الموضوع: بوليش بلاستيك

المشاركة الأصلية كتبت بواسطة m7mda7md

بمناسبه الصنفره ال ‏1000........انا جربت الصنفره دي علي وش فانوس قديم و بوظته‏!‏!!!!!!!!!!!!!!!الوش مبقاش شفاف.........مش عارف اوصفلكم شكله بس من الآخر الوش باظ

طيب ولو جبتلك وش فانوس أكريلك كمان و مش أصلى وكان أصفر لون البرتقالة ومليان خرابيش ومش أى خرابيش دى خرابيش بكاتر كمان !!!!

وعملته بنفسى ونفع وبقى زى الفل وأنا اللى عامله بنفسى بسنفرة 1000 ومخلاش فيه خربشة ظاهرة خالص !!!

واضح انك معرفتش تستعمله صح وإلا ماكنش نفع معايا وأدى أداء ممتاز

المشاركة الأصلية كتبت بواسطة misoalex

هههههههههههههههربنا يكرمك ويجازيك كل خير

بس هو المنتج ده المفروض انه بيتباع فى القاهره عادى وده بديل للخلطه بتتاعه البولش ومعجون السنان وكل ده

هو زى مهو موضح فى الفيديو بتحطه وتدعك بأيدك او بصاروخ وخلاص

الله يخليك ياباشا بس المهم الدعا بعد النتيجة عشان ماتسحبهاش تانى
هههههههههههههههههه

بص فكك من أى منتجات للتنظيف إلا لو أنت حابب تعمل شغل صح الصح وتدفع فلوس لأن كله بتمنه

أحنا هنعمل شغل صح بس من بتاع المصريين مش من بتاع الجماعة دول اللى كل حاجة ليها حاجة وأوعى تستعمل غيرها .. الكلام اللى بيضحكوا بيه على الناس ده
ههههههههههههههههه

هات اى بوليش وأى كمبوند
بس كل ما كان النوع أفضل كل ما كانت النتيجة أحسن أكيد
لكن مش لازم تشترى أغلى حاجة عشان الغالى تمنه فيه والكلام الفارغ ده
لأ أشترى المعقول واللى فى المتناول لأن الفروق مش هتبقى كبيرة أوى بين نوع والتانى

فيريت تخلى بالك من النقطة دى

المشاركة الأصلية كتبت بواسطة m7mda7md

باشا انا مقولتش انك كذاب‏!‏‏!‏‏!‏‏!‏‏!‏‏!‏ ‏!‏‏!‏‏!‏‏!‏‏!‏‏!‏‏!‏� ��!‏‏!‏‏! انا بسأل بس......علي فكره انا محطتش ميه خالص........كله كان ناشف ف ناشف.......ممكن يكون ده السبب؟

وأنا ماقلتش يامعلم أنك بتكدبنى

وكلامك صحيح انت مطلوب منك نقطتين ماية بالعدد كده بحيث ان السنفرة ماتتبلش وكمان المعجون والبوليش أو الكمبوند ما يرغيش ويعجن معاك

مجرد بس نقط قليلة خااالص



وصحيح كمان ماتدوسش علي السنفرة جامد وانت بتشتغل وكمان حركها فى دواير

وجرب تانى وانا معاك لو باظو عليا أنا

المشاركة الأصلية كتبت بواسطة misoalex

طيب يعنى اعمل الاول بالبوليش ولا الكمبوند واحط معجون السنان على انهى فيهم الاول
اصلى اللى اعرفه ان البوليش ده شمع تلميع بس

واجيب سيجنال 2 من ابو جنيه ده ولا ايه النظام هههههههههههههههه

ياعم مش هتفرق حط اى حاجة مع اى حاجة ماتوجعش دماغك
ههههههههههههههههه

وعلى فكرة البوليش غير الشمع الخام بتاع التلميع ... وهو فعلاً للتلميع وإزالة الخدوش اللى على العربية وبتبقى بلون تانى مثلاً أو تجاريح سطحية جداً مش واكلة فى البوية

وياعم هات سجنال هات المسواك هات بم بم هات ارخص حاجة