مقارنة فعلية .... وعملية عشان نكون فكرة حقيقية

السلام عليكم
انا مهندس وبقالي فترة زي اي حد ببحث من غير تعليق في المنتدي عشان اعرف اشتري ايه في حدود الفئات المتوسطة
اسبيرانزا 516 وفيرنا ولانوس ولوجان
المشكلة ان اتقرصت في عربية مستعملة من واحد صاحبي للاسف وصرفت عليها لحد ما خلصت منها (تويتا تيرسل 93)
وبعتها اخيرا :verygood::verygood::verygood:

وعايز اختار احط فلوسي فين من غير مشاكل قطع الغيار وغلوها ومشاكل التوكيل والكلام ده ... ومحتار بصراحة ... ناس تشتم في الانوس وناس تمدح وكذلك في كل العربيات ... لكن بم اني ملاحظ جيد شايف ان الهجوم علي الاسبرنزا متوالي ولا حصر له ... وناس بتحلف بالله من سوء التوكيل ومشاكل العربية مع اول الف كيلو .. عفشة وتقفيل وميكانيكا وحاجات زي كده
والفيرنا واطية وصغيرة
والانوس موتورها قديم وواطية برضه وصاجها في الجديد
واللوجان ... غلو قطع الغيار ومحدش ميكانيكي فاهمها و سخونة تحت دواسة الراكب

انا عايز حل بدل المقرنات اللي مش بتخلي الواحد ياخد قرار .... حد يرحمنا ويعمل ملخص مرتب من خلال التوكيلات نفسها (مع ناس محترمة تراعي ربنا قبل اكل عيشها ) كله يتكلم من غير تحيز ولا تفضيل ... عشان الواحد يبقي عارف المشاكل الموجودة بكل موضوعية ويتحمل ناتج اختياره ويبقي عامل حسابه ... فانا بقترح يكون فيه اسس للمقارنة مرتبة
1- قطع الغيار ... اسعارها داخل وخارج التوكيل
2- مصنعية الصيانة الدورية
3- التقفيل
4- وجود قطع غيار استيراد
5- العيوب في العفشة والميكانيكا بشئ من التفصيل
ولو ده حصل يبقي انتوا بجد ريحتوا ناس كتيير وهيبقي ليكوا ملايين الحسنات والدعوات من الشباب المطحوون:banzai::banzai::banzai:


وشكراااااااااااا
:S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]:

متابع ..

لوجان بالتأكيد وكل المشاكل دي اتحلت في الموديلات الجديدة

اللوجان أفضل عربية من كل النواحي وتقريبا خالية من العيوب ماعدا حاجتين، ارتفاع أسعار قطع الغيار، وضعف الصاج الخارجية وخصوصا الرفرف الخلفي الشمال اللي ما فيهوش التانك، وربنا يوفقك للخير