مش غريبه اليارس 1300 الكامله كانت ب118 الف تقريباً ودى 1500 سى سى مع فرق العمله منطقى جدا
عرض للطباعة
مش غريبه اليارس 1300 الكامله كانت ب118 الف تقريباً ودى 1500 سى سى مع فرق العمله منطقى جدا
دي تويوتا يابيه
ياباني ياباشا
اصلي ومبيتكسرش
ههههههههه
اسعار العربيات في مصر عايزه ضرب النار والأجمل الناس اللي بتشتري عايزه اعدام عشان كل مابيتغلي اكتر الناس بتشتري قبل ماتغلي تاني
هى المشكله اصلا موجوده فينا على فكره و التجار بتلعب على النقطه دى كويس قوى. يعنى احنا بنهتم دائماً بالمنظر الخارجى بدون ما نفكر بطريقه عمليه و هل الحاجه دى تناسب احتياجاتنا و لا لاء. يعنى تلاقى واحد بيدور على عربيه علشان شكلها باين عليه غالى او علشان متصنعه مش عارف فين او ممكن حتى علشان مفتاحها شكله فخم و بعدين بنقلد بعض بدون تفكير . يعنى مثلا قليل قوى اللى بيقرا ريفيوهات عن موديلات قبل ما يشترى او بيشوف استهلاك البنزين او سعر قطع الغيار و اغلبيه الناس بتعتمد على اسم الماركه و بلد الصنع و الشكل الخارجى المبهر و خد عندك بقى بعد كده تلاقى الناس بتشتكى ان العربيه مش زى ما كان متوقع و قطع غيارها مش موجوده او بتجرى لكن بغير ثبات و كمان المستورد يقعد يشيل منها حاجات مهمه للامان مع العلم ان سعرها اغلى من بره. فعلاقة العربيه بدون ايرباج او بدون ايه بى اس و ممكن حتى من غير كماليات بسيطه بس بقت ضروره زى وحدات الرفع و الباركنج سنسور يعنى محتاجين شويه وعى فى الشراء علشان محدش يضحك علينا و يبيعلنا الوهم زى اللى بيحصلنا دلوقتى و بنشتكى منه ده
على فكرة مهما قلنا وعدنا ... فعلا اللى يشترى دلوقتى بيضمن فلوسة
لأننا البلد الوحيدة على مستوى العالم اللى الاسعار بتزيد وقت انهيار الاقتصاد وفى نفس الوقت مبتقلش تانى
فتوقع ان سعرها حيزيد اكتر ومش حتقل تانى ابدا !!
ابسط مثال عربيتى زادت 10الاف جنية مرة واحدة من 12-8-2011 الى 15-9-2011 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!
ما كل التوكيلات بتستهبل اشمعنى يعني تويوتا مش هايستهبل ؟؟
السؤال بقى هل في حد بيشتريها بالتمن دا ؟؟
بالرغم انها تويوتا بس برده حاسس اننا بندفع بتاع 20 الف جنيه علشان العلامة فقط انما باقي الثمن عالرعيبة يستاهل
عشان فيه مغفلين لسه بيشتروها بالسعر ده
اكتر حاجه بضحكني لما تلاقي توكيل رافع سعر العربيه فجاه 10 الاف ويجي بعدها بكام شهر ينزل تمنها 4 الاف يعني العربيه لسه في ذياده 6 الاف ويقولك عرض وتلاقي الناس رايحه تشتري وتقولك قبل مايلغي العرض
الناس ماشيه وراء مبدا الغالى تمنه فيه و مبتحاولش تفكر فين تمنه ده :)