الأهلي vsالمحلة الأن

**A7MED_PHARMA** · 31-12-2011 06:21 PM

شوفتوا ماتش الأهلي والمحلة حااااااالا على دريم 1

قلة أدب
والمصور جاب ناس بتعمل إشارات نابية بكل وضوح

**heshamzaky** · 31-12-2011 07:26 PM

جماهير المحلة تقتحم أرض الملعب-www.GoalFmRadio.com

‫جماهير المحلة تقتحم أرض الملعب-www.GoalFmRadio.com‬&lrm; - YouTube

**heshamzaky** · 31-12-2011 07:28 PM

أحداث شغب بـ ستاد غزل المحلة
على اليوتيوب بنفس الاسم السابق مش حا ينفع ينزل على المنتدى

**A7MED_PHARMA** · 31-12-2011 08:23 PM

طول عمري بقول ان الكورة دي قلة أدب .. وتعصب غبي.. وفلوووووس ع الارض من غير لازمة

**heshamzaky** · 31-12-2011 08:26 PM

هو كدة الماتش أتلغى و لا لسة حا يلعبو لانى قفلت التيلفزيون و خايفين على اللعيبة و الجمهور الى حا يرجع مصر

**heshamzaky** · 31-12-2011 08:59 PM

المشاركة الأصلية كتبت بواسطة korkor

الماتش اتلغى وربنا يستر على الاهلى والجمهور ويعرفوا يرجعوا القاهره

كانو بيقولو حا يامنوهم بالشرطة و الجيش علشان برجو بالسلامة بدل ما حد يتربص بهم فى السكة و مش ضامنين اية الى ممكن يحصل

**heshamzaky** · 31-12-2011 09:02 PM

الماتش بقى موقعة الجلابية و الاحداث الى بعدة مؤسفة
فعلا بقت البلد فوضى بجد
يعنى ناس رايحة تتفرج على ماتش النتيجة خايفين يروحو مصر و هما داخل مصر مش فى بلد غريبة
=================

حمدى يطمئن على لاعبى الأهلى ويطالب الأمن بتأمين الفريق والجمهور
السبت، 31 ديسمبر 2011 - 20:18

أجرى حسن حمدى رئيس النادى الأهلى أكثر من اتصال هاتفى بسيد عبد الحفيظ مدير الكرة بالفريق، للاطمئنان على الفريق عقب أحداث الشغب التى وقعت خلال مباراة غزل المحلة بملعب الأخير، وأسفرت عن اتخاذ ياسر عبدالرءوف حكم اللقاء قرارا بإلغاء اللقاء .

وشهد لقاء الأهلى والمحلة فى الجولة الـ11 للدورى أحداثا مؤسفة، بعدما اقتحم عدد كبير من جمهور الغزل ملعب المباراة معترضين على هدف الأهلى الثانى.

كما أجرى حمدى عدة اتصالات بالجهات الأمنية لتأمين فريق الأهلى وجمهوره خلال رحلة العودة للقاهرة .

فى السياق ذاته، أجرى أكثر من عضو بمجلس إدارة النادى اتصالات هاتفية بعبد الحفيظ وقيادات الألتراس للاطمئنان عليهم.

**heshamzaky** · 31-12-2011 09:06 PM

و الله دى مسخرة و قلة أدب
خايفين لحسن يتم استهدافهم على الطريق يقومو يهربوهم فى القطار لانة أأمن
================

الأمن يحاول نقل جمهور الأهلى للقاهرة بـ"القطار"
السبت، 31 ديسمبر 2011 - 19:55

كشف مصدر داخل نادى غزل المحلة، أن مديرية الأمن تحاول حاليا نقل جماهير الأهلى المحجوزة باستاد المحلة، مباشرة إلى القاهرة بـ"القطار".

أضاف المصدر، أن جماهير الأهلى التى يقدر عددها بأكثر من 5 آلاف مشجع يصعب نقلهم بالأتوبيسات خوفاً من تعرضهم لهجوم من قبل جماهير المحلة، ويتم البحث عن قطار يقل الجماهير دفعة واحدة.

كان ياسر عبد الرءوف حكم مباراة الأهلى وغزل المحلة فى الجولة الـ11 للدورى، وقد قرر إلغاء المباراة بعد شغب جماهير المحلة واقتحام بعضهم أرض الملعب اعتراضاً على هدف الأهلى الثانى.