تجربتي مع بروتون واجا لمدت سنتين و3 شهور

**eng.m7md.ali** · 31-12-2011 06:13 PM

انا هقول رأي وياريت الناس تتقبل الرأي ده لانه عن تجربة
ويمكن العيوب اللي شوفتها في العربية تكون حالة فردية من وجهة نظر الناس بس كل مااروح التوكيل اسمع عيوب غريبة اول مرة اسمع عنها

العربية دلوقتي عاملة 35600 كم واجا اوتوماتيك موديل 2009
تجربتي مع الزيوت كانت .. توتال5000 .. توتال 5000 .. بعد كدة فيسكو10000 .. فالفولين 5000.. ليكومولي 5000
احسنهم كان بصراحة هو التوتال

المميزات .. الثبات المعروف عن البروتون طبعا وقوة الموتور على السرعات العالية .. العربية مريحة في السفر والكراسي مريحة .. واسعة من ورا وقدام .. شنطة واسعة .. تصميم شيك وجميل من جوا
العيوب .. هاتو ورقة وقلم واكتبو ورايا :))
1- التوكيل .. وكلنا عارفين التوكيل بيعمل ايه (عدم الخبرة الكافية في التعامل مع المشاكل )
2- ارتفاع استهلاك البنزين بطريقة غريبة بتوصل ل 120 كيلو في الصفيحة وعلى الطريق السريع على سرعة 100 ثابتة بتستهلك حوالي 200 كيلو في الصفيحة (مع عدم خبرة التوكيل في التعامل مع المشكلة )
3- الخامات الزبالة والتقفيل الازبل .. والاصوات اللي من كل مكان
4- الارتفاع المبالغ فيه للعربية الواجا بدون اي سبب منطقي وكمان تغير مقاس الجنوط من 16 الى 15
5-عيوب صناعة منتشرة في العربية ( تغيير علبة الدريكسيون 3 مرات واخيرا تم عمل التعديل واختفاء الاصوات نهائي .. تغيير مكن الزجاج الامامي مرتين يمين ومرتين شمال .. تغيير بلي العجل الامامي .. ظهور عيب في طرمبة الباور .. استهلاك البنزين .. اصوات العفشة والمساعدين .. تغيير المقص اليمين امامي .. تغيير موتور رشاشات مية المساحات .. رعشة في العربية وهيا واقفة بدون سبب علمي وعدم دراية التوكيل عن كيفية حل المشكلة .. العفشة ناشفة جدا جدا مقارنة بالجين2 وعربية واجا تانية )
6- سوء خامات الطنابير والتيل (الفرامل دايما بتصفر معايا حتى مع التيل الاصلي اللي كان مع العربية )
ودي العيوب اللي عندي في العربية بما يرضي الله ومش مألف حاجة من عندي وكله بالورق والمستندات وللاسف مش عارف اخد حقي ومنصحش حد يشتري العربية دي ولا يشتري بروتون اصلا الا هيكره نفسه زيي بالظبط واعتقد انها مش عيوب فردية لاني شوفت العيوب دي كتير في التوكيل ومحدش يقولي اني بهين العربية وانا السبب في اللي فيها .. بس يعلم ربنا اني بمشي بهدوء شديد خصوصا في الطرق المتكسرة ومبخدش بلاعات والكلام ده ومع ذلك ظهر رفة في ال4 جنوط واعتقد السبب في العفشة الزفت

وحسبي الله ونعم الوكيل

**walidzakzok** · 31-12-2011 06:54 PM

فعلا منصحش اي حد يجيب عربية مش منتشرة وكمان توكيلها تعبان

**mido_soliman** · 31-12-2011 08:34 PM

ربنا يصبرك يا فيليكس بيع واخلص علشان ترتاح

**Ahmed.Ali** · 31-12-2011 08:49 PM

المشاركة الأصلية كتبت بواسطة mido_soliman

ربنا يصبرك يا فيليكس بيع واخلص علشان ترتاح

+1

**Abdelrahman.H** · 31-12-2011 08:59 PM

بيعها وريح دماغك !!!!!!!!!!

**eng.m7md.ali** · 31-12-2011 09:28 PM

يعني تفتكرو يا جماعة ان البيع هو الحل؟

من الطبيعي من اي توكيل ان لو في حاجة معجبتنيش التوكيل ملزم يحلها ولو مفيش حل خالص يبقى من حقي اغير العربية .. زي موضوع استهلاك البنزين ده اللي مفيش حد عارف حل المشكلة دي ايه وكمان حوار الرعشة
ومش هضطر ابيع العربية علشان التوكيل مش عارف يتعامل مع المشاكل
انا بحب العربية دي جدا رغم كل المشاكل دي .. العربية دي بتتحسسني بالتميز وانا ماشي في الشارع وللاسف مقدرش ابيعها لانها قسط مش كاش ولازم اكيشها الاول

**Raul_7** · 01-01-2012 02:07 AM

يا عيني يا فيلكس ياخويا واللهِ أنا صعبان عليَّ مشاكلك اللي مش عارف تحلها ده, بس أنا بصراحة بقيت بتمنى العربية ميحصلش فيها حاجة عشان ما اضطرش أروح التوكيل, علشان تقريبا معظم تجاربي معاه مش كويسة.

**pedro732000** · 01-01-2012 02:16 AM

جهاز حماية المستهلك عليك بيه وش

**eng.m7md.ali** · 01-01-2012 02:28 AM

والله ياجماعة بجد مش عارف اقول ايه
وجهاز حماية المستهلك ولا عبرني اصلا
بعتله كتير وردو عليا علشان ابعتلهم حاجات وفعلا بعت الحاجات المطلوبة ومردوش عليا لحد دلوقتي ( الكلام ده بقاله اكتر من 3 شهور )

**mahmoodallam** · 01-01-2012 02:00 PM

طيب شوف عصام وصفا
انا ما جربتوش بس الناس بيشكرو فيه جامد

الموضوع: تجربتي مع بروتون واجا لمدت سنتين و3 شهور

LinkBack

أدوات الموضوع

عرض

تجربتي مع بروتون واجا لمدت سنتين و3 شهور - انشر الموضوع فى :

-

-

-

-

-

-

-

-

-

المواضيع المتشابهه

لادا روسى موديل 98 رخصة بأسم صاحبها سنتين واربع شهور

بروتون واجا

بروتون واجا

كل شيئ عن : بروتون واجا

الكلمات الدلالية لهذا الموضوع

المفضلات

المفضلات

ضوابط المشاركة