عربي .. ام الاجنبي

**fepsceasar** · 01-01-2012 12:07 PM

اعلام ايه بس انا حاسس ان كلمة اعلام دى بقت شماعة جاهزة
فعلا يا جماعة اضافتنا فى اى مجال تكاد تكون زيرو فهم مش قادرين يشوفوك غير كده
وعلشان تفهم هم يقصدوا ايه شوف انت نظرتك ايه لشعوب افريقيا والحروب الاهلية، اكيد شايفهم همج وبيقتلوا بعض واحيانا مادة للسخرية او الشفقة ، ودى واضحة فى افلام كتير بيكونوا مادة للتريقة

**waelfarid** · 01-01-2012 01:53 PM

لا يا مونشير شغل جامد برضه من غير اعلام ولا يسوي بالنسبة للاخرين ضروري برضه شوية بروباجندا
حوار الطرشان مبيجيبش نتيجة ده لو فيه حوار من اصله اصل انواع الحوار يا بلهجة آمرة فوقية أوبلهجة فيها ندية وانا اقصد بالحوار التواصل مع الاخرين بمعني المعرفة بتبدأ بحواديت -كلام-أغاني- تشوف اللي بتسمعه او تعيشه او تحس تأثيره
والحوار بين الدولة وشعبها والاشخاص بينهم وبين بعض والدول بتسمع عن بعضها او بيتعاملو مع بعض
وجعلناكم شعوبا وقبائل لتعارفوا
مفيش حد عايش لوحده في الدنيا وفيه ناس متعرفش غير مبدأ البقاء للاقوي ولا تدخر وسيلة للوصول لهذا الهدف
الموضوع كبير
ومنه هو فيه هواء علي سطح القمر علشان علم امريكا يرفرف فوق سطحه
صباحو فوتو شوب وشوب عصير كمان

**م.احمد زكريا** · 01-01-2012 02:58 PM

هوليود بيسيطر عليها اليهود

اللازم يظهروا العرب على انهم همج لتبرير ما تقوم به اسرائل وامريكا من جرائم في حق الشعوب العربية

ديه كل الحكاية

اللعةو لعبة قوة وسيطرة ولا اعلامنا ولا اعلامهم

وحنا بنديهم الفرصة بزبالتنا وتخلفنا برضه

**SHNORY** · 01-01-2012 03:44 PM

طيب وهي الافلام والمسلسلات العربي طلعت المصريين ايه ؟؟
مفيش بيت مفيهوش خمره
مفيش واحد مش بيشرب مخدرات
الستات منحرفه ولابسيت ضيق وبيباتو بره البيت
شارع الهرم هو مصر
الاسكندرانيه ماشيين يقولوا ايووووووه وبيتكلموا بصيغه الجمع
القاهرويه منحرفين
الفلاحين بيهربوا من بلادهم من ورا اهاليهم علي القاهره
لدرجه ان المصريين نفسهم صدقوا ده
مش عاوزين الغريب يصدقه ؟؟؟
دا غير المسلسلات الي مطلعه الفلاحين بيرضعوا من الجاموسه مع البهايم

**A7MED_PHARMA** · 01-01-2012 04:21 PM

م. زكريا وضح نقطة مهمة جدااا
ف نفس الوقت الي تلاقي العرب طالعين فيه حمير .. اليهودي بيطلع ف الافلام ناصح وجدع وإن كان شوية طماع
بس بتبقا الصورة الغالبة عليه انه أذكى من غيره

**SYD** · 01-01-2012 04:23 PM

لو علي كلام شنوري فدة كله منطبق علي افلام زفت الطين هاني سلامة
الي مطلع الستات بتبات عنده في الشقة وانا لما شوفتله فيلم كان معاه حلا شيحة كنت في البداية فاكره متجوز طلع انه لسة عايز يرتبط بيها

وفيلم تاني كان معاه احمد حلمي

وطبعا افلام خالد يوسف باشا الي مطلعة كل المصريين عربجية وعايشين في البدروم وفوق الأسطح وحواري ويومه كله خناقات ومطاوي

ربنا يستر

والله المستعان
،
،

**SYD** · 01-01-2012 04:28 PM

انا افتكرت حاجة تانية بردو عايز اقولها

لما شوفت فيلم 2012 قولت مصيبة ليكون الفيلم دة مخطط ليهم وانهم فعلا عايزين كدة

يموتو او يقضوا علي كل الي شايفنهم من وجهة نظرهم لا يستحقوا الحياة باختصار شديد جدا العرب وافريقيا وكام بلد كمان كدة ويفضل بس الأمريكاني والأوروبي وبعض الأسيوي

والأغنياء

والله المستعان
،
،