عملت صيانة 5000 ف سموحة

السلام عليكم ورحمة وبركاتة


نهاردة روحت صيانة 5000 ف سموحة قبلتنى واحدة واخدت منى ملاحظات اللى عندى ومنها حرارة تحت دواسات و عضة مارشدير ومشكلة الكاسيت راديو لما ادوس فرامل ودبرياج واانا على الاول فى وسط الزحمة صوت الراديو بيوطة

مهم قاعدت اكتر من ساعة وجاتلى واحدة تانية وقالتلى مفيش عازل نهاردة ف ممكن حضرتك تيجى في يوم تانى ونعملهولك
قولتلها طيب مشكلة الكاسيت وة عضة الفتيس فالتلى مفيش حاجة مذكورة عنهم ف تقرير
قولتلها ازاى قالتلى ثوانى اكلم باش مهندس واسالة
مهم جاتلى تانى بعد ربع ساعة قالتلى باش مهندس بيقول مفهمش حاجة قولتلها ازاى مفهمش حاجة قالتلى عموما هو جى حالا وحيكلمك مفيش دقيقتين وجالى وقالى يا مدام الفتيس مفهوش حاجة انا غيرتلك زيت الفتيس وكلة زى الفل مفيش اى عضة وانا جربت بنفسى وكاسيت شغال مفيهوشش حاجة مهم اقوحت معاة ان الفتيس فية عضة مارشدير وان دة اصلا عيب ف لوجان وبتركبولو مجموعة بريك قالى لالالالالالالالالالالالال الالا
دة مش عيب موجود ولا حاجة انتى اول واحدة تيجى تقول كدة

تصدقووووووووووووووووووووو وووووووووووووووووووو:O_stupid[1]::oho::oho::oho:

عموما دلوقتى تطلع عربية وحتشوفى بنفسك

اخدت عربية وانا مضيقة جدا

بس بصراحة حسيت ان العربية فى فرق هيا احسن صوت ماتور اوطى عربية انعم وعربية نظيقة زى الفل غير طقم دواسات هدية

بس مشكلة عضة مرحتش ولا حاجة وحسبى الله ونعم الوكيل فية بجد

انا سمعت فعلا ان في مشكلة في اللوجان في المارشدير وبيحلوها بتركيب حاجه اسمها مجموعة البريك
ممكن يكون المهندس كسل انه يركبها علشان دي بتتركب مجانا علشان دي عيب مصنع
بصراحه انا مش معايا اللوجن بس انا كنت تابعت مواضيع كتير علشان كنت هجبها بس رسيت في الاخر علي السانديرو
بس انتي تحاولي تدوسي علي الدبرياج للاخر ولو ما تحلتش من راي ما تتنازليش عن حقك
وتقدري تسألي الاعضاء اللي هنا اللي ركبوا مجموعه البريك دي هيقدروا يفيدوكي اكتر من


انا كنت عايزة استفسر من حضرتك علي حاجه صغننه وارجو انك تفيديني فيها
في الولاعه اقدر اركب فيه شاحن او ام بي ثري ولا لأ؟؟؟

ها اقول لحضرتك على معلومة جربيها ما تاخديهاش بتريقة انا كان عندى مشكلة فى الغيار الاول و المارشدير و بعد بحث لاقيت الدواسة بتدخل تحت دواسة الدبرياج و بتسبب المشكلة دى وغيرتها بواحدة قصيرة و الحمد لله ما اتكررتش بعد ما كانت معقدانى

عقبال صيانه ال المليون . و علي فكره عضة المارشيدير في موديل 2010 و بعدين هما تلافوا العيب ده في الموديلات اللي بعد كده فلو الموديل بعد 2010 مفيهوش عضة . اما بالنسبه للعازل المفروض لو مش موجود عندهم بيكتبوه في امر التشغيل لحين ما يتوفر و يتصلوا بك . اما بالنسبه لسؤال nonalaziza فممكن تركب في الولاعه اللي انت عايزه شاحن mp3 لو عندك مكنسه للعربيه ممكن .

أنا لسة عامل صيانة ال 10000 عشان العربية عدي عليها سنة بس ما عملتش غير 4400 كيلو - و كان عندي نفس مشكلة العضة فى الأول و التاني و المارشدير
بس طبعا أكدولو فى الصيانة ان ده فى كل اللوجان و خلوني أركب فى عربيتين 2010 و 2012 و كلهم نفس الحاجة بالظبط و بالتالي هو اللوجان كلها كده
بس فى حل للمارشدير أنك أولا تستني العربية تقف تماما و تدوسي للأخر الدبرياج و أنقي حتلاقي مافيش عضة خالص - أو ممكن بدل ما تنقلي من النقلة للمارشدير تجيبي المور و بعدين تنقلي حتلاقي برضه ما فيش عضة خالص - ده عن تجربة أكدية

بس الغريبة أنه أقلك زود زيت الفتيس ؟ مش عارف أزي فى صيانة 5000 عمل كده ؟

اقتباس:

---

المشاركة الأصلية كتبت بواسطة amrezzat82

أنا لسة عامل صيانة ال 10000 عشان العربية عدي عليها سنة بس ما عملتش غير 4400 كيلو - و كان عندي نفس مشكلة العضة فى الأول و التاني و المارشدير
بس طبعا أكدولو فى الصيانة ان ده فى كل اللوجان و خلوني أركب فى عربيتين 2010 و 2012 و كلهم نفس الحاجة بالظبط و بالتالي هو اللوجان كلها كده
بس فى حل للمارشدير أنك أولا تستني العربية تقف تماما و تدوسي للأخر الدبرياج و أنقي حتلاقي مافيش عضة خالص - أو ممكن بدل ما تنقلي من النقلة للمارشدير تجيبي المور و بعدين تنقلي حتلاقي برضه ما فيش عضة خالص - ده عن تجربة أكدية

بس الغريبة أنه أقلك زود زيت الفتيس ؟ مش عارف أزي فى صيانة 5000 عمل كده ؟

---

انا اسفه لصاحبة الموضوع لاني هخرج برا السياق
بس بصراحه استاذ عمرو قلقني جداااااا من السانديرو و فتيسها خصوصا وانا اصلا مقلقه من المانويل لاني رجعتلها بعد سنين من سواقه الاتوماتيك
بصراحه انا كده احترت اتكل علي الله ولا اخدها من قصيرها و أغير الحجز لفيرنا ؟؟؟؟؟؟؟؟

تسمحولي أرد ف موضوع قديم شوية؟
معلش أنا أصل بابص ع السانديرو وعاوز أعرف هيا "العضة" دي عضة عند النقل للمارشدير صح؟

دي مش عضة.. دا زي سيستم أمان عشان العربية ماحدش يقلبها مارشدير وهي ماشية قدام مثلا.

الطريقة الصحيحة للمارش ف اللوجان (في اللانوس نفس الكلام) تبقي العربية واقفة ومور الفتيس وسيبه خالص مع السوستة بتاعته ياخد وضعه الطبيعي.. اضغط دبرياج للآخر.. امسك الفتيس واقلب مارشدير.

فيه ناس كتير بتقول ان فيه عضة لأنها ببساطة بتبدأ تحرك الفتيس بالعرض قبل ما تدوس الدبرياج للآخر فا بتحس بالعضة (دا صديق كان بيشتكي من الموضوع ده ولأن نفس النظام ده كان عندي ف اللانوس وريته الطريقة الصح). نفس الكلام في أي نقلة اضغط الدبرياج للآخر قبل ما تحرك الفتيس أي حركة.. دي سيارة عائلية مش بورش كايرا اس.

اقتباس:

---

المشاركة الأصلية كتبت بواسطة crayvor

تسمحولي أرد ف موضوع قديم شوية؟
معلش أنا أصل بابص ع السانديرو وعاوز أعرف هيا "العضة" دي عضة عند النقل للمارشدير صح؟

دي مش عضة.. دا زي سيستم أمان عشان العربية ماحدش يقلبها مارشدير وهي ماشية قدام مثلا.

الطريقة الصحيحة للمارش ف اللوجان (في اللانوس نفس الكلام) تبقي العربية واقفة ومور الفتيس وسيبه خالص مع السوستة بتاعته ياخد وضعه الطبيعي.. اضغط دبرياج للآخر.. امسك الفتيس واقلب مارشدير.

فيه ناس كتير بتقول ان فيه عضة لأنها ببساطة بتبدأ تحرك الفتيس بالعرض قبل ما تدوس الدبرياج للآخر فا بتحس بالعضة (دا صديق كان بيشتكي من الموضوع ده ولأن نفس النظام ده كان عندي ف اللانوس وريته الطريقة الصح). نفس الكلام في أي نقلة اضغط الدبرياج للآخر قبل ما تحرك الفتيس أي حركة.. دي سيارة عائلية مش بورش كايرا اس.

---

الله يبارك لك ياباشا أوجزت فأنجزت ولخصت فوفيت ، اللوجان فعلا مافيش فيها مشكلة فى المارشدير ولكن المشكلة فى الاستعمال والاستعجال أثناء النقل من السكون للحركة وكذلك ضرورة الضغط على الدبرياج لنهاية المشوار وبكده بيكون المارشدير زى الفل وياريت نلاحظ اننا نبعد الدواسة من تحت الدبرياج لانه مشواره بيوصل للارضية :lurk5:

اقتباس:

---

المشاركة الأصلية كتبت بواسطة xlance2010

الله يبارك لك ياباشا أوجزت فأنجزت ولخصت فوفيت ، اللوجان فعلا مافيش فيها مشكلة فى المارشدير ولكن المشكلة فى الاستعمال والاستعجال أثناء النقل من السكون للحركة وكذلك ضرورة الضغط على الدبرياج لنهاية المشوار وبكده بيكون المارشدير زى الفل وياريت نلاحظ اننا نبعد الدواسة من تحت الدبرياج لانه مشواره بيوصل للارضية :lurk5:

---

الكلام ده مظبوط
هى مش عضة بالمعنى المطلق هى زى عصلجة بسيطة
زى ما الاخ قال وانا عملت كده اقف الاول وبعدين انقل من الاول الى المارشدير
والنهارده قولت لازم اجربها بسرعة انا دايما بلف وارجع وتقدم على مهلى
النهارده عملتها بسرعة فى 5 او 7 ثوان لفيت ونفسى ومشيت على طول
الموضوع بسيط جدا هو ممكن اللى يحس بيه البنات او السيدات عشان فرق الطول والدوس على الدبرياج ما بتوصلش لآخر

اقتباس:

---

المشاركة الأصلية كتبت بواسطة wael30003

الكلام ده مظبوط
هى مش عضة بالمعنى المطلق هى زى عصلجة بسيطة
زى ما الاخ قال وانا عملت كده اقف الاول وبعدين انقل من الاول الى المارشدير
والنهارده قولت لازم اجربها بسرعة انا دايما بلف وارجع وتقدم على مهلى
النهارده عملتها بسرعة فى 5 او 7 ثوان لفيت ونفسى ومشيت على طول
الموضوع بسيط جدا هو ممكن اللى يحس بيه البنات او السيدات عشان فرق الطول والدوس على الدبرياج ما بتوصلش لآخر

---

الله ينور عليك ياباشا ، كده الناس تفكر ، كده الناس تعيش :hlopaet_prv: