السلام عليكم
بعد تغيير طبة مياة للموتور .. الميكانيكي قاللي نحط شوية جاز مع مياة الرادياتير وامشي بيها يومين لتنظيف الصدأ المترسب فى دورة التبريد .. ثم تغيير المياة بمياة نظيفة
هل ده صح ؟ ولا له تأثير ضار ؟
شكرا
السلام عليكم
بعد تغيير طبة مياة للموتور .. الميكانيكي قاللي نحط شوية جاز مع مياة الرادياتير وامشي بيها يومين لتنظيف الصدأ المترسب فى دورة التبريد .. ثم تغيير المياة بمياة نظيفة
هل ده صح ؟ ولا له تأثير ضار ؟
شكرا
أنا شخصيا بعملها و جربتها كذا مرة و مرة حطيت صابون سائل كمان بس فضيتة فى وقتها غسلت بية فقط علشان اضيع ريحة الجاز
لو غسلت الدورة بالجاز ما تكترتش الجاز و دة انا عملتة لان الدورة دخل فيها زيت من الموتور و عمل طحينة
بس ممكن الجاز ده يكون مضؤر للخراطيم
الجاز بيسخن دورة التبريد جامد
فى ماده بتتباع ب10ج علبه صفره صناعه أمريكى مخصوصه للغسيل وتنضيف الصدأ ومانع صدأ فى نفس الوقت أنا مجربها
وممكن تغسل بخل زى ما بتغسل غلاية الشاى بالظبط
شكرا لرد حضرتك ورد الأخوة الأعزاء ..
ممكن توضيح تفصيلي ازاي انضف الرادياتير بالمدة دى ، يعني أفضي المياه القديمة كلها ، وبعدبن أعمل ايه ؟ أملأ الدورة كلها وأضيف عليها المادة الصفراء دى وبعدين أدور وأسيبها ولا أمشي بالعربية شوية ؟
محتاج الشرح بالتفصيل لو أمكن ، ولو ممكن تقوللي اي معلومة عن نوع المادة او اسمها او شكل العلبة
شاكر جدا لمساعدتكم
لو عايز تبقى فى الامان و مش عاوز اى مخاطرة
اعمل دورة تنظيف للدورة فى محطة البنزين ب 20 جنية
بس صدقنى التنظيف بالطريقة العادية البلدى مفيهوش مخاطرة
و القربة بتاعت المية بيفكها و بيحط جواها رملة و بنزين و بينظفها
الماده بتضاف على المياه الموجوده فى الردياتير وبتقفل الغطاء وتدور العربيه
تسيبها دايره من 10 الى 20 دقيقه على ما أعتقد بيبقى مكتوب على العلبه بدون تحريك السياره
بعد كده تفضى مية الردياتر ويستحسن تفتح الخرطوم الخارج من الموتور و تسيب خرطوم مياه نضيف مفتوح فى فتحة الردياتر والعربيه دايره شويه لحد ما تشوف المياه الخارجه بنفس صفاء ونضافة المياه الداخله من الخرطوم
بعد كده تبطل العربيه و تفتح الطبه الموجوده فى أسفل الردياتير علشان تفضى مياه الردياتر وتملى الردياتير ميه خضره وتفضى الهواء من الدايره وكده يبقى كله تمام
أول ما اشتريت العربية من حوالى سنة كان فيها صدأ رهيب فى القربة والراداتير
غسلت دورة التبريد 3 مرات فى خلال السنة الماضية مرة عند بتاع راداتير عنده ماكينة غسل راداتير ومرتين عند الميكانيكى ... وكل مرة أحط مياه خضراء وفكيت الراداتير واتسلك من جوه ومفيش فايده .....بعد شهر ألاقى الصدأ ظهر فى القربة والراداتير تانى ... من حوالى اسبوع الميكانيكى فك ماسورة علشان تركيب تريموستات الكوعه ببص فى الماسورة لاقيت الصدأ ماسك فيها من جوه وعامل زى حبوب الشباب كده من جوه ... اعتقد ان من المستحيل تنظيف هذا الصدأ تماماً ... المهم بقاء الوضع على ما هو عليه وعدم زيادة الصدأ ... انما القضاء عليه مستحيل
بالنسبة للتبريد عندى الحمد لله مثالى والعربية مش بتسخن ومفيش اى مشاكل حتى قبل اجراء اى عملية تنظيف
والله يا جماعه الماده ديه
http://im18.gulfup.com/2012-01-02/1325532221501.jpg
عملت مفعول جامد معايا فى الصدأ
أنا نضفت الدوره بالخل و مسحوق الغسيل علشان يشيل الأملاح وبعد كده بالماده اللى موجوده فى الصوره
الحمد لله بقالى سنتين مفيش صدأ وبملأ الردياتير بالعبوه اللى بتضاف على مياه الحنفيه العاديه مع 6 زجاجات ما مقطر بتاع البطاريات بدل مياه الحنفيه علشان خالى من الأملاح
يعنى تجيب جركن فاضى 5 لتر وتفضى فيه 5 أو 6 عبوات ماء مقطر مضمون من بنزينه أو محل مضمون
خد بالك ماء مقطر مش أحماض
بعد ما تملى نصف الجركن بالماء المقطر تضيف العبوه اللى بتضاف على الماء
http://im18.gulfup.com/2012-01-02/1325532221522.jpg
وتكمل باقى الجركن ما مقطر لغاية مايتملى
بكده أنت عملت جركن ماء ردياتير مضمون
المادة أفضل من الجاز
والمهم إنك ماتحطش مياه من الحنفية فى دورة التبريد
عندك جركن موبيل 4 لتر أو مادة جاهزة وتزودها بمياه مقطرة عشان تضمن إن مفيش أملاح أكتر من المطلوب دخولها لدورة التبريد وكمان المادة بتحافظ على الخراطيم وطرمبة المياه