ساوند سيستم منزلى ده الى عايز اعمله
الميزانيه وصلت الى 4000 جنيه
ودى اخر اشياء توصلت اليها
سماعه كمبيوتر اسمها edifier s550 وسعرها 2850 جنيه وده الموقع بتعها للتفاصيل Digital 5.1 Audio Speaker System - S550 | Edifier
ودى صورة لشكل السماعات
ـــــــــــــــــــــــــ ـــــــــــــــــــــــــ ـــــــــــــــ
هوم ثياتر النوع LG ARX-8000 السعر 3900 جنيه ده الموقع بتعها للتفاصيل LG ARX8000 Home Theater System - 800W, 5.2CH, AV Receiver - LG Electronics SA
ودى صورة لشكل السماعات
ـــــــــــــــــــــــــ ـــــــــــــــــــــــــ ـــــــــــــــ
ده اخر شئ توصلت ليه للحاجات الجاهزة
انا من وجهه نظرى شايف انى لو عملت ساوند سيستم بتاع السيارات مكون من صبات وسماعات وامبلفايرات هيكون افضل من انى اشترى حاجه جاهزة ذى الى اشارت ليهم من قبل
اهم شئ عندى الصوت النقى جدا , ميهمنيش الصوت العالى وخلاص, انا عايز اسمع لو صوت هادى يبقى نقى لو صوت متوسط يبقى نقى لو صوت عالى يبقى نقى. عايز اسمع بيز يبقى بيز, عايز اسمع تريبل يبقى تريبل, عايز اسمع ميدرنج يبقى ميدرنج, يعنى ترددات الصوت ال Frequency للبيز تبقى نقيه وكذلك فى التريبل والميدرنج
الصبات البايونير و السونى الخ,,,, بتبدا من 250 جنيه فيما فوق
اسعار السماعات المدورة البايونير و السونى الخ,,,, بتبداء من 140 فما فوق
اسعار السماعات البيضاوى البايونير و السونى الخ,,,,, بتبداء من 240 فما فوق
طبعا فى ماركات كتير جدا
انا ممكن ادقع 1000 جنيه فى صب او اكتر كمان بس لو صوته نقى نفس الحكايه للميدرنج مش مهم بكام المهم عندى نقاء وجوده الصوت
الفلوس ممكن تزيد كمان بس كلام بسيط
مش معنى كده انى اجيب سماعه مثلا بيضاوى jpl بسعر 700 جنيه ويطلع فى الاخر سماعتين من سونى او بايونير افضل.
المشكله انك تلاقى كلام متناقد ناس تقول بايونير احسن فى موديل معين و ناس تقولك لا فى موديل من كينوود احسن منه ويجيلك واحد تالت يغير الكلام كله ويقولك سونى موديل كذا ده خده وانت مغمض, وهكذا , والنتيحه انك تحتار منتش عارف انهو احسن من انهو ومش معنى ان حاجه اغلى من حاجه تبقى افضل , لا طبعا علشان فى شركات اسم وماركه لكن جوده لا, بشترى اسم بس, المهم الجوده يا شباب, يا ريت بس الى بيقول شئ يبقى مجرب وعارف انهو الافضل و مش كلام مسموع وخلاص
يا ريت تشاركونى حتى ولو بفكرة بسيطه علشان كلنا نستفاد والفكر يعم على الكل, علشان انا محتار اشترى جاهز ولا اعمل ساوند متجمع على ايدى
معلش طولت عليكم اوى بس انتم عارفين الجنيه فى الوقت الحالى يوجع اوى لو واحد اشترى شئ ومكش زى مكان متوقع.
كل سنة وانتم طيبين, وسنة سعيده لكل اعضاء المنتدى.
المفضلات