ارجو افادتى عن ما هى مميزات وعيوب الفورد سكورت موديلات اخر التسعينات
عرض للطباعة
ارجو افادتى عن ما هى مميزات وعيوب الفورد سكورت موديلات اخر التسعينات
مميزاتها كتيره جدااااااااااااااااااااااا ا اذا لقيت عربيه سليمه -اما عيوبها فهى اعاده البيع بصعوبه ومش اى ميكانيكى او كهربائى يشتغل فيها
مميزاتها ثبات رائع خامات ممتازة ووسعاة جدا وشكلها كويس ولو حالتها نضيفة هتريحك جدا في كل شيء عيوبها واطية جدا ولو حد ركب ورا هتحك في مطباط كتيرة جدا وجلب المقصات اسمع انها بتتغير بسرعة.
ال1300 بطة الافضل ال1600 واهم حاجة الحالة النضيفة.
والله اعلم
يعنى اسكورت بوجه عام أفضل ولا موندييو ايه رأيكم أرجو الأفادة وبالنسبة لأسعار قطع غيار الأثنين
اكيد طبعا المونديو افضل انما لازم تتحرى الدقة في الفحص طبعا.
بالنسبة لل 1300
المميزات :
- ثبات وهمي علي الطريق، والله أفضل من أي عربية.
- نادر لما تعطل منك أو تعمل لك مشكلة.
- موفرة في البنزين جدا.
- عالية علي الأرض و بتستحمل جدا.
- قطع غيارها مش غالية بالنسبة لصناعتها و عمرها الافتراضي العالي.
العيوب :
- التكييف بتاعها مش كويس.
- سحبها مش قوي.
- العفشة ناشفة.
- الأوبشنز قليلة.
كلامك سليم جدا بس احب افسر شوية نقاط :
* الفورد اسكورت مش عالية عن الأرض ، بالعكس ده من عيوبها في مصر ان ارتفاعها عن الأرض منخفض فلازم تاخد بالك من المطبات ، لكن الموضوع ده يعتبر ميزة بتحقق ثباتها على الطريق في السرعات.
* العفشة فعلا ناشفة نتيجة ان مساعدينها الأصليين ناشفين ، لكن برضه من ناحية تانية المساعدين الناشفة دي بتحقق ثبات في المناورة والغرز.
شكرا ليك وتقبل مروري.