الموضوع: مكنة حلاقة بالكهرباء

اولا السلام عليكم ورحمة الله وبركاته

عندي مكنة حلاقة ناشيونال الحاج كان جايبها من الأمارات من حوالي 27 سنة (1985)
هي فيها بطارية بتشحن زي الموبايل بس للأسف البطارية جواها Built-in زي الأي فون مش بتتركب وتتفك زي الموبايل

المهم

المكنة دي ماشتغلتش من ساعة لما جت غير 3 او 4 مرات اخرهم كانت سنة 1995 يعني من حوالي 17 سنة

لما قريت في كتالوجها وطبعا كنت متوقع من قبل لما افتحه انها لازم تتشحن كل 6 شهور مرة علي الأقل

فطبعا المكنة مش شغالة - لا بترضي تشحن ولا بترضي تشتغل حتي بالكهرباء

حد عنده فكرة ينفع لها تصليح ولا لاء ؟؟؟؟؟
ولو ينفع لها تصليح هل بتتغير البطارية

انا بصراحة ممكن استغني عن البطارية واشغلها بالكهرباء علي طوول وخصوصا ان كابل الشاحن بيركب فيها زي بتاع الكاسيت الناشيونال بتاع زمان بالظبط

ولو هصلحها - ممكن مين يصلحها ؟؟؟؟ هل في العتبة ولا في باب اللوق ؟؟؟؟ وهل يرضي يعملها وانا واقف علي ايده (لأني مش هسيبها لحد وامشي) ؟؟؟؟؟
هل لو حد بتاع تليفزيونات وراديو يعرف يعملها ؟؟؟؟

المكنة دي عزيزة عليا اوي ومحتاجها جدا اولا لأن الحاج هو الي جايبها ثانيا لأنها ياباني اصلي ثالثا لأني قررت احلق في البيت ومش هروح لحلاق تاني انشاء الله وخصوصا اني بحلق زيرو

والله المستعان
،
،