اغير دنجل السيراتو ولا اصلحه؟؟
يا جماعة من كام شهر كدة ماشي لا بيا ولا عليا وجيت اعدي تقاطع لقيت واحد من غير اي مقدمات خبطني من الجمب الشمال والخبطه كلها جت في الجنط عندي وطبعا العربية لفت بيا نص لفة كدة المهم نزلت ابص على عربيتي الحمد لله ملقيتش حاجة في الصاج بس لقيت الاكصدام اتفك من مكانه قلت بسيطة والحمد لله انها جت على كدة واخذت عربيتي ومشيت المهم وانا ماشي على الاتوستراد لقيت رجرجة في بسيطة في العربية من ورا وصوت خشونة كمان روحت لبتاع الزواية قالي الدنجل بتاعك رحل 1.5 سنتيمتر لجوا وقالي لازم يتغير قلت اطلع اسال عليه في الحرفيين لقيته ب2000 جنيه قلت طيب احاول اصلحه في ناس قلتلي ممكن يتصلح وفي ناس قلتلي بلاش تصلحه علشان هيرجع تاني وانا بصراحة محتار مش عارف اعمل ايه قلت اسالكم الاول