اسمع كلام الرجاله وانزل التوفيقيه على الارخص واشترى لان اسعار المطبعه غاليه بجد
السمعات لما اشتريتها من التوفيقيه طلعت ارخص منهم ب 90 جنيه
عرض للطباعة
اسمع كلام الرجاله وانزل التوفيقيه على الارخص واشترى لان اسعار المطبعه غاليه بجد
السمعات لما اشتريتها من التوفيقيه طلعت ارخص منهم ب 90 جنيه
مايسترو احسن اسعار وهتلاقي عنده ارخص من التوفيقية كمان بس فاصل مع صاحب المحل اسمه عبد الله تقريبا
وماتسألش الصانيعية لانهم بيزودو السعر خليك مع صاحب المحل ولو مش موجود استناه او روح في وقت تاني
اشتريت من عنده كاسيت سوني دبل ب 900 جنيه بالتركيب
عايز اقول لحضرتك اني لفت التوفيقية كلها حتة حتة وكان اقل محل بيبع الكاسيت ده ب 1050
بس اتعاملت معاه في كذا حاجة تانية الصنايعية اللى عنده مش كويسين (في الفاميه والسنتر والكلام ده ابعد عنه) لدرجة اني مابقتش اتعامل معاه
لكن في الصوتيات اسعاره كويسة اوي والراجل محترم بصراحة
المشكله انى مش هاعرف اروح التوفيقيه لو كان فى امكانى كنت روحت . بس هاشوف المايسترو اسعاره ايه . طب ماتفتكرش يا احمد سعر الـبايونير 400 عاملين كام ؟
البايونيير ال 400 عاملة من 260 ل 280 و ال 500 وات نفس السعر فجيب ال 500 احسن و دى اسعار من التوفيقية انت هتفتح فى الصاج ولا المكان بتاع السماعات محفور اصلا لو كدة ممكن اظبطلك الدنيا
عندى محفور ورا مكان السماعات الفابريكه يا مودى
ادريان ممكن الحاجة عندو اغلى شوية بس حتركب مجانا ولو فى اى حاجة فلوسك لسة فى جيبك
المايسترو مبحبوش غالى ولازم تفاصل كتير جدا بس صاحب المحل اعتقد عبدالله محترم جدا بس مش موجود كتير
ناندو حراق جدا انا سالت على طقم صوت عندو كان اغلى يا 100 جنيه يا 200 ومن غير تركيب من وجهة نظرى ادريان افضلهم انما زى ما العضاء الافاضل قالوا التوفيقية احسن اسعار
بص يا باشا هى التوفيقية فى الصوتيات عاملة زى العتبة فى الاجهزة الكهربائية فلو كان فرق السعر ميستهلش يبقى ملهاش لازمة التوفيقية اقولك على حاجة الواحد مش بيركب طقم صوت كل يوم انت حدد الانواع و الموديلات الى انت عايزها واسال عليها هنا وهنا والارخص والاضمن توكل على الله واشترى من عنده ومتنساش تعمل حساب فلوس التركيب واى وصلات فى الحسبة ومبروك مقدما على طقم الصوت
واتعاملت مع اوسكار قبل كده بس كان طقم صوت عادى كاسيت شرايط واريال وسمعات حاجة كده تمشى الحال كانت عربية عمى لكن اوسكار عمرى مرحت سالت على حاجة الا لو سمعت اسعار غريبة:O_stupid[1]: غالية جدا وانا متاكد انه مبيبعش بالسعر طب ليه الغلو ولازم افاصل وحركات