مشكلة عداد البنزين فى الصنى

**Princekisho** · 31-12-2011 10:20 PM

فى مشكله عندى فى عداد البنزين ( صنى سوبر صالون ) لما اجى افول العربيه فول تنك المؤشر مايطلعش للآخر بيطلع قبل الاخر بشويه و يقف و بعدين يطلع للآخر لما أمشى بالعربية شويه ( ٥ : ١٠ دقيقه ) ......
لما كنت فى صيانة ال ١٠٠٠ قلت للتوكيل على الكلام ده قالى حانكشف على عوامة البنزين وبعد كده قالى مافيش حاجه ..... العربيه الان عامله حوالى ١٠٠٠٠ ك ولسه المشكله دى عندى ....... حد عند علم ده ممكن يكون ايه ؟؟؟؟؟

**mohamedbook** · 31-12-2011 10:42 PM

ده الطبيعي بتاعة عندي بيعمل نفس الكلام

**Dr'AhmZZong** · 31-12-2011 10:52 PM

كل الصني كده مؤشرها خداع .. لإن العوامة مابتسبتش .. متخفش هتتعود ..

**Princekisho** · 01-01-2012 12:07 AM

المشاركة الأصلية كتبت بواسطة wshawky

ممكن تكون العربيه و حضرتك بتفول مش واقفه على ارض مستويه مثلا و علشان كده العوامه بتاعه البنزين مبتبقاش حاسه ان التنك مليان على الاخر لكن لما بتتحرك و تقوم نازل منزل البنزينه للشارع بتتظبط معاك. أنا عندى الحكايه دى برضه و جربتها فى كذا عربيه قبل كده و اعتقد انها عاديه و مش محتاجه تشغل بالك بيها

لا طبعا الموضوع ده كل مره فى اى بنزينه

**Youssef.Awad** · 01-01-2012 12:32 AM

ياريت يافندم توضح لنا اكتر هل المشكلة مؤثرة على المدى البعيد ولا لأ؟
يعنى هل القرايات المغلوطة دى لعداد تانك البنزين بتفضل مستمرة من اول التانك لأخره واضاءة لمبة التحذير ولا فقط عند التفويل؟
ونصيحة من اخ .. لو كنت جربت مركز خدمة واحد وقالك زى الفل وكله تمام ياريت تجرب تروح مكان تانى وتعرض نفس مشكلتك لأن كتير بيفكروا دى حاجات ثانوية ومش مهمة بالمقارنة لاعطال وشكاوى تانية وده اكبر غلط وهو الاستهانة والاستهتار بمشاكل العملاء !!!

**WalidAdel** · 01-01-2012 12:35 AM

المشاركة الأصلية كتبت بواسطة princekisho

لا طبعا الموضوع ده كل مره فى اى بنزينه

عادي ياباشا كل الصني كده
مش شرط مع المشي كمان لو وقفت شويه هتلاقيه بيطلع لوحده مش عارف التفسير لده ايه بس عادي يعني لا تقلق .... كله كده

**Youssef.Awad** · 01-01-2012 01:28 AM

المشاركة الأصلية كتبت بواسطة Princekisho

عند التفويل ..... ده الى أنا عارفه ... بصراحه أنا بحافظ على أنى مخليش لمبة البنزين تنور عشان سمعت ان ده غلط ( عشان الوساخه الى يتبقى فى قعر التنك من شوائب البنزين )

ملحوظة لسيادتك لما لمبة الصنى بتنور بيبقى فاضل فى التانك لسه 13 لتر بنزين يعنى ربع التانك البالغ سعته 50 لتر واكيد مش هايبقى شوائب فى 13 لتر بحالهم !!!
وانا فاهم قصد حضرتك انه حفاظا على طلمبة البنزين الموجودة فى التانك لأنها بتسخن وتبريدها بيتم بالغمر فى البنزين لذا ينصح بعدم السير على اقل من نص التانك ودى مشكلة شائعة فى بعض العربيات واشهرهم هيونداى نيو اكسنت - عن تجربة - والحمد لله المشكلة دى مش موجودة فى الصنى
وعن نفسى بافول العربية كل 3-4 ايام وبامشى كمان بعد ما اللمبة تنور بشوية حسب طريقى يعنى تقريبا كل 450-500 كم مش قبل كده والا هاقضى نص وقتى فى محطات البنزين