الموضوع: تغيير زيت الموتور

ما انصحش يا باشا بالموضوع دا..هو الموضوع سهل بس الغلطة فيه ممكن تبقى مصيبة بعدين...عموما لو عايز هاتعمل الآتي
- هاتفك المصفحة
- هاتفك طبة الكارتيرة بمفتاح نجمة (مقاس كبير بس مش فاكر كام)
- حط جردل تحت الطبة قبل الفك علشان تجمع الزيت
- اقفل الطبة كويس (بضغط مش بقوة علشان مايبُرمش)
- فك فلتر الزيت (خللي العربية باردة علشان مكان الفلتر ضيق في الحوض)
- حط زيت بصباعك حوالين حلقة الفلتر إللي بتشبط في الموتور
- اقفل الفلتر جيدا وتأكد من احكام الغلق
- افتح غطاء الزيت من اعلى الموتور
- صب الزيت باستخدام قمع نضيف تماما (امسح القمع قبل الصب)
- قبل ما تصب آخر علبة زيت قم بقياس الزيت باستخدام عصاية مقياس الزيت، وابقى زود بقى براحة لحد ما مقياس الزيت يتظبط
- دور العربية ثواني واطفي..قم بقياس الزيت ثانية