عربيه سوزوكي سويفت بغيرلها النقلات من غير ما ادوس دبرياج بلا اي صوت او مشلكة فهل دي عادي ام هناك في مشكله في الفتيس لازم الحقها علمل بان الفتيس مانيوال
عرض للطباعة
عربيه سوزوكي سويفت بغيرلها النقلات من غير ما ادوس دبرياج بلا اي صوت او مشلكة فهل دي عادي ام هناك في مشكله في الفتيس لازم الحقها علمل بان الفتيس مانيوال
طبعا شيى متوقع من [marq="3;right;3;alternate"]سيارة جباره زى السويفت[/marq]
بس اعتقد ان لازم تروح تشوف عند الميكانيكى اخبار الاسطوانه والديسك ايه .
كده طبعا فيه مشكلة
لو السحب ضعيف والعربية بتجمع ببطئ يبقى العيب من طقم الدبرياج
لو السحب كويس يبقى العيب فى الفتيس
ويستحسن انك ماتمشيش بالعربية وهى كده علشان كده انت هتكسر التروس بتاعة الفتيس
لازم تروح تعملها فى أقرب وقت
شوفتها في فيديو قبل كدة والعربية كانت ميني كوبر
How to shift without the clutch (clutchless shifting) - YouTube
ده طبيعي وبيحصل في اي عربيه مش عربيتك بس مجرد ماتحرق علي الغيار وتنقل كأنها اوتوماتيك بس نصيحه من حد مجرب بلاش عشان ده غلط وهيسببلك مشاكل
العملية عايزة واحد متعود على النقل عند rpm معين انا واحد صاحبى كان بيجرب فى 128 للاسف كسر ترس فى الفتيس وغبر الفتيس
متابع للافادة
الحركة دي بعملها احيانا
بس عايزة واحد يكون عارف امتى بالزبط هينقل علشان لو نقل بدري او متأخر ممكن الفتيس ميعشقش وممكن يصرخ وبكده ممكن تكسر ترس
انا جربتها في الفيرنا عندي للتجربة فقط عشان لو الواحد اضطر ليها ونجحت بدون اي صوت بس طبعا بعد التاني لأنك من الاول للتاني بتكون صعبة شوية
سألت في التوكيل قلي لو بتنقل مظبوط ومبتسمعش صوت يبقا فميش اي مشكلة خالص على الفتيس
حصلت معايا وانا بنقل من الرابع للخامس ولقيت الفتيس نقل معايا من غير مادوس على الدبرياج بس خفت وقلت لازم اخلى بالى لان الحركة عملتها وانا مش واخد بالى او بمعنى اصح نسيت
انا اول مره اسمع الكلام ده يا جماعه....بس اكيد غلط عالعربيه و الا ماكانوش عملوا فيها دبرياش من الاول
الصراحة مايجيليش قلب أجرّبها :(
عند سرعة معينة مع كل غيار.. العربية بتكون مستعدة للغيار الي بعده
ودي محتاجة خبرة مع عربيتك
أنا عملتها بالعربية الدايو بتاعتي كام مرة .. وجربتها ف الانسر عااااااااااااااادي
لكن ماعلمتهاش كتير.. علشان غلط طبعا
فإنت خليك ف الصح .. وظبط دبرياجك
أنا عملتها فى الموتوسيكلات إم زد والموتوسيكل الصينى كتير
لما كان بيتقطع منى سلك الدبرياج
بس الموضوع متعب ومرهق ويخوف
فى العربية محاولتش ويارب متعرضش لموقف واضطر اعملها
لازم تعود نفسك على الموقف دة عشان ممكن سلك الدبرياج يقطع منك و تضطر تمشى بالعربيه كدة و لازم تتعود و الموضوع عادى طالما بتعرف تغير اواى و الفتيس ميصرخش منك و زى ما قال الاخ الكريم سابقا عند ار بى ام معين الفتيس بيكون مستعد للنقله اللى بعدها بدون اى مشاكل بس نعرفها ازاى ؟؟؟؟؟؟؟ مثلا انتا ماشى على التانى و هتجيب الثالث هتسيب رجلك من على البنزين عادى عشان تنقل و تنقل عادى على الثالث بس متقرصس على الفتيس خلى ايدك رافعه الفتيس على الغيار الثالت كانك عاوز تدى الغيار و العربيه مش عاوزة تاخدة و هى هتلاقيها قبلت الغيار لواحدها عند ار بى ام معين فى منتهى السهوله كانك دوستلها دبرياش انا بعمل كدة بالابيزا و بتقبل الغيار لما الموتور يهدى خالص
خدوا بالكم بقا
طالما مش حاسس بعربيتك 100 % .. وتبقا عارف هي مستعدة للغيار التاني إمتى
لو جيت تجرب .. وماظبتطش معاك .. الفتيس هيجعررر ومش بعيد تكسر ترووووس
اللهم قد بلغت
الموضوع مفهوش اى مشاكل لكن محتاج تفهم عربيتك كويس قوي عشان تعمله صح و ساعتها مش حتحس بالنقله من الاساس و لا اي صوت
انا معاي جراند بونتو و العربيه لسه جديده و اوقات كتير بعمله بس للامانه مش فى كل الغيارت