-
السلام عليكم
انا وانا بقلب في مواضيع المنتدى
لقيت بعض الاجرائات الوقائيه اللي بيعملها بعض الاعضاء المهمه و اللي في نفس الوقت مش موجوده في جدول الصيانه اللي في مانيول العربيه
مثلاً اللي بيحط منظف رشاشات كل 10000 كيلو
و اللي بيحط منظف دورة الوقود كل مثلا مده اكبر
و اللي مبدر موعد تغيير البوجيهات و التيل
اللي مثلاً بيغير زيت الفرامل كل 20000 كيلو
و فلتر الهواء بدري شويه علشان الجو المترب اللي عندنا
و اللي بيغسل سربنتينة التكيف مره كل سنه
واللي بيغسل الرشاشات كل 50000 كيلو
ففي ناس من الزملاء المحترمين بالفعل معاهم جدول معدل عن جدول مُصنع العربيه
فممكن اي واحد عمل تعديل "حتى و لو من وجهة نظره و ملهاش اساس علمي" يعرفهولنا علشان الفائده تعم
-
1-انا غيرت فلتر بنزين حوالي 3 مرات في 17000 كم و ده اجراء وقائي من وجهه نظري نظرا لنقاء تنكات البنزين في محطات مصر :-)......يعني فلتر كل 5000 كم تقريبا .
2-كمان غيرت التيل الامامي علي 10000 و دة عشان استخدامي للفرامل كتير و المفروض بيتكشف عليه كل 5000 كإجراء وقائي ....ده لو بتدور علي اجراءات وقائيه كزياده اطمئنان وامان .
3-بردو في التوكيل بيفكوا بلي العجل الخلفي و بيشحموه ( طبعا الشحم علي حسابي ) و ده كل 5000 كم و كنت بجيب شحم مصري و في اخر صيانه قالولي لازم اجيب شحم الماني و العلبه ب 60 جنيه و ده افضل من المصري بكتير .
4-استخدمت منظف رشاشات من التوكيل acdelco عند 10000 كم و محستش بفرق بصراحة و قريت هنا في المنتدي انه له طريقه في الاستخدام وانا بصراحة مكنتش اعرفها و هيه انك بتحطه في التانك و بتفول عليه بنزين بعدد لترات معين مكتوب علي العبوه و المفروض انه ميباتش في التانك عشان غلط علي مواسير الوقود يعني تحطه و تطلع مشوار سفر ....المعلومه دي قريتها هنا في المنتدي . و فيه اعضاء قالوا يستخدم كل 30000 او 40000 كم . يعني اللي فهمته ان كتره غلط .
5-نضفت البوابه في التوكيل علي 5000 كم و كانت مش نضيفه خالص , و استخدموا منظف انجكشن بردو acdelco .
جيت اعمل نفس القصه في صيانه 10000 كم ف المهندس قاللي كتر تنظيف البوابه بالمنظف غلط و مش كويس .
زيت الفرامل يتغير في الظروف القاسيه كل 15000 كم او 18 شهر و تعريف الظروف القاسيه في الكاتالوج هوه القياده في طرق منحدره او سحب ( قطر ) سيارات . يبقي الطبيعي من وجهه نظري كل 3 سنوات او كل ما لونه يتغير اوي .
السيور زي سير الكاتينه اغلب الاعضاء بيقولوا عند 40000 كم كحد أمان و المفروض انه بيمشي اكتر من كدة .
6-فلتر الهواء ناوي ان شاء الله اغيره في صيانه ال 20000 كم و انا شايف انه نظرا للتراب في مصر كفايه 10000 كم اوي عليه .
7-نفسي بصراحة اغير زيت الفتيس في صيانه 20000 كم كأجراء وقائي ....لان فيه ناس بتغيره علي 50000 و 60000 كم .
8-حاجة مهمه بردو : مراجعه الفبر بتاع سربنتينه الريداتير كل سنه تقريبا .
9-البوجيهات كل 20000 كم او سنه و وجهه نظري كتير 20000 كم علي البوجيهات ال عاديه 1 شمعه لاني لسه مغيرتش البوجيهات من اول ما جبت العربيه و حاليا عامله 17000 كم و حاسس ان استهلاك البنزين زاد شويه و السحب شويه حلو و شويه مش أد كده و اصدقائي اللي غيروا البوجيهات عند 15000 كم حسوا بفرق ...بس كانت تجربتهم في الافيو ....السحب فرق و صوت الموتور هدي شويه و استهلاك البنزين اتظبط .
ياريت لو اي عضو عنده وجهات نظر يفيدنا لانه بجد موضوع مهم كأجراءات وقائيه
و تحياتي للعضو صاحب الموضوع :-)
-
انا بغير فلتر البنزين كل 20 الف
بغير بوجيهات كل 10 الاف
بنضف فلتر الهوا كل 5 الاف (فلتر سبور)
بحط منظف رشاشات كل 10 الاف
بستعمل فلش لزيت الموتور كل تغيرتين زيت
MMamdouh
-
السلام عليكم أستاذ محمد، أجيب فلش زيت موتور ماركة إيه و منين و بكام؟ ربنا يجازيك خير - أحمد سامي
-
من محطات البنزين
فية ماركات كتير زى STP و cyclo و ABRO
MMamdouh
Content Relevant URLs by
vBSEO 3.6.0 PL2