ايه هيا اضرار الزبدة ؟؟؟

**Mahmoud Nagieb** · 31-12-2011 11:34 PM

السلام عليكم يا شباب

السؤال ده عاوز اعرف اجابته علشان حصل حوار بينى وبين واحد صديقى صيدلى .... خوفنى جدا من الزبدة ومن اخطارها على البنى ادم وانها مش بتتحرق مع الدهون العادية والكلام ده

طبعا الحوار كان بدايته لما عرف انى مدمن اكل زبدة لورباك كل يوم ... وبصراحة انا بعشق اللورباك على التوست المحمص وباكل منها تقريبا 2 او 3 توست فى اليوم .... فهل كده غلط عليا ؟ ولو اه ... يبقى ايه هي الجرعة المناسبة اللى متسببش ضرر للواحد ؟

للعلم انا عندى 20 سنة والحمد لله رياضى وبلعب رياضة بانتظام

وشكرا

**أحمد كمال** · 31-12-2011 11:43 PM

انت كده بتاكل كولسترول صافي ...... ما ينفعش طبعا و صديقك على حق

روح اي معمل و حلل Complete Lipid Profile (يحتاج صيام 12 ساعة) و قول لي ايه الاخبار ..... هتلاقي الكولسترول و ال LDL في السما ... و ده مش صح

**D . a .\ AYMAN** · 01-01-2012 12:47 AM

المشاركة الأصلية كتبت بواسطة أحمد كمال

انت كده بتاكل كولسترول صافي ...... ما ينفعش طبعا و صديقك على حق

روح اي معمل و حلل complete lipid profile (يحتاج صيام 12 ساعة) و قول لي ايه الاخبار ..... هتلاقي الكولسترول و ال ldl في السما ... و ده مش صح

رغم إن كلامك صح .. لكن في ملحوظة دايما بتيجي على بالي لما آكل أي أكل ويكون دسم شوية ويتعبني

إزاي الفلاح زمان كان بيضرب رغيفين زبدة بلدي من اللى قلبك يحبها الصبح كدة غيار ريق قبل ما ينزل يعزق في الأرض لغاية ما مرته (اللى بتكون ضاربة برضه معاه رغيف ولا حاجة) تجيبله الفطار عشان يلحق يفطر قبل الغداء اللى بيكون غالبا ما لذ وطاب من جميع أنواع الدسم اللى موجود

وفي الآخر ماشاء الله تكون صحته زي البمب ولا بيقول حاجة وماشاء الله تلاقي مرته مخلفة 10 ولسة عندها إمكانية تجيب تاني ويكونوا ماشاء الله عندهم فوق الخمسين كمان

ولما أقارن بين الفلاح دلوقتي اللى بقى لو شرب شوية لبن دسم شوية ممكن يقعد في البيت ماينزلش الأرض اليوم ده عشان بطنه واجعاه

نفسي أعرف إيه الفرق ... هل الفرق في الزبدة ولا الجو الملوث ولا إحنا اللى بقينا فرافير

**أحمد كمال** · 01-01-2012 01:00 AM

المشاركة الأصلية كتبت بواسطة mr_7oda

طب هيا ايه اعراض زيادة الكوليسترول علما بانى الحمد لله صحتى كويسة جدا وبلعب تنس وجيم ومعنديش مشاكل الحمد لله

اعراض الكولسترول ما بتبانش الا بعد خراب مالطة عشان كده باقول لك روح حلل يا ريت ..... شوية و هتلاقي مشاكل في القلب و الضغط و تصلب شرايين و ضيق شرايين (الكولسترول عمال يترسب على جدران الشرايين من جوة و كل سنة و انت طيب)

لان الكولسترول تراكمي يعني عك في الاكل اسبوع ما يرفعوش اوي و كذلك التزام في الاكل اسبوع مش هينزله للمعدلات الطبيعية

يا ريت بجد تصوم 12 ساعة (ما عدا مياه الشرب فقط) و تروح تحلل عشان تتطمن

المشاركة الأصلية كتبت بواسطة d . A .\ ayman

رغم إن كلامك صح .. لكن في ملحوظة دايما بتيجي على بالي لما آكل أي أكل ويكون دسم شوية ويتعبني

إزاي الفلاح زمان كان بيضرب رغيفين زبدة بلدي من اللى قلبك يحبها الصبح كدة غيار ريق قبل ما ينزل يعزق في الأرض لغاية ما مرته (اللى بتكون ضاربة برضه معاه رغيف ولا حاجة) تجيبله الفطار عشان يلحق يفطر قبل الغداء اللى بيكون غالبا ما لذ وطاب من جميع أنواع الدسم اللى موجود

وفي الآخر ماشاء الله تكون صحته زي البمب ولا بيقول حاجة وماشاء الله تلاقي مرته مخلفة 10 ولسة عندها إمكانية تجيب تاني ويكونوا ماشاء الله عندهم فوق الخمسين كمان

ولما أقارن بين الفلاح دلوقتي اللى بقى لو شرب شوية لبن دسم شوية ممكن يقعد في البيت ماينزلش الأرض اليوم ده عشان بطنه واجعاه

نفسي أعرف إيه الفرق ... هل الفرق في الزبدة ولا الجو الملوث ولا إحنا اللى بقينا فرافير

اللايف ستايل اتغير يا ايمن بيك يعني كان الفلاح ده بيعزق و يفحت ليل نهار فاساسا بيحرق اي سعرات حرارية زيادة فالجسم مش بيخزن الدهون اللي بياكلها لانها ببساطة بتتحرق دلوقتي اكتر مجهود انا و انت بنعمله هو اننا نشيل اكياس الشوبنج من العربية للاسانسير !

**أحمد كمال** · 01-01-2012 02:02 AM

المشاركة الأصلية كتبت بواسطة El Prince

حدث و لا حرج !!!

مش فاهم حاجة

**mohammedabdallh** · 01-01-2012 12:14 PM

المشاركة الأصلية كتبت بواسطة d . A .\ ayman

رغم إن كلامك صح .. لكن في ملحوظة دايما بتيجي على بالي لما آكل أي أكل ويكون دسم شوية ويتعبني

إزاي الفلاح زمان كان بيضرب رغيفين زبدة بلدي من اللى قلبك يحبها الصبح كدة غيار ريق قبل ما ينزل يعزق في الأرض لغاية ما مرته (اللى بتكون ضاربة برضه معاه رغيف ولا حاجة) تجيبله الفطار عشان يلحق يفطر قبل الغداء اللى بيكون غالبا ما لذ وطاب من جميع أنواع الدسم اللى موجود

وفي الآخر ماشاء الله تكون صحته زي البمب ولا بيقول حاجة وماشاء الله تلاقي مرته مخلفة 10 ولسة عندها إمكانية تجيب تاني ويكونوا ماشاء الله عندهم فوق الخمسين كمان

ولما أقارن بين الفلاح دلوقتي اللى بقى لو شرب شوية لبن دسم شوية ممكن يقعد في البيت ماينزلش الأرض اليوم ده عشان بطنه واجعاه

نفسي أعرف إيه الفرق ... هل الفرق في الزبدة ولا الجو الملوث ولا إحنا اللى بقينا فرافير

علشان الفلاح كان زمان اكل المواشى مكنشى فى كيماويات اما النهارده بروح الجمعية يشترى الكيماوى ويحطه فى الغيط وكمان بمقاش يعمل مجهود الجرار الزراعى بيعمل كل حاجه
فكله بقى كيماوى فى كيماوى

-

-

-

الموضوع: ايه هيا اضرار الزبدة ؟؟؟

LinkBack

أدوات الموضوع

عرض

ايه هيا اضرار الزبدة ؟؟؟ - انشر الموضوع فى :

-

-

-

-

-

المواضيع المتشابهه

اضرار الشاي سكر زياده

ما هي اضرار خلط بنزين 90&80؟؟؟

يا رجالة الجيتا......عايز الزبدة

اضرار flush oil

الكلمات الدلالية لهذا الموضوع

المفضلات

المفضلات

ضوابط المشاركة