مشكلة فى تىقيت شغل المروحة

**ahmed moustafa** · 31-12-2011 12:43 AM

اعزائى معى سيارة كورولا 90محركها1600 المشكلة ان مروحة التبريد لاتدور الا عندما يكون مؤشر الحرارة معدى النص وبتكون حرارة العربية فعلا مرتفعة وده بيأثر على سحب العربية ومش كده وبس دى بتشتغل حوالى 20ثانية وبتفصل حوالى دقيقة والوضع ده بيخلى المؤشر دائما معدى النص فهل هناك طريقة تخى المروحة تشتغل بدرى شوية وتشتغل مدة اطول من كده مع انى غيرت ساعة الحرارة اللى هى فى الكوعة قبل كده والوضع زى ما هو وشكرا

**mohmmedzohier** · 31-12-2011 02:51 PM

بسم الله الرحمن الرحيم

اولا هات جيب ثرموثتات بيتشغل بدرى يعنى لو الثرموثات بتشتغل عند درجه حراره 85 هاتجيب انت واحد يشتغل عند 82 دى حاحه
ثانيا شيك على حساس الحراره لانه هو المسئول عن تشغيل المروحه
ثالثا شوف سرعه المروحه الفروض انه بتزيد من سرعتها وقت التشغيل كل ما ارتفعت درجه الحراره

**ahmed moustafa** · 01-01-2012 12:10 AM

شكرا اخى محمد ولكنى شايل الثرموستات تانى حاجة المروحة بتشتغل متاخر يعنى بتشتغل بعد المؤشر مايعدى النص بتكون العربية شبعت سخونية والمصيبة ان المروحة بتشتغل 20ثانية وتبطل دقيقة واعتقد انوقت التشغيل قصير جدا لان فيه عربيات المروحة بتشتغل حوالى 70 ثانية فانا نفسى المروحة تشتغل بدرى يعنى تشتغل قبل المؤشر مايوصل للنص وتشتغل مدة اطول واسف على الاطالة

**ahmedhawas** · 01-01-2012 05:34 AM

أعتقد إنه يقصد ثرموستات المروحة ، مش ثرموستات الكوعة.
ثرموستات المروحة (ثرموستات كهربي) يعني مثلا (82/67) : بيشتغل عند 82 ويفصل عند 67.
إلا لو المروحة عندك بتشتغل على ريليهات

**ahmed moustafa** · 01-01-2012 01:36 PM

ياستاذ احمد اللى انا شايله هو الثرموستات الميكانيكى انما ثرموستات اللى بيشغل المروحة الكل بيسميه حساس حرارة وده موجود عندى لان المروحة مش هتشتغل ولا هتبطل من غيره وشكرا ياباشا على المشاركة وارجوكم انا عايز حل للمشكلة دى

**ahmed moustafa** · 02-01-2012 01:02 PM

فين الحلول يااخوننا

**esamooo7** · 25-01-2012 05:29 AM

المشاركة الأصلية كتبت بواسطة ahmed moustafa

فين الحلول يااخوننا

بص ياسيدى
لو المروحة عندك سرعتين حتلاقى العيب فى المقاومة اللى راكبه فى المروحة هى المسؤلة عن تشغيل المروحة عند درجة الحرارة الوسطى
غير المقاومة وان شاء الله العربية حتعود طبيعية
المقاومة موجوده اسفل المروحة