت إنه شكله أجنبي:) وعلى فكرة أنا سألته وطلع مصري إسكندراني بس من أصول تركية:)) المهم بعد المباحثات والكلام الكتير إستقريت على MY-01 وقولت إتكل على الله وركب وهنا كانت المفاجأة وهي إن هو معندوش المقاس بتاعي اللي هو 195-60-15 وكمان مقاس 185-60-14 ولما بص على بقيت الفروع ملقاش أي حاجة لدرجة إن فرع الغردقة عنده سالب 30 (يعني طالب 30 فردة)وبعد البحث العميق لقينا فرع طنطا عنده فردتين والرمل فرده واحدة والمنيل فردة والمنصورة 10 فرد بس محجوزين.والمفاجأة الأكبر بقى إن المقاس ده مش موجود منه من أي موديل في بريدجيستون غير ال 14 اللي قولت عليهم.
ولما بسأله طيب هو العجز ده دايما ولا الفترة ده بس قالي لأ ده العادي بتاع الشركة إن عندهم عجز دائما في المقاس ده لدرجة إن هو في شهر مجلوش غير 4 فرد بس.
ولما بسأله ليه شركة النيل مش بتعمل طلبات أكتر بدام في ضغط رهيب كده قالي إن للأسف العيب في بريدجيستون الأم علشان بقوا بيهتمه بالكاوتش Ultra Preformance بداية من المقاسات ال16 وسايبين المقاسات الأصغر لفروع بريدحيستون شرق أسيا وبالتالي مش بيلاحقوا على الطلبات ده غير إن المقاسات ده مش بتتباع غير في دول العالم التالت.
بجد أنا خايف لحسن كمان سنه ولا حاجة نلاقي إن المقاسات ده بالحجز والواسطة.
المشكلة بجد إني مش مرتاح لأي نوع تاني غير بريدجيستون وحاسس بجد إن هو ده الكاوتش المطلوب في طرق مصر المحروسة.

على فكرة انا كنت بدور على مقاس معين وقالى مش موجود (م/نجاد) وسالتة عن باقى الفروع قالى مفيش ,,,, بس انا لقيت المقاس اللى انا عايزة فى فرع عمارات العبور

حاول تسأل فى فرع عمارات العبور.

**elpasha009** · 26-05-2008 12:39 AM

المشاركة الأصلية كتبت بواسطة elrasy

على فكرة انا كنت بدور على مقاس معين وقالى مش موجود (م/نجاد) وسالتة عن باقى الفروع قالى مفيش ,,,, بس انا لقيت المقاس اللى انا عايزة فى فرع عمارات العبور

حاول تسأل فى فرع عمارات العبور.

والله فكرت في كده فعلا وإن شاء الله هروح بكرة لأن تقريبا فرع عمارات العبور مش متوصل على النتورك عندهم.
أصل هو دور في كل الفروع ماعدا الفرع ده فعلشان كده جالي شك إنه مش متوصل معاهم في الشبكة.

**elpasha009** · 26-05-2008 01:27 PM

رحت النهاردة فرع عمارات العبور وبرده ملقيتش المقاسات.
بس الحمد لله وبعد محاولات وشد وتدخل جهات عليا في الموضوع قدرت إني أحجز 4 فرد من ال10 اللي في المنصورة:)
وعلشان مش هينفع أروح أجيبهم النهارده بعت شركة شحن تجيبهم علشان ممستناش لبكرة ويرجعوا يقولولي معدش:)

الموضوع: تصدقوا مصر كلها مفيهاش غير 14 كاوتش بريدجستون

LinkBack

أدوات الموضوع

عرض

-

-

-

-

-

المواضيع المتشابهه

طلب تسعير طقم كاوتش بريدجستون 14/185/60

محتار اجيب كاوتش تويو & بريدجستون & جى تى

كاوتش بريدجستون تايلاندي من التوكيل كويس ولا لا

محتار اجيب كاوتش ايه بريدجستون و لا جى تى و لا تويو

لأصحاب السيارات التي بها كاوتش بريدجستون

الكلمات الدلالية لهذا الموضوع

المفضلات

المفضلات

ضوابط المشاركة