مشكله فى فرامل الداتشا..

**hazemawad** · 01-01-2012 02:33 PM

تحياتى لكل اعضاء المندى الجميل ..
من فتره وانا باعانى من ضعف الفرامل فى الداتشا نوفا بتاعتى ..فغيرت طقم التيل الامامى والطنابير الاماميه وطقم الجلد للماستر العمومى و اخدت هوا الماستر وهوا مساتر العجل لحد ما جاب زيت صافى ..ولكن المشكله القائمه ان مافيش فرامل على العجل ....
السؤال : ايه اللى ممكن اكون غلطت فيه على الرغم انى مشيك على كل الوصلات ومافيش اى تسريب والاربع مواسير الخارجين من العمومى لما افتح عليهم بيجيبوا زيت من غير فقاعات هوا ومغير الخراطيم الكاوتش(وللامانه لقيتهم ماسدودين) ....
حد يقدر يدلنى على الحل ؟؟؟؟

**الصيداح** · 01-01-2012 09:45 PM

ممكن لو نقلت المشكلة لقسم الورشة هتلاقي إجابات وافية
ربنا يكرمك وتلاقي الحل قريبا بإذن الله

**bnoqo** · 02-01-2012 08:49 AM

بص ياباشا الحمد لله بعد تجربة استمرت لأكتر من شهر ونص احب اقولك ان الباشا الميكانيكى بتاع حضرتك قالك روح هات جلد ماستر بتاع بيجو والى الحمد لله الموجود كله زبالة او مقاسات مختلفة مقاس الكاوتش بتاع الماستر العمومى بتاع حضرتك موجود فى الجيزة عند واحد بس قدام المجمع ونوعين نوع صينى ونوع المانى اشترى الالمانى احسن وريح دماغك واتفرج على العربية

ديه اول حاجة شيك على المشترك الخلفى بتاعى العربية والماسورة الرابعة الكبيرة بتاعت الماستر لانها ممكن تكون مسدودة والماسورة الرابعة موجودة علشان الخطر مش راجع الزيت زى اغلب الميكانيكية مابيقولو الماسورة الرابعة بتجيب زيت بس لما تدوس على الاخر

لو محتاج ماستر جديد انا اشتريت الماستر من عند ارزاق ومركبتهوش غير يوم واحد وعملت الحل ده على طوول شوف وانا معاك وياريت ترد عليا

**hazemawad** · 02-01-2012 10:05 AM

المشاركة الأصلية كتبت بواسطة bnoqo

بص ياباشا الحمد لله بعد تجربة استمرت لأكتر من شهر ونص احب اقولك ان الباشا الميكانيكى بتاع حضرتك قالك روح هات جلد ماستر بتاع بيجو والى الحمد لله الموجود كله زبالة او مقاسات مختلفة مقاس الكاوتش بتاع الماستر العمومى بتاع حضرتك موجود فى الجيزة عند واحد بس قدام المجمع ونوعين نوع صينى ونوع المانى اشترى الالمانى احسن وريح دماغك واتفرج على العربية

ديه اول حاجة شيك على المشترك الخلفى بتاعى العربية والماسورة الرابعة الكبيرة بتاعت الماستر لانها ممكن تكون مسدودة والماسورة الرابعة موجودة علشان الخطر مش راجع الزيت زى اغلب الميكانيكية مابيقولو الماسورة الرابعة بتجيب زيت بس لما تدوس على الاخر

لو محتاج ماستر جديد انا اشتريت الماستر من عند ارزاق ومركبتهوش غير يوم واحد وعملت الحل ده على طوول شوف وانا معاك وياريت ترد عليا

والله ابداً ياباشا ..مافيش ميكانيكيه فى الموضوع انا خلاص شغال ذاتى بدون مساعدات ميكانيكيه....
الجلد سعادتك انا جيبته من عند رينو هوم وقلتله بتاع الداتشا فادانى علبه مكتوب مصنوع فى فرنسا وب 20 جنيه
و فكيت على الاربع مواسير لاقيت فيهم ضغط وزيت نازل مافيش مشكله فيهم
(مقاس الكاوتش بتاع الماستر العمومى بتاع حضرتك موجود فى الجيزة عند واحد بس قدام المجمع ) المجمع ده فين فى الجيزه والمحل اسمه ايه وجبت الجلد الالمانى بكام؟؟
والماستر اللى عندك بكام ؟؟
واشكرك على الرد والافاده

**bnoqo** · 03-01-2012 03:29 AM

بص ياباشا الراجل موجود امام مجمع المصالح الحكومية بالجيزة جنب المحكمة الى هيا جنب محطة الجيزة

الراجل عنده المقاسات كلها وانا حاسس ان مفيش فرامل منتيجة ان الجلد اصغر او الماستر من جوه متاكل فى يجى يضغط زيت يطلع كمية بسيطة

على العموم الالمانى انا جبته الطقم وهما اربع جلد 40 جنيه والحمد لله الفرامل زى الفل المشكلة عندى فى السيرفو فيه اولسى بينفس

بالنسبة للماستر العمومى مش هانختلف ياباشا انت شوفه وانا اجيب لحد عندك من غير فلوس خالص

وربنا يقويك ويساعدك بس ياريت اتاكد من حوار جلد الماستر ده