السلام عليكم،
أرجو رأي المنتدى في أفضل سيارة في حدود 70 ألف جنيه ، ناس قالولي البروتون ساجا و ناس تانية قالت رينو لوجان فيارين الإفادة و كمان ياريت من ضمن التقيمم يكون سعار قطع الغيار و الصيانة و أشكركم مقدما
عرض للطباعة
السلام عليكم،
أرجو رأي المنتدى في أفضل سيارة في حدود 70 ألف جنيه ، ناس قالولي البروتون ساجا و ناس تانية قالت رينو لوجان فيارين الإفادة و كمان ياريت من ضمن التقيمم يكون سعار قطع الغيار و الصيانة و أشكركم مقدما
متطلباتك في العربية ايه وهتستخدمها في ايه وايه يهمك فيها وهل فيه شروط معينة للصناعة واللا لا
حضرتك جاوب عليا وباذن الله أرد عليك
عربية مضمونة من غير مشاكل ، سيدان ، بعيد عن الصيني و تستحمل .. صاج كويس و قطع غيار و توكيل كويسين
ايه النظام مفيش رد و لا إيه؟
الفئة السعرية 70000 جنيه
فيرنا
لانوس
لوجان
بروتون ساجا
بي واي دي f3
سبيرانزا a516
لو هتسمع نصيحتي الخاصة احسنهم البي واي دي ال f3 لأنها بالفعل ممتازة جدا
مش عايز صيني يبقا قدامك اللوجان والساجا والفيرنا
الساجا عربية ممتازة جدااااااااااااا بس وكيل سيء وقطع غيار غالية
اللوجان اسمع انها كويسة مجربتهاش الحقيقة -انا مجرب الساجا- بس قطع الغيار معنديش عنها معلومات
الفيرنا هي اللي معايا حاليا قطع غيار رخيصة ومتوفرة عند البقال والوكيل لو هتعمل الصيانات معاه ضمانه كويس جدا
وربنا يوفقك ان شاء الله
saga/ lanos / verna
لو حضرتك مش ناوى تبيع يبقى توكل على الله فى اللوجان
يعيبها قطع الغيار لكن مع الوقت هترخص لان العربيه ما شاء الله عليها هتنتشر فى مصر جامد جدا و عموما انت لما بتجيب عربيه مش بتحتاج قطع غيار فى الاول الا الصيانه و دى امرها سهل
انما لو ناوى تبيع قريب يبقى لانوس او فيرنا سعرهم مابينزلش ابدا
لوجان طبعا كفاية انها من رينو..... مع احترامى للفيرنا و اللانوس عربيات بتجرى بس من غير فرامل.
اللانوس كانت معايا، وشريها من الزيرو وغيرت فيها كل حاجة في الفرامل من طنابير وتيل أصليي وغيرت زيت الفرامل وسحبت هواء أكثر من مرة ما فيش فيادة بتسحف بطريقة غريبة جدا، وآخر ما زهقت سوقت عربيات كذا واحد لانوس من صحابي نفس القصة، والفيرنا كان مع أخويا أسوأ في الفرامل من اللانوس وحضرتك لو رجعت للمقارنة اللي مثبتة في القسم بين اللانوس والفيرنا هاتعرف..
فرامل اللانوس مشاكلها كلها محلولة
مش معنى إنك معرفتش تعملها أو عملتها غلط يبقى العربية بايظة
وال زحف مش مشكلة فرامل بس
ده غير إن فرامل العربية حلوة جدا في السواقه الطبيعية
بلاش نقلب الموضوع عراك.. فرامل اللانوس والفيرنا كلها مزبلة ومش محتاجين حد يرد علينا بالايجاب أو النفي عشان نتأكد من المعلومة دي.
حضرتك سوقت أي نوع من أنواع الفولكس أو الرينو أو حتي الفيات قبل ما تحط الجملة دي بالذات؟ أنا سواء البوينتو أو الجولف كنت باقدر أوقف بيها العربية من سرعة 40 أو 50 الي الصفر في مسافة مش حاحددها عشان ماحدش يقولي "انت قسيتها قبل كدة؟" بس حاقول ان ع الأقل ممكن من 3 ال 4 متر. اللانوس مش أقل من 10 متر. عندنا ف اسكندرية السواقة الطبيعية ع البحر من 80 الي 100 وكنت حاخبط واحد غشيم نقل الحارة عندي علي سرعة واطية أعتقد انها احتاجت 20 متر أو أكتر عشان تقف.. طبعا مش محتاج أقول ان البوينتر كانت بتجيب الوقفة دي ف 8 ل 10 متر.اقتباس:
ده غير إن فرامل العربية حلوة جدا في السواقه الطبيعية
ملحوظة: كا مهندس الحمد لله عندي اهتمام اني أحدد الابعاد الي حد ما.. يعني كلامي عن تجربة مش باطبش.
اضافة: طب ممكن أعرف السبب ان ماحدش بيرشح اللوجان أو الساجا وخصوصا اللوجان؟ يعني المفروض انها أرخص من الاتنين وأنضف وأعلي ف التكنولوجيا من الاتنين.. دا غير انها برضه انتشرت واللانوس والفيرنا بقي اللي بيجيبهم زي اللي بيجيب شاهين!!