أيهما أفضل ولماذا --- النيسان سوبر صالون أو الانسر سوبر أكشن من حيث الامكانيات والسرعة والثبات على الأرض وأعادة البيع وقوة الموتور والنعومة وسعة الصالون أما الأسعار فاأنا عارفها
عرض للطباعة
أيهما أفضل ولماذا --- النيسان سوبر صالون أو الانسر سوبر أكشن من حيث الامكانيات والسرعة والثبات على الأرض وأعادة البيع وقوة الموتور والنعومة وسعة الصالون أما الأسعار فاأنا عارفها
سؤال صعب
لانى شايف الاتنين تقريبا واحد
يعنى لو فضلنا نبص على المنشا والكماليات والحاجات دى هنلاقى ان العملية قريبة جدا
لكن
خلينا نبص على شوية فروق جوهرية
اول فرق جوهرى ان اللانسر تجميع يابانى والنسيان تجميع محلى، فلو انت من الناس اللى بتكره كلمه تقفيل محلى بدون الدخول فى التفاصيل يبقى الإختيار محسوم
تانى فرق جوهرى ان النسيان ارخص بحوالى 11 ألف جنيه، فول انت لازماك الفلوس دى يبقى اشترى النيسان
لو بعدنا عن الفروق دى هنلاقى بعض فروق غير جوهرية
1- محرك النسيان افضل فى الأداء، قدرته الحصانة الفعلية اعلى، سرعته القصوة اعلى ،عزمه اعلى، استجابته فى السرعات المنخفضة جدا والمرتفعة جدا اعلى من اللنسر
2- جير بوكس اللانسر افضل لأنه ينمى الى تكنولوجيا احدث(cvt)اى continuus variablr transmission وهى انعم الى حد ما من نظام الأتوماتيك التقليدى المعتمدة عليه نسيان ومعظم السيارات الأخرى
3-الثبات على الأرض ممتاز فى السيارتين
4- الصاج واحد
5-سعة الصالون واحدة تقريبا، هناك البعض يرون ان صالون اللانسر اوسع وخصوصا الكنبة الخلفية بس انا محسيتش بده
6-اسعار قطع الغيار واحدة
7-سعر اعادة البيع -حاليا اللانسر تخسر اقل فى اعادة البيع(يعنى اللانسر احسن)-بكرة الله اعلم
8-الكماليات متقاربة جدا وإن كانت كل منهما نتنفرد بمجموعة من الكماليات البسيطة الزائدة التى لا يعتد بها هنا او هناك
9-الشكل: النيسان شكلها كلاسيكى ويوحى بضخامة السيارة، اللنسر شكلها رياضى ولا يوحى بضخامة السيارة برغم انه فعليا السيارتين مقاسهم واحد تقريبا
10-مراكز الصيانة:بالنسبة لسكان القاهرة فالسيارتين لهم مركز صيانة متعددة لكن تتميز النيسان بان الضغط اقل على مراكز الصيانة بها
ببساطة انا شايف ان العوامل الحاسمة فى شراء سيارة من الإتنين هى ثلاثة عوامل: 1- هل انت عندك تحفظات على التجميع المحلى؟ (مع العلم ان النيسان المجمعة محليا بالفعل معتنى بها جدا)، 2- هل تريد توفير 10 آلاف جنيه، 3- انهى فيهم شكلها عاجبك اكثر
باقى العوامل غير حاسمة
السلام عليكم ورحمة الله وبركاتة
رغم انى انا مش صاحب السؤال لكن نفس السؤال كان عندى وانا متابع لكل الكلام اللى حضرتك بتقولة لأنة موضوعى جدا وعن علم وتقريبا بفضل الله اولا ثم كلام حضرتك واستاذ شريف المصرى والمهندس حسام منير فى كونتاكت رسيت على super action بس فية سؤال بسيط بعد أذن حضرتك انا شوفت اللانسر هنا فى جدة 1600cc وهى 122 حصان هل هى كدة فى مصر وشكرا جزيلا على اهتمام حضرتك
اخوكم
اسامة عبد العزيز :roll:
مع كامل إحتر امى وتقديرى وشكرى على ردك ياباشمهندس / سبعاوى ولكن كان من سبب تفضيل الانسر عندى على النيسان هو وجود الفرامل المدعومة (abs
فما هو رأيك؟
انا لما كنت بشتري سألت على النيسان, و اللي عرفته من الوكيل ان حتى السوبر صالون مفيهاش ايه بي اس !! فطبعا ماشتريتهاش
اذا كنت بتقارن بين النيسان تجميع محلى ولانسر فانا ارشحلك اللانسر طبعا ودة رأى شخصى انما بالنسبة للسوبر صالون اليابانية فهى عربية محترمة لاقصى الحدود يعيبها عدم انتشار قطع غيارها سواء الاستيراد او الجديد.
السوبر صالون تجميع محلي أيضاً لكن يزيد علي ال Ex Saloon بعض الكماليات...الحاجة الوحيدة الياباني فى التوكيل التيدا.اقتباس:
اذا كنت بتقارن بين النيسان تجميع محلى ولانسر فانا ارشحلك اللانسر طبعا ودة رأى شخصى انما بالنسبة للسوبر صالون اليابانية فهى عربية محترمة لاقصى الحدود
نيساااااااااااااااااااااا ااااااااااااااااان
تحليل اكتر من رائع يا مهندس سبعااوى
ارجو ملاحظه ان الانسر تصنغ فى عديد من الدول فهناك اردنى والاماراتى واتايلاندى ودى اللى موجوده فى مصر