عربي .. ام الاجنبي
فيلم 2012
مشهد صعود الناس للسفينة .. نائب الرئيس الامريكي بيقول ان عندهم علماء بيحددوا جينات الناس المطلوبة لإعادة إعمار الأرض .. يقصد إنهم أذكياء يعني
يرد عليه المستشار العلمي يقوله " ودول كمان؟؟"
ويشاور على واحد لابس عقال وجلابية .. وساحب وراه 4 حريم لابسين حاجة المفروض انها نقاب
فيلم true lies
بتاع أرنولد شوال بنجر
الارهابي العربي المسلم العبيط الأهبل..إلي طالع طول الفيلم إنه عبيط وبريالة.. وف أخر الفيلم أرنولد يقعده على صاروخ الطيارة .. ويضرب الصاروخ
فيلم back to the future
أول جزء من الفيلم..المفروض أن جماعة ليبية طلبت من العالم انه يبني لهم مفاعل ذري أو قنبلة نووية...وهو (ضحك) عليهم وبنالهم بتاعة فاضية وسرق منهم اليورانيوم علشان يعمل بيه ألة الزمن بتاعته
وجابوا مشهد الليبين جايين ينتقموا منه.. لابسين جلاليب ومهابيل وعبط وراكبين عربية بيضربوا عليه نار منها بهبل وغباء
فيلم the mummy
مشهد إعدام (أوكونور) لما البطلة فدت رقبته بفلوس .. علشان يدلها على مكان المدينة المفقودة
الجلاد ماسك الدراع .. وبيقوله تطلب ايه قبل ماتموت
يرد البطل يقوله: سبني أمشي
يقوم الجلاد يرسم نظرة عته وعبط ويبص للزعيم بتاعه يقوله : بيقول عاوز يمشي ؟؟
والزعيم بتاعه نفسه لما شارك معاهم الرحلة .. كان معتوه وغبي وفيه كل الصفات الغبية
غير كده
شخصية الدليل الليبي معاهم ف الفيلم..كان إنتهازي وغبي ومتخلف وعبيط وأهبل على طووول الفيلم
فيلم iron man
العرب طالعين فيه معاتيه وأغبياء
شريك البطل ف الشركة واخد معاهم 5 رجالة رايحين للعربي الي المفروض كان يقتل البطل
الشريك دخل الخيمة .. وساب الرجالة بتوعه بره متحاوطين بـــ 100 راجل عربي معاهم كلاشينكوف
دخل إتكلم كلمتين .. وطلع لقى الــ 5 رجالة بتوعه مثبتين الــ 100 راجل الي بره .. وكأنهم خرفاااااااااااااان
فيلم transformers
جايبين المصريين لسه لابسين جلاليب .. وراكبين جماال
ومعاتيه برضوووو
فيلم independence day
لحظة سقوط المركبة الام والعالم خارج فرحان
جابوا مشهد للأهرام .. وناس لابسة جلاليب وعمة وخارجين يهصوا وفرحانيين زي الهبل والمساطيل
فيلم 13warriors
بطل الفيلم جابوه عبيط وأهبل برضووو.. وإنه (بينام) مع الخدامة في الفيلم. وإنه إنطرد من بلده علشان كان نام مع واحدة متجوزة
وإنه عبيط على طووووول الفيلم
فيلم kingdom of heaven
صورة العرب الدمويين .. وصورة الموقر خالد النبوي ..طالع عاوز دم على طوووول الخط ..وإن صلاح الدين كان على وشك الهزيمة لما دخل القدس .. وإن البطل لو كان طول شوية .. كان هزم جيوووووش صلاح الدين
غير طبعا الهبل الواضح ف الفيلم عن صورة العرب المهابيل
وكتيررررررررررر من الأفلام التانية
العربي ... شهواني حقير متخلف عالة على العالم غبي معتوه عبيط حيوان حقير إنتهازي مغرور بدوي بيركب جمل ويحلب المعزة ومتجوز 20 حرمة
الحاجات دي بتحرق دمي جدااا إنهم شايفنا كده
لكن
لما واحد شاذ أو معندوش مشكلة يمارس الزنا مع أمه أو أخته ..أو يسرق أو يتجوز كلب أو حمار .. أو يكفر بوجود الله
الناس دي ماتهمنيش
إلي خلاني أكتب الموضوع ده
المشهد بتاع فيلم 2012حاجة تقرف
الموضوع بيتكرر بشكل مقصود .. مش بالصدفة
الاصرار الكااااااااااامل على كده ليه مش فاهم