الموضوع: تجربتي مع بروتون واجا لمدت سنتين و3 شهور

المشاركة الأصلية كتبت بواسطة abdohod

أرجوا إيضاح أن العضو يشتكي من واجا موديل 2009 (الشكل الجديد للواجا) ولزم التنويه أن كل موديلات الواجا الأقدم (الشكل القديم) أفضل بكثير ولا تعاني من تلك المشاكل إطلاقا اللهم إلا مشكلة تيل الفرامل فقط ... أنا كان معايا واجا 2005 ماتيك وبلا مشاكل والآن معايا واجا 2006 بريميم وبلا مشاكل ولا تنسوا جميعا أن الشكل القديم موتور وعفشة ميتسوبيشي لانسر بوما وجالانت أما الشكل الجديد فلا ....ومن الجدير بالذكر أن الواجا (الشكل القديم) هي أرخص سيارة في فئتها جديدة ومستعملة فلا يمكنك شراء سيارة 2006 و 1600 سي سي وماتيك وبالحجم ده أبدا إلا الواجا ....ده كان حق واجتي حبيبتي علي

اتفق معاك فعلا ان الواجا القديمة لا تمت بصلة للجديدة
القديمة خامات احسن وتقفيل احسن وشكل اجمل مع ان الشكل هو هو بس بحس ان الجديدة مش راكبة على بعض وكمان جنط 15 مش 16 زي القديمة .. مش عارف ليه بروتون بترجع لورا

المشاركة الأصلية كتبت بواسطة mahmoodallam

طيب شوف عصام وصفا
انا ما جربتوش بس الناس بيشكرو فيه جامد

جربته كتير .. ده انا تقريبا كل يومين هناك لانه قريب مني
في حاجات كتير معندهمش خبرة فيها .. زي العفشة واستهلاك البنزين .. والسنتر لوك مثلا اللي كان بيعلق
كتير كشفت على العفشة عندهم وكان الرد انها طبيعية وسليمة .. ومن اسبوع كنت في التوكيل بركب التعديل واتصل بيا المهندس احمد سامي وقالي ان لازم نغير المقص اليمين علشان البيضة مش تمام .. يعني موضوع المقص عدا على مركز عصام والصنايعية هناك مش كلهم كويسين
حاجة كمان ان طرمبة الباور بتزن عندي والمهندس محمد قالي تعايش احسن مع الصوت ومتغيرهاش لان اللي في التوكيل مش زي اللي بتيجي في العربية

كله بيقول بيعها بيعها ، طيب ما اللى هيشتريها هيعمل ايه فى المشاكل دي !! ، وعلى فرض انك هتعرف المشتري كل كبيره وصغيره ما أكيد هيأثر على سعرها وهيكون بخسارة َ!! ، ما هو يا يكون لها حل المشاكل دي ، وأكيد يعني إن شاء الله لها حل لأن اى حاجة فى الدنيا ممكن تتصلح ولو فى اى مكان خلاف التوكيل وأكيد انت بتحاول بدون شك ، يا إما العربية دي ترجع بلادها وتاخد واحدة جديدة!!!
انا قابلت آخر مرة فى التوكيل واحد معاه واجا ، ماشاء الله لاقوة إلا بالله ، يمكن معدي بها ال140 الف تقريبا والله اعلم ، صيانتها العادية بيعملها فى البنزينة وبيروح التوكيل بس الصيانات الكيلوات الكبيرة اللى بغير فيها السيور ويكشف فيها على العربية كلها ، وبيقولي انا بعمل كدة من اول ما اشتريت العربية ومبروحش التوكيل !!

فليكس, أنا عندي واحد صاحبي معاها واجا 2006 وبيتعامل مع ميكانيكي متخصص في بروتون, هابقى اخد منه نمرة الورشة واديهالك, هو بيقولي إنه بيفهم في العربية أكتر من التوكيل.

المشاركة الأصلية كتبت بواسطة raul_7

فليكس, أنا عندي واحد صاحبي معاها واجا 2006 وبيتعامل مع ميكانيكي متخصص في بروتون, هابقى اخد منه نمرة الورشة واديهالك, هو بيقولي إنه بيفهم في العربية أكتر من التوكيل.

الف شكر ليك يا محمود باشا ياريت تلحقني بيه لاني بجد مش طايق العربية ولا بركبها اصلا :((

المشاركة الأصلية كتبت بواسطة eng f3lix

الف شكر ليك يا محمود باشا ياريت تلحقني بيه لاني بجد مش طايق العربية ولا بركبها اصلا :((

العفو يا معلم, إن شاء الله اجيبهالك بكرة.