عرض للطباعة
يا جماعه انا عاوز مكان كويس اشتري منو لبس و كده يعني بناطيل جينز و تي شيرتات و اخيرا كوتشي غير التوحيد و النور عشان اتخانقت معاهم عشان المعامله بنت التييييت بتاعتهم ديه كأن رايح اشحت منهم
المهم عاوز مكان يكون فيه مقاسات كبير بالنسبه للكوتشي و بالنسبه للبناطيل يكون في حاجات حلوه و طويله في نفس الوقت للعلم انا طولي (184 سم ) و تكون كلاسيك مش نازله على ضيق و تكون اسعار معقوله مش عالي ممن رينج 100 ل 180 كده
معلش هتعبكوا معايا
مش عارف ... فى عندك 6 اكتوبر ...منفذ بيع المصانع
كونكريت.. شرتكس... وحاجات تانية
بس ده بعيد جدا كده انا عاوز حاجة تكون في المعادي مثلا
في عندك سوق غزة دة وانت رايح على غمرة كدة امتداد شارع بورسعيد
وفي حارة اليهود ادام الموسكي وسوق بين الصورين فيهم حاجات ممتازة
والاسعار ممتازة
هتلاقي هناك كل حاجة من اول الملابس الداخلية والشرابات لحد الجواكت والاحذية والقمصان بس دور كويس وفاصل او خد معاك حد شاطر في الفصال
كارفور
في حتت كتير اوي
عندك كارفور ممكن تجيب منه بناطيل او تشيرتات او بروفرات او قمصان
ممكن هايبر
او المحلات الفردية اللي بتبقى في الشارع عادي
ممم فكره و الله موضوع كارفور ده و ممكن ابقى اروحه
كارفور هدومه ما بتعجبنيش درجة تانية
علشان انتي بنت وذوقكم مرفه شويتين تلاتهاقتباس:
المشاركة الأصلية كتبت بواسطة nonetta
بالنسبه لينا كولاد مدام الهدوم على مقاسنا تبقى تنفع
:)
واحيانا حتى لو مش على مقاسنا في حاله انها على مقاس المحفظه
شارع ومول طلعت حرب سهل بالمترو من حلوان ومليانين محلات رجالي واخذية
انا كمان مش بتعجبني ملابس كارفور وهايبر :)
+1111111111111 انا حاليا بدور علي اي حاجة تيجي على مقاسي و دده عيب الطووووولاقتباس:
المشاركة الأصلية كتبت بواسطة zago
لو المشكلة في معاملة التوحيد والنور ..... شوف فرع تاني :verygood:
انا لما باحب اروح التوحيد لازم اروح في وقت يكون رايق عشان آخد راحتي .... لكن هو عنده حاجات كويسة في معظم الملابس .... الا لو عاوز حاجات محددة وذوق معين
صح انا باشعر بكدة ... باحس انها مستعملة من كتر الناس ماهي عمالة تقيس وتدعبس فيهااقتباس:
المشاركة الأصلية كتبت بواسطة nonetta
انا رحت التوحيد والنور مره واحده اللي في مكرم عبيد بس بصراحه معجبنش
هو اسعاره حلوه بس معندوش حاجات كتيير والحاجات اللي موجوده عاديه جدا والحلو ملقتش مقاسات منه علي قدي مع اني مش بيلبس مقاسات كبيره وكل اللي جتبه حاجات للولاد
السلام عليكم ورحمة الله وبركاته
اخى الكريم ممكن تبص على محلات الستوك عندك هتلاقى حاجات حلوه جدا واسعارها معقوله جدا
بالنسبة للشوز ممكن تروح المجزر على الاوتوستراد قبل كوبرى التونسى من ناحية حلوان فيه كل حاجة تخص الشوز او كوتشى او شبشب حتى وكله جلد طبيعى واسعار منافسة جدا
انا جربت توحيد ونور كتير احسن واحد ودخلت لقيت الهدوم بجميع المقاسات والبناطيل م بلاقيها الا هناكاقتباس:
المشاركة الأصلية كتبت بواسطة aif
فرع طريق النصر جنب شركة الغاز اللي في اول عباس وده كبيييييييير ولسه بخيره والبنطلون ب125 تقريبا بس خامة حلوة جدا جبردين و بيعيش الي حد ما لو مليان زي حالاتي
رفيع بقي يبقي ربنا يديك طوله العمر :36_2_33:
الكوتشوات بجيب بقالي فترة من أكتف أبو علاء اللي قدام الميرلاند حتي لسه جايبن تشكيلة تحفة ومن اول 100 والكوتشي تمنه فيه مشااء الله وعندهم هدوم برده بس رياضي اكتر منها كلاسيك .
اقتباس:
المشاركة الأصلية كتبت بواسطة zago
والله ساعات في حاجات بتبقى على مقاس المحفظة وتحفة ومش درجة تانية
بس هيا بتبقى ستوكات موديلات سنين فاتت ومفيهاش الهوا
انا ساعات اجيب حاجات
الاقيها نفسها في كارفور بضعف التمن والله وبتبقى مستوى اقل من اللي جبته بنص التمن
مش رخيص ولا حاجة
بس الحاجات دي عاوزة اللي يلف كتير ويبرم حبتين هيلاقي كل حاجة
كلام حضرتك مظبوطاقتباس:
المشاركة الأصلية كتبت بواسطة nonetta
انا شبة مقيم ف كارفور وهايبر مرتين شهرياَ
حاجة كرفور بالنسبة للملابس غالية ودرجة تانية
والناس بتبهدلها
كرفور مينفعش غير فى مشتريات الاكل كـ ماركت فقط
حتى حاجة العربيات نار .. جبت منهم حاجات للعربية وندمت
لما لاقيتها برة بنص التمن .
بالضبطاقتباس:
المشاركة الأصلية كتبت بواسطة nicegypt
السلع اللي عليها عروض بمعنى اصح
انا لما باكون رايقة ورايحة اشتري لوازم الشهر ادخل على كل العروض على كل السوبر ماركت المتاح اني اروحه زي سبينيس وكارفور واولاد رجب و خير زمان والمحمل رغم ان المحمل بقرف منه
اكتب طلباتي في ورقة واشوف الاسعار
واشوف اقل عرض موجود فين
غير كدة لو مستعجلة باشتري من خير زمان على طول عشان اقرب حاجة ليا
احسن الوحشين
الملابس بتاعة هايبر يمكن تكون انظف شوية من كارفور بس بردو غالية موجودة برة ارخص وهتلاقي نفس الحاجات دي في العتبة والموسكي بنص التمن بدون مبالغة بس الواحد لو مضطر والمكان دة اقرب هيشتري الحاجة بدل ما يضرب المشوار في الزحمة
روح ماكس الى قدام الميرلاند حاجتة شيك اوى
روح Spinneys في سيتي ستارز ، أسعاره زي التوحيد والنور تقريبا
انا لسه جايب سويتر حلو قوي منه من اسبوعين وكان عليه عرض كويس قوياقتباس:
المشاركة الأصلية كتبت بواسطة curbis