السلام عليكم
كيفيكم يا شباب
محدش يجيلكم في حاجة وحشة :))
انا عايز اروح اجدد الرخصة في المرور اللعين الدعي مرور السلام
طلعت جواب البنك ..... اخد معايا ايه تاني ؟
وايه الاجراءات اللي بتم علشان اكسب وقت بدل ما اروح الف وادور و كله يفتي
وايه احسن يوم ممكن اروح فيه الاحد ولا الاتنن ولا التلاثاء ؟؟؟
وتقريبا تجديد سنة يتكلف كام ؟؟
جزاكم الله خيرا معلش هاتعبكم معايا
واقعدوووا بالعافية :d
السلام عليكم و رحمة الله و بركاتة
بالتوفيق ان شاء الله , بالنسبة للترخيص بقى مش هتاخد معاك حاجة غير جواب البك و الباقى من المرور و تجديد سنة هيكون فى حدود 350 الى 400 جنية لو مفيش مخالفات ان شاء الله .
أول حاجة تعملها تروح نيابة المرور و تطلع شهادة المخالفات لو مفيش مخالفات بتدفع 5 جنية و تاخد الشهادة و بعد كدة تروح أى كشك من أكشاك شركات التأمين و تدفع تأمين سنة فى حدود 80 الى 90 جنية مش متذكر بالظبط و بعد كدة تشترى الملف من كشك التصوير التابع للمرور و تقدم الورق فى الشباك , الراجل فى الشباك هيديك ورقة تدفع بيها فى الخزنة تقريبا حوالى 300 جنية و تاخد الوصل ترجعة الشباك و خلاص على كدة , تقعد بقى تستنى الرخصة لما تطلع و خد معاك صورة الرخصة و البطاقة كذا نسخة عشان توفر وقت
ان شاء الله الموضوع يتم بسهولة و بدون مخالفات و لينا الحلاوة بقى
هاهاهاها .......... الكلمة الوحيدة اللي نفسي مسمعهاش ان شاء الله بكرة هههههههههههاقتباس:
المشاركة الأصلية كتبت بواسطة alaasaid
ربنا يعزك يارب ويبارك في عمرك
كده تمام
طيب اني يوم فاضي مقارنة بغيره ؟
واروح من الساعه كام ....... ؟؟
في موقع بيقولي المخالفات ... كتبت رقم العربية جابلي 3375 جنيه ههههههههههههههههه
غالبا علشان بمشي علي كاوتش واحد ولا ايه مش عارف :36_2_33:
جزاك الله خيرا :))
مفتاح السر في مرور السلام حاجتين :
1- اول واحد تحط رجلك في المرور الصبح اول واحد
2- اوعى تفكر انك ممكن تخلص كل المراحل على يوم واحد على الاقل يومين
نصيحة
اياك تسمع كلام اي كلب هناك يقولك اخلصلك مصلحة وانت مرتاح او اخفضلك مخالفات
كله نصب
كان في موضوع قديم عامله كريم منير كان بيتفسر فيه على خطوات الترخيص في مرور السلام
هتلاقيني كاتب قه بالتفصيل الممل هتعمل ايه
اقتباس:
المشاركة الأصلية كتبت بواسطة أبو صلاح
تمام يابو صلاح
ولو إن المرور التيت ده عايز مجلدات لوصفه
بس احب أضيف حاجه كمان
(الله يرحمك مقدما ياسونه ولو ربنا قدر لك الرجوع لازم تروح لشيخ يرد لك دينك )
متقلقش لو مت هناك هنعتبرك شهيد المرور
ان شاء الله لو طلعتها في نفس اليوم طقم بيبسي علي الناس اللي شاركت في الموضوع الحيوي ده :))))
لا تحزن يا عزيزى فكلنا " مرور السلام "
حسبى الله و نعم الوكيل
و ربنا معاك و ترجعلنا بالسلامه
+1111111 :36_2_33:اقتباس:
المشاركة الأصلية كتبت بواسطة mostafa mahmod
ربنا يصبرك يا سونه
خد بالك الخزنة بتقفل الساعة 12 هناك
مالكش دعوة بالناس اللى واقفين برة
روح بدرى جدا يعنى لو اتأخرت ما تروحش من أصله
وبالتوفيق
ربنا معاك .. المفروض يسموه مرور الحرب مش مرور السلام.
والله ياشباب ....... انا متحمس جداااااا لدرجة اني بفكر مروحش اصلا :)))
انا كنت ناوي اروح النهاردة بس الحمد لله طلعلي حاجة في الشغل كده
فها توكل علي الله و اجهز للحرب بكرة ان شاء الله
دقووووووووا الطبوووووووول :)))
ربنا معاك - و يا ريت اخبار الوحدة عامة
علشان الدور عليا فى فبراير !!!
الحمد لله الحمد لله الحمد لله
ياجدعاااااااااااااااااااا اان انا رخصت :)))
يانيااااااازي صحي نيازي انا رخصت النهارده في مرور السلااااااااااام ....... أحمدك ياااااااااااارب :d
ومشيت الساعه 1 الضهر ........ انا مش مصدق بفضل الله
الحمد لله .......... زي ما اكون عطشااااااااااااان وشرقت :d
-----------------------------
هما عملوا حاجة جديدة بدل الكشف بالبطاقة
اول ماتروح برخصتك تجيب ورقة فحص لوحات من الكشك وتسلمها فيي شباك اللوحات المعدنيه و تروح تقعد تحت التندة وينادوك يدوك الرخصة متدبسة فيها الورقة ديه ومختومة
تروح بيها علي المخالفات وتقدمها وتشوف عليك كام وتدفعهم وبعد كده تدفع التأمين وتروح الشباك والحمد لله
يا رجالة متشكرين علي حسن تعاونكم معنا ربنا ما يوقفلكم كمين ولا ظابط تيييت :)))
مبروك
فين البيبسي اللي كنت ناوي توزعه
أنا غيرت العنوان اللي في البطاقه بس لما لقيت اني تبع مرور الحرب... قصدي السلام
ههههههههههههههههه
ميدو حد محترم والله
اكبر 12 صاروخ بيبسي فيكي يامصر يتوزع علي الرجالة وعلي حساااااااااااابي :)))
انا كنت اول مرة اروح المرور الزفت دي مع واحد صاحبي امبارح وياريتني ماروحت دا ايه الارف دا يا جدعان اقسم بالله سوق خضار ستات بجلاليب وعبايات وعصابات وبلطجية وحاجة عمري ماشوفتها وكل حاجة بفلوس حتى الطابور بفلوس ومش عارف زاي ادارة المرور سايبة العربخانة دي كدا وخصوصا الحريم اللي بعبايات تحس انهم هما اصحاب المرور والظباط ولا هما هنا وفي واحدة هناك معاها فرنا دهبي صباح الفلوس بتعمل الرخص للناس ولا كانها صاحبة المرور حاجة في منتهى قلة الذوق و ................... ومش عايز اكمل عشان متوقفش
ألف مبروك , و الله الواحد بيكون خارج من المرورو و عايز يسجد لربنا انه طلع من المكان دة
اهلا مقولتش ليه يابو حميييييييد انا كنت هناك امبارح :))اقتباس:
المشاركة الأصلية كتبت بواسطة محمد الجرجاوي
شفت البت اللي كانت هاتضرب الواد بالمطواه ....... انا قابلت زميلتي هناك بقولها شايفة البنات ههههههههههههههههههههه
سبحان الله ...... انا معرفش دول بتجوزا رجالة ولا ايه ؟ :))
والواد يعيني صعب عليا مع انه شكله بلطجي برده بس تقول ايه بقي :))
ربنا ما يوريك يارب :))
الله يبارك في عمرك ا/ علاء ....... المرة اللي فاتت خدت اللوح الجديدة وجريت قبل ما يندهوا عليا تاني :))اقتباس:
المشاركة الأصلية كتبت بواسطة alaasaid
والله مشكور وشكرا علي تعبك معايا
واكبر ازازة صاروخ مشبرة توصلك لباب البيت :))
طيب ياريت ياحسين تقلنا الخطوات بقى وجبت ايه من البنك ومن شركه التأمين عايز الخطوات بالضبط لانى قدامى شهر وارخص فى نفس المرور وربنا يسترها
ازيك يا حسين يا راجل دي مرور تيييييييييت وبصراحة الله يكون في عونكوااقتباس:
المشاركة الأصلية كتبت بواسطة sonasteel
انا بروح مرور م نصر بطلع الرخصة في 20 دقيقة بدون وسائط ولا اكراميات
هو العيب في السلام من مدير المرور هناك سايبها ميغة وزريبة للي داخل واللي خارج
ده ابتلاء من ربنا
اصبر و احتسب
بسم الله ..... صلي علي النبي عليه الصلاة والسلاماقتباس:
المشاركة الأصلية كتبت بواسطة heshhesh
اولا انا رحت شركة التأمين وجددت الوثيقة ...... بس خلي بالك في حاجة جديدة اتعملت علي كل شركات التأمين
ان الوثيقة يكون فيها 25% يتحملها المؤمن في حالة سرقة السيارة لا قدر الله
او لو مش عايز البند ده نسبة التجديد بتزيد 50%
البنك عندي مكانش موافق علش موضوع 25% فكنت هالبس في زيادة 50% وانا شاحتهم اصلا هههههههههههه
بس الحمد لله الراجل اللي بتعامل معاه فعلا محترم بمعني الكلمة و كان بيدورلي علي مكان تاني اجيب نمه الوثيقة بس ربنا ييسر والحمد لله وافقوا
المهم لو انت محتاجه في حاجة قلي
ثانيا ... خدت الوثيقة وطلعت علي البنك وسلمتهالهم وقالولي هانكلمك لما الجواب يجي (ده جواب بيفوضوك انك ترخص وانك دافع اللي عليك تقريبا) مش فاكر النص بتاعه
ثالثا ..... بتاخد الجواب ده وصورة الرخصة و صورة البطاقة وتطلع علي المرور
اول ما تحش مرور السلام تسمي الله كده وتروح علي الكشك اللي علي الشمال وتاخد بيان صرف لوحات
وتطلع الرخصة والبيان وتروح علي شباك اللوحات المعندنية وتديهاله
هايقولك روح اقعد تحت التندة ....... هاينادوا عليك يدوك الورقة مختومة ومتدبس فيها الرخصة
هاتاخدها وتطلع علي المخالفات تديها الرخصة والورقة وتقولك مخالفاتك كام و تستني تدفعها وتاخد الورقة بتاعتها
كده فل ؟ ؟؟؟؟؟؟؟
بعد كده تاخد كل ده وتروح تجيب ملف من نفس الكشك وتحط فيه كل اللي معاك
1- جواب البنك
2- الرخصة والمخالفات
3- صورة البطاقة والرخصة
ولو عايز تجيب نموذج تجديد هاته لو استني لما يقلك هو مش فارقة .
لما تجيب النموذج هتملاه وتديهوله ويتدبس الورق ويقولك استني تحت التندة
ومباااااااااااارك عليك الرخصة ان شاء الله
نصيحتي ليك
1- تصلي استخارة
2- روح علي 9 ...... مش هاتفرق كتير انا فضلت واقف قدام المخالفات وطلع لازم اجيب الورق ده والساعتين راحو علي الفلاضي اللي كنت رايخكم الصبح
وربنا ييسرلك كل خير يارب العالمين
ههههههههههههه هو العيب المرور نفسه :))اقتباس:
المشاركة الأصلية كتبت بواسطة محمد الجرجاوي
ونعم باللهاقتباس:
المشاركة الأصلية كتبت بواسطة human12
متشكرين ياسحس على الخطوات ياباشا والف مبروك على النجديد
الله يبارك فيك يا بيك ........ وربنا ييسرلك كل خير ويتملك علي خير يارباقتباس:
المشاركة الأصلية كتبت بواسطة heshhesh