زجاج الباب الامامى ها يجننى .. زهقت

تكملتا لموضوع زجاج الباب اللى اتكسر عندى والحوار دة .... فية حاجة غريبة بتحصل معايا فى الزجاج ...
زجاج الباب مش بيكمل معايا اسبوع واللزق يفك ... والاقى الزجاج مال وخرج من الشيلتين اللى راكبين فى ماكينة الزجاج ... الموضوع دة حصل لحد دلوقتى حوال 6 مرات ...
اربع مرات ارجع لبتاع الزجاج ويفك الباب ويفك الشيلتين ... وينضفهم ويحط السيلكون وبعد كدة يركب ويقولى ما تستخدمش الزجاج لتانى يوم ... وانا كرم من عندى بزود يوم كمان .. واخر مرة لزق الزجاج بمادة اسمها " سيكا " وقالى انها زى الحديد وهى مادة خاصة للزجاج ... وبتعمل طبقت كاوتش ... " هو قالى كدة " وطبعا فكت بعد اربع ايام *
المهم انا بقيت خبير فى فك فرش الباب وتركيبة تانى وكنت زهقت بصراحة ... بقالى جمعتين انزل بعد صلاة الجمعة وافك الباب ... وافك الشيلتين ... وانضفهم ... وارجعهم زيرو ... واقول لنفسى يمكن بتاع الزجاج مش بينضفهم كويس فابيكون فيه عازل ... وعلشان كدة السيلكون مش بيمكسك كويس ...
وبردة الزجاج يفك ...
واحد قالى جرب تعمل تخشينة للزجاج فى المكان اللى بيدخل فى الشيالة او القاعدة زى ما تحبو تسموها ... لاقيتها فكرة حلوة .. فلزقت قطعتن قماش بغراء احمر ... بصراحة مسكم فى الزجاج زى الحديد ... وحطيت الغراء ... وكلة تمام ... وبردة فك ...
قولت الجمعة اللى فاتت احط سيلكون ... جبت نوع كويس وظبط المسائل ... وبردة فك ...
المهم انا تمامى كل يوم بعد صلاة الجمعة انزل الشارع وافك الباب والم علية الشارع ... وفى الاخر يتفك الزجاج من القاعدتين ... :what:
انا لاحظت ان الشيلتين بلاستيك .. وهم على قد مساحة الزجاج بالظبط ... يمكن علشان كدة محتاجين مادة تكون خفيفى زى المية ... علشان تمسك ...
ياريت اللى يعرف اى مادة ممكن تمسك الزجاج فى الشيلتين بتوع الماكنة يقولى وانا اجيبهم واجرب يمكن يكون عندكم الحل ... علشان انا زهقت من الباب دة .... وشكرا
طولت عليكم ... اسف جدا

قلبى معاك يااستاذ ايهاب واضح ان الامور تحتاج لشخص خبير لان مواد اللصق تختلف من مواد عديمة الفائدة الى مواد فعلاة جدا وربنا يوفقك ويريح بالك

حقولك على مادة وتدعيلى اسمها ايبوكسى بتتباع فى الماركت بتاع بنزينة موبيل او اى بتاع اكسسوارات مادتين مع بعض فى علبة كرتون صغيرة تخلط بنسبة 1:1

اولا ازيك يا ايهاب وكل عام وانت بخير انا مستغرب انت ليه ما روحتش للتوكيل انشاله عشر مرات مشكله زى دى الحل يبقى عندهم انا الي عندي مشكله ان الزرار بتاع الزجاج اليمين مره يشتغل وعشره لا ناوي لما اروح الصيانه اقلهم عليه

اقتباس:

---

المشاركة الأصلية كتبت بواسطة elmanahry

قلبى معاك يااستاذ ايهاب واضح ان الامور تحتاج لشخص خبير لان مواد اللصق تختلف من مواد عديمة الفائدة الى مواد فعلاة جدا وربنا يوفقك ويريح بالك

---

اعتقد يا دكتور هى المشكلة فعلا قى مادة اللصق ... وربنا يسهل والاقى مادة كويسة ... وخاصتا ان مش بيكون فية مساحة للمادة لما الزجاج بينزل فى الشيلتين ...

اقتباس:

---

المشاركة الأصلية كتبت بواسطة markato

حقولك على مادة وتدعيلى اسمها ايبوكسى بتتباع فى الماركت بتاع بنزينة موبيل او اى بتاع اكسسوارات مادتين مع بعض فى علبة كرتون صغيرة تخلط بنسبة 1:1

---

ها جربها وها دعيلك ان شاء الله ... ويا رب تكون كويسة ... وشكرا على اهتمامك

اقتباس:

---

المشاركة الأصلية كتبت بواسطة memos

اولا ازيك يا ايهاب وكل عام وانت بخير انا مستغرب انت ليه ما روحتش للتوكيل انشاله عشر مرات مشكله زى دى الحل يبقى عندهم انا الي عندي مشكله ان الزرار بتاع الزجاج اليمين مره يشتغل وعشره لا ناوي لما اروح الصيانه اقلهم عليه

---

انا بخير يا ايمن الحمد لله ... ويا رب تكون انت كمان بخير .
انا اصلا ماركبتش الزجاج فى التوكيل ... لان الوقت كان متأخر لما الزجاج اتكسر ... وما كنش ينفع العربية تبات بالليل من غير زجاج ... وربنا يسهل ..

مش يمكن وزن الزجاج ده أتقل من الاصلي عشان كده المشكلة بتحصل ؟؟؟؟!!!!

انا هاقولك من الاخر سبب المشكله دى ايه لانى عشت نفس مشكلتك دى بالظبط

اولا السبب : السبب ان الزجاج الجديد اللى حضرتك ركبته الصبه بتاعته مش مظبوطه زى الزجاج الاصلى لو لاحظت فى زجاج الباب هتلاقى فيه كيرف معين بحيث يمشى مع انحناء الباب اى اختلاف فى الكيرف دا بين الزجاج الجديد والاصلى ولو اختلاف بسيط بيعمل مقاومه على الزجاج وهو طالع او نازل والسيليكون بيفك...

ثانيا العلاج : ادامك حل من 2 زى ما تفضل احد الاخوة وقال هتجيب اللزق اللى هو انبوبتين مع بعض انا مش فاكر اسمه بالظبط وتخلطهم على بعض وتلزق بيه الازاز وانسى انه يفك بس هتلاقى الازاز بيطلع وينزل بصعوبه عشان فى مقاومه ثانيا انك تدور طبعا على ازاز زى الاصلى بالظبط ويكون الكيرف بتاعه مظبوط ودة الاصح.

فيه انبوبة سيلكون اسمه سيلكون حديد مستورد الانبوبه تقريبا بـــ 30 جنيه وهيا حديد فعلا لما تنشف مش زى السيلكون العادى ودى بيلزقو بيها شاسيه الكبوت والشنطه بصاج الكبوت او الشنطه لما بيفك نتيجة حادثه او سمكره انا عامل بيه الكبوت عندى من خمس سنين وانسى انه يفك تانى ............... تحياتى

ها جرب اللزق ده ان شاء الله الجمعة الجاية اللى هو انبوبتين مع بعض ... وربنا يسهل ... ما انا بقى تمامى كل جمعة بعد الصلى بكون فى الشارع لحد المغرب ... زى اللى واقفين خدمة ...
وشكرا ليكم على ردودكم واهتمامكم ....