الموضوع: و دلوقتى بدأت سنة جديده و كل سنة و انتم طيبين

ساعات قليله و تخلص 2011
بحلوها بمرها
بثوراتها
بتفجيراتها
بانتخاباتها
خلصت للى كارها
و خلصت للى حبها
المهم انها خلصت
ناس هتفتكر اخواتها عليهم رحمة الله
و ناس هتفكتر ابويها عليهم رحمة الله
ناس هتفتكر اهلها
ناس هتفتكر شغلها اللى سبته
و شغلها اللى بتدور عليه

و ناس هتقول غارت
و ناس هتقول لسه بدرى
و ناس هتقول يااااااااااااااااااه اخيرا
و ناس هتقول ربنا ما يرجعها ايام
ناس هتفتكر انها اتجوزت فيها
و ناس هتفتكر انها خلصت دراسه فيها
و ناس هتفتكر انها شافت عيالها فيها
و ناس هتفتكر العكس
ناس هتفتكر وقفة الشارع فى اللجان الشعبية فى عز البرد
و هتفتكر انها قبلها عسكرى كان يوفقك فى الشارع تتخض
و بعدها بقى بلطجى فى كل مكان بيخوف و يخطف و يسرق
هتفتكر يها كتييييييييييييييييييييييي ير
و هتتمنى انك تنسى منها كتير
هتفتكر شهداء ماتوا
و بلطجية عاشوا
و مبانى و تاريخ اتحرق
و ناس راحت و ناس جت

سنه و عدت
وحشة
حلوه
منيله
كويسه
ناس ماتوا
ناس عاشوا
مسلمين
مسيحين


الحمد لله انها خلصت
و يارب السنة اللى جايه احسن
و انتم بالف صحة و سلامه
و عن نفسى
ربنا ما يعيدها ايام

انا مش هاقول زى كل سنه
كل سنة و انتم بخير
سواء مسلم
سواء مسيحى
كلنا اخوات

هاقول
سنة و خلصت
و الحمد لله
و نفغكر فى اللى جاى
و ربنا يديمها نعمه و يحفظها من الزوال