+1
عرض للطباعة
أرجوا إيضاح أن العضو يشتكي من واجا موديل 2009 (الشكل الجديد للواجا) ولزم التنويه أن كل موديلات الواجا الأقدم (الشكل القديم) أفضل بكثير ولا تعاني من تلك المشاكل إطلاقا اللهم إلا مشكلة تيل الفرامل فقط ... أنا كان معايا واجا 2005 ماتيك وبلا مشاكل والآن معايا واجا 2006 بريميم وبلا مشاكل ولا تنسوا جميعا أن الشكل القديم موتور وعفشة ميتسوبيشي لانسر بوما وجالانت أما الشكل الجديد فلا ....ومن الجدير بالذكر أن الواجا (الشكل القديم) هي أرخص سيارة في فئتها جديدة ومستعملة فلا يمكنك شراء سيارة 2006 و 1600 سي سي وماتيك وبالحجم ده أبدا إلا الواجا ....ده كان حق واجتي حبيبتي علي
جربته كتير .. ده انا تقريبا كل يومين هناك لانه قريب مني
في حاجات كتير معندهمش خبرة فيها .. زي العفشة واستهلاك البنزين .. والسنتر لوك مثلا اللي كان بيعلق
كتير كشفت على العفشة عندهم وكان الرد انها طبيعية وسليمة .. ومن اسبوع كنت في التوكيل بركب التعديل واتصل بيا المهندس احمد سامي وقالي ان لازم نغير المقص اليمين علشان البيضة مش تمام .. يعني موضوع المقص عدا على مركز عصام والصنايعية هناك مش كلهم كويسين
حاجة كمان ان طرمبة الباور بتزن عندي والمهندس محمد قالي تعايش احسن مع الصوت ومتغيرهاش لان اللي في التوكيل مش زي اللي بتيجي في العربية
العربيات نصيب اولا واخيرا يمكن ربنا كاتب خير فحاجة تانية احسن قدام اصبر شوية معلش علشان الخسارة
وبصراحة عربيات بروتون ممتازة فحاجات كتير لكن برده ليها عيوب كتير واكتر عيب ممكن تشوفه لما يكون معاك منتج ممتاز لكن الي بيبعولك مش فاهم حاجة فيها علي عكس منتج تاني اقل منه لكن الي بيبعه عارف يسوقه ويصلحه ازاي وفالنهاية عربيات مظلومة من توكيل اظلم تحياتي
كله بيقول بيعها بيعها ، طيب ما اللى هيشتريها هيعمل ايه فى المشاكل دي !! ، وعلى فرض انك هتعرف المشتري كل كبيره وصغيره ما أكيد هيأثر على سعرها وهيكون بخسارة َ!! ، ما هو يا يكون لها حل المشاكل دي ، وأكيد يعني إن شاء الله لها حل لأن اى حاجة فى الدنيا ممكن تتصلح ولو فى اى مكان خلاف التوكيل وأكيد انت بتحاول بدون شك ، يا إما العربية دي ترجع بلادها وتاخد واحدة جديدة!!!
انا قابلت آخر مرة فى التوكيل واحد معاه واجا ، ماشاء الله لاقوة إلا بالله ، يمكن معدي بها ال140 الف تقريبا والله اعلم ، صيانتها العادية بيعملها فى البنزينة وبيروح التوكيل بس الصيانات الكيلوات الكبيرة اللى بغير فيها السيور ويكشف فيها على العربية كلها ، وبيقولي انا بعمل كدة من اول ما اشتريت العربية ومبروحش التوكيل !!
فليكس, أنا عندي واحد صاحبي معاها واجا 2006 وبيتعامل مع ميكانيكي متخصص في بروتون, هابقى اخد منه نمرة الورشة واديهالك, هو بيقولي إنه بيفهم في العربية أكتر من التوكيل.
ياريت تقبل رأيى
أنا معايا واجا بريمير 2009 أوتوماتيك
العربيه دلوقتى عامله معايا تقريبا 13ألف كيلو وشاريها من 6 شهور بس
العربيه فيها أكيد مشاكل ومنها من اللى إنت قولته
يعنى إستهلاك البنزين جنونى بس على الطريق الإستهلاك طبيعى ومعقول جدا بتعمل معايا على الأقل 500 كم فى التفويله لو على سفر يعنى تقريبا الليتر يمشينى من 9 ل 10 كيلو وعلى سرعات عاليه تقريبا مش بتقل عن 140
صوت الماتور عالى حبتين وأحيانا بحسها ميزة مش عيب
أصوات خبط على فترات فى الشنطه ودى مش لاقيلها حل ومؤخرا فكرت فى إت الأستبن هو سبب الأصوات دى
إضائه خلفيه ضعيفه بس ده عيب مش مهم أبدا
تقفيل محتويات كبوت العربيه ماتور وبطاريه وخلافه تحسه ملغبط أوى وكان ممكن يبقى أشيك كتير ويتلم بشكل أجمل من كده
شكل خارجى مش جميل وخصوصا الفوانيس اللى قدام
-----
المزايا بقى بالنسبالى أهم كتير من العيوب لأنها حقيقى غطت عليها
1. ثبات عالى جدا على سرعات عاليه مقارنه بعربيات كتير فى نفس الفئه
2. صاج وقوة تحمل ممتازة
3. كراسه وقعده مريحه وفخمه
4. كونسول أمامى محترم وجوده خاماته لابأس بها أبدا
5. إضائه كشافات معقوله جدا على مستوياتتها التلاته
6. كماليات معقوله جدا مقارنه بالسعر للفئات التانيه
بشكل عام الحمد لله راضى جدا عن العربيه وكتير مكانوش يعرفوها زى حالاتى ولما شافوها نفسهم يجيبوها