ما شاء الله خدت بالى . أنا باشوف السيراتو بتجرى جامد بس باحس انها مفيش ثبات من ورا خالص بالذات لو الطريق عالى وواطى عكس البى ام بالضبط علشان كده كنت بسال لانك بتسوق الاتنين و ربنا يباركلك فيهم
عرض للطباعة
ما شاء الله لا قوة الا بالله
ربنا يبارك لك في عربياتك
بس قولي فين الطريق اللي كنت ماشي عليه عشان انا مش لاقي طريق كويس كده اجرب عليه
ايوة اخدت بالي من احد ردودك بس كنت بعت مشاركتي ... اسف للتكرار
بس يا باشا اعتقد ان المحور ف اتجاه المهندسين بيبقى نازل شويه وده بيساعد العربيه قوي على الجري عكس الاتجاه التاني بيبقى طالع وخانق العربيه
مش كده ولا انا مش واخد بالي
اصل انا نفسي الاقي طريق ما يكونش فيه طالع ونازل عشان الواحد يجربالعربيه صح عليه
الطريق ده فيه فواصل ممكن تكون سبب الرجه , و لكنه فى الوقت ده فعلا فاضى .
موضوع الرجه ده غريب جدا .
انا عارف انه صوته بيبقى حلو بس و هو مكتوم كده عامل تقريبا زى اللى عندى و الله اعلم .
الفلتر بتاعى تحت امرك اقابلك و تجربه قبل ما تشترى عشان تشوف انهى الاحسن .بس عموما انا شايف ابولو احسن و افضل حاجه عموما لاى عربيه بس سعره غالى جدا مش عارف ليه .
و مشكور على الرد السريع و الموضوع الجميل .
. ممكن موضوع الرجه ده عشان الفلتر ده مسدود و عاوز يتنضف مثلا ,ممكن و الله او ممكن مش محكم التثبيت او القفل و بيهرب هوا و كده .جرب تفكه و تشوف نضيف و الا لا .و انت كمان لازم تراعى حالة الفلتر .لانى بعد ما نضفته بقى من نصف دوسه بيجمع 180 و استهلاك قليل او عادى . و بالقرص جميل جدا و لكن لما بيبقى متوسخ بيعمل العكس استهلاك عالى و سحب اقل من الاول .
لا هو مفيش رجة وانت ماشى هى وانت واقف ودابس فرامل والعربية على الـ d
بس هو تقريبا عشان مش متثبت كويس وكمان بيعدى من جنبه السلك بتاع دواسة البنزين فا بحس بالرجة دى فى الدواسة باردوا ساعات.
بس بالنسبة لحالة الفلتر فا دايما بعملوا صيانته كل 5000 كيلو دا غير التنظيف العادى بالهوا.
ربنا يحميك من كل شر يا أخى ياسر انت وابو مصطفى ( محمد مصطفى ) لكن تذكر يا اخى انك ماشى على هواء ....
هو انت عملت التست دة من مدة ولا اية ؟؟؟ انا شايف الابلود على اليوتيوب من شهر 7 الماضى ....
بعد اذن ياسر .
احسن طريق انا مجربه و بعمل التست دريف عليه طريق العين السخنه بين الكارتتين .نضيف و جديد و طويل و يعتبر ملفاته سهله جدا و ممكن تاخدها على 190 و ممكن اكتر . و تاثير الهوا فيه فى منطقه محدده و بعد كده بسيط و طريق واسع و حركه العربيات عليه قليله جدا و خصوصا بليل . بس خلى بالك اوى لان عليه دلوقتى تجديد و قسمينه حارتين بدل اربعه فى حته فيه فى النصف تقريبا . و خلى بالك لان فى لجان رادار كانت عليه من اسبوع كده .
و الله اعلم . و نصيحه لو هتجرى تجرب ابقى اجرى بالنهار الصبح بدرى عشان تبقى كاشف الطريق كله و الاحسن تمشى عادى الاول و تفحص و تاخد اول يوتيرن و ترجع و تبد تانى من اول ما فحصت و تكون كده فى الامان و شفت بعنيك هل فى حفر او مطبات هوا او طوب او اى شىء ممكن ياثر عليك و تتطمن الاول و بعد كده تجرى ,انا عملت كده قبل كده لما العربيه لقاتها قافله على 160 لحت عملت صيانه و غيرت بوجيهات لانها طلعت السبب للاسف و كانت ضايعه بعد 20 الف فقط .و رحت جربت تانى لقاتها بتعدى ال 190 عادى و سحب تمام لفيت و رجعت تانى و خلاص
وربنا يستر طريقك
+111111111
ممكن كلامك يكون صح فعلا
و الله ينور على التنضيف و المتابعه و الاهتمام بس انا مبيكملش معايا 5 الاف من غير ما يتوسخ لانى بسافر سعات كتير طرق مليانه تراب و رمله فبيتوسخ بسرعه و انا بنضفه بسرعه بردو هههههههههه .يعنى كل شهرين تلاته
و للاسف الفلتر بتاعى مينفعش يتنضف بالهوا لازم بالمنظف بتاعه و الا يبوظ .