تقرير استثنائى ومصور عن صيانة ال60.000 كم فى مركز خدمة اوتوايجيبت - ابو رواش (حصريا)

**night_whisper** · 02-01-2012 09:05 PM

ما شاء الله
تقرير أقل ما يقال عنه أنه تقرير ممتاز

شكرآ جزيلآ على المجهود الرائع
فعلآ بفكر جديآ بعمل صيانة ال 40 ألف عند أوتو أيجيبت

أخى الكريم
أسمح لى أن أسجل أعجابى بأسمك : ( يوسف الصديق )
تحياتى و أحترامى لشخصكم الفاضل

**Youssef.Awad** · 02-01-2012 11:31 PM

المشاركة الأصلية كتبت بواسطة aiman0173

ما شاء الله يا يوسف تقرير ولا أروع من كدا والف مبروك على الصيانة وعقبال صيانة المليون وانت واسرتك بصحة وعافية يا رب وربنا يبارك لك في سيارتك ويرزقك خيرها ويكفيك شرها
كان عندي تعليق على نقطتين:
1- حضرتك بتقول مفيش تصريح خروج وانهم اكتفوا بالفاتورة والختم - بس انا بصراحة اخذت تصريح خروج والامن على البوابة اخذه مني وانا خارج !!
2- حضرتك بتقول ان العربية متغسلتش من جوة وبره بس غسلوا الماتور بالفوم - بس عندي اتغسلت من جوة وبره بس مغسلوش الماتور احتمال لأني كنت غاسله قريب
عموما الف الف مبروك على الصيانة وعلى التقرير الاكثر من رائع

شكرا استاذ ايمن على دعواتك الجميلة دى
وبالنسبة للنقطتين: تصريح الخروج والغسيل
انا قولت اللى حصل معايا وفى عربيتى وده ينم ان كل واحد مختلف عن التانى وطبعا انا واخد فى الاعتبار الربكة اللى حصلت يومها وترتيب الخطوات بعد انقطاع الكهرباء علاوة على عدم اكتمال المركز وخاصة المغسلة والتنسيق بين كل المراحل زى ما احمد ذكر وعشان كده مش عاوزين نحكم على اوتوايجيبت من الحاجات دى خاصة انه كان يوم مختلف والحمد لله انه خلص بالشكل ده وكلنا عملنا صيانتنا على خير وحكمى الاساسى هاقوله وقت ما المركز يكتمل كليا والاهم دلوقت كفاءة وجودة عملية الصيانة لأنى فعلا حاسس باختلاف رغم وجود جلب مقصات عاوزة تتغير والعربية استهلكت اكتر من صيانات ال20وال40 وده فى حد ذاته شىء جميل جداااااااا

المشاركة الأصلية كتبت بواسطة zeznia

بص يامعلم
انا بعد ماقريت الموضوع بتاعك نزلت بصيت عالبوجهات اللي طلعت في الصيانه
والمفاجاه اني لقتها بالظبط زي اللي في الصوره عندك
حاجه غريبه
ملحوظه :انا كنت حاطيت منظف الانجكشن موبيل علي حوالي 50000 كلم

حلو اوى يا خالد وياريت لو كنت محتفظ بالبوجيهات القديمة عشان نشوف الفارق وانت اصلا ما غيرتش ضفيرة وده يأكد كلامى انها مش السبب زى ما قال بعض الاعضاء
وفى انتظار كل واحد كشف ع البوجيهات يقولنا لقى ايه ؟
وفرصة الاخوة اللى ما استعملوش المنظف وعملوا صيانة معانا فيها تغيير بوجيهات يشوفلنا حالتها ايه؟

المشاركة الأصلية كتبت بواسطة night_whisper

ما شاء الله

تقرير أقل ما يقال عنه أنه تقرير ممتاز

شكرآ جزيلآ على المجهود الرائع
فعلآ بفكر جديآ بعمل صيانة ال 40 ألف عند أوتو أيجيبت

أخى الكريم
أسمح لى أن أسجل أعجابى بأسمك : ( يوسف الصديق )

تحياتى و أحترامى لشخصكم الفاضل

ربنا يجازيك خير ومبرووووووووك مقدما ع الصيانة
وبالنسبة لاسمى ده مركب complex يعنى

والبركة فى الحاج صاحب البيت الوالد ما عرفش يسمى اخويا الكبير يحي زكريا راح مسمينى يوسف الصديق

واهو تميز برضه وبيعمل لخبطة فى بعض الاوقات

**Sehsss** · 02-01-2012 11:37 PM

[QUOTE=y2y1500;3874024096]شكرا استاذ ايمن على دعواتك الجميلة دى
وبالنسبة للنقطتين: تصريح الخروج والغسيل
انا قولت اللى حصل معايا وفى عربيتى وده ينم ان كل واحد مختلف عن التانى وطبعا انا واخد فى الاعتبار الربكة اللى حصلت يومها وترتيب الخطوات بعد انقطاع الكهرباء علاوة على عدم اكتمال المركز وخاصة المغسلة والتنسيق بين كل المراحل زى ما احمد ذكر وعشان كده مش عاوزين نحكم على اوتوايجيبت من الحاجات دى خاصة انه كان يوم مختلف والحمد لله انه خلص بالشكل ده وكلنا عملنا صيانتنا على خير وحكمى الاساسى هاقوله وقت ما المركز يكتمل كليا والاهم دلوقت كفاءة وجودة عملية الصيانة لأنى فعلا حاسس باختلاف رغم وجود جلب مقصات عاوزة تتغير والعربية استهلكت اكتر من صيانات ال20وال40 وده فى حد ذاته شىء جميل جداااااااا

حلو اوى يا خالد وياريت لو كنت محتفظ بالبوجيهات القديمة عشان نشوف الفارق وانت اصلا ما غيرتش ضفيرة وده يأكد كلامى انها مش السبب زى ما قال بعض الاعضاء
وفى انتظار كل واحد كشف ع البوجيهات يقولنا لقى ايه ؟
وفرصة الاخوة اللى ما استعملوش المنظف وعملوا صيانة معانا فيها تغيير بوجيهات يشوفلنا حالتها ايه؟

ربنا يجازيك خير ومبرووووووووك مقدما ع الصيانة
وبالنسبة لاسمى ده مركب complex يعنى والبركة فى الحاج صاحب البيت الوالد ما عرفش يسمى اخويا الكبير يحي زكريا راح مسمينى يوسف الصديق واهو تميز برضه وبيعمل لخبطة فى بعض الاوقات [/QUOTE]
أنا بقى والدي شخصيا اسمه مركب (حسين كامل) تخيل

**Youssef.Awad** · 03-01-2012 02:03 AM

المشاركة الأصلية كتبت بواسطة ferrari1500

الله ينور يا يوسف باشا تقرير وافى وكافى بس هل منظف الانجيكشن ده لكل العربيات ومدى تأثيره على خراطيم البنزين والبخاخات (هنا فى جدة مش بيحبوا يكتروا منه وبينضفوا بخاخات ع طول)

ويا ريت متنسانيش فى استشارة مستعجلة عشان عايز ابيع البرادو واجيب سورينتو فل كامل 6 سلندر ب 100 الف ريال (عليها عرض من 106)

وبالتوفيق دائما

بالنسبة لمنظف الانجكشن انت اصلا مش هاتحتاجه عندك لأنك مش فى مصر وانت عارف البنزين هنا عامل ايه !!!
اما بالنسبة لمنتجات ليكوى مولى فهى المانية مستوردة بالكامل وده لينك موضوع كامل عن كل منتجاته
خدمة عملاء ليكوى مولى liqui moly ترحب بأستفساراتكم - نايل موتورز - NileMotors.net
وعن نفسى اول مرة اجربه كانت عند 59500كم قبل صيانة ال60.000 كم وممكن اكرره مرة كمان ع ال100 الف باذن الله يعنى كل 50 الف كم ومن رأيى مش اقل من كل 20-25 الف كم يعنى مش عمال على بطال
والوقاية خير من العلاج يعنى لو الواحد محافظ على التموين من محطات موثوق فيها يبقى على فترات متباعدة افضل
ومكتوب ع العبوة 2000 كم و70 لتر بنزين
---------------------------------
ياعم الحاج ابوس راسك حد يبيع تويوتا برادو عشان يركب كيا سورينتو

حرام عليك .. ولا عاوز اسلط عليك رجالة قسم نيسان يكرهوك فى الكورى وسنينه

و100 الف ريال كتير عليها كمان
فاكر اللاند روفر وقت ما جبت البرادو

**WalidAdel** · 03-01-2012 04:07 AM

المشاركة الأصلية كتبت بواسطة y2y1500

حراااااااااااااااام عليك يا مفترى انت طلعت منهم !!!

اللى بيمشوا بالعربية لحد اما تقطع بوجيه وتتلت
وكمان لحد اما السير يصفر او ينسر ويتقطع
وكمان لحد اما الكاوتش يتنحل والسلك يبان والنقشة تختفى
وموضوع الفيلر ده هايطلع طبعا بدون تغيير ومقاس بوجيهات الصنى 5 مللى
ومن رأيى ان الكربون المترسب على البوجيه وناجم عن الحرق بيؤثر سلبا على كفاءته بعد كده
واخيرا انا مش مقتنع بكلام مودرن المتناقض جدااااااا وبصراحة ردودهم على اى تساؤل باختلاف الواقعة مش مقنعة بالنسبة لى
بعد صيانة ال40 وتغيير السيور روحت حملة فحص مجانى فى فرع شبين وقالى غيرتهم ليه ده احنا بنغيرهم عند 60 ولا 80
وبعدها بشهرين صاحبى فى الشركة راحلهم فى ال40 غيروهاله وقالوله ده احسن عشان سيور الصنى بتبوظ بسرعة !!!!!!!!!!!!!!!!!!
مع احترامى كلام مودرن بالنسبة لى متناقض

ايه ياعم يوسف الافتراضات الغريبه دي مين قالك كده بس دانا بقولك في كلامي البوجيه بيقعد لحد 40-45 الف و مش بيحصله حاجه لا جيبت سيرة انه تلت مني ولا كاوتش بيتنحل والسلك يبان ولا سيور تصفر بس الشئ لزوم الشئ مش اي حاجه و خلاص لكل شئ اصوله سواء كلام توكيل او كلام عفريت ازرق الاهم يكون انا مقتنع بيه و الحمد لله انا من ثانويه عامه و انا معايا عربيه و عارف انا بقول ايه كويس فاكيد مش هابص للكام جنيه بتوع البوجيهات ولا حتي السوير و لا حتي الكاوتش مش هايضلعوني الحمد لله

**SonaSteel** · 03-01-2012 10:36 AM

ماشاء الله تقرير ممتاز يا دوووووووك بجد
افضل تقرير لصيانة ال60000 في القسم ماشاء الله عليك
وعقبال صيانة ال600000 ومتكونش غيرت التيل لسه برده :p :p

المشاركة الأصلية كتبت بواسطة walidadel

ايه ياعم يوسف الافتراضات الغريبه دي مين قالك كده بس دانا بقولك في كلامي البوجيه بيقعد لحد 40-45 الف و مش بيحصله حاجه لا جيبت سيرة انه تلت مني ولا كاوتش بيتنحل والسلك يبان ولا سيور تصفر بس الشئ لزوم الشئ مش اي حاجه و خلاص لكل شئ اصوله سواء كلام توكيل او كلام عفريت ازرق الاهم يكون انا مقتنع بيه و الحمد لله انا من ثانويه عامه و انا معايا عربيه و عارف انا بقول ايه كويس فاكيد مش هابص للكام جنيه بتوع البوجيهات ولا حتي السوير و لا حتي الكاوتش مش هايضلعوني الحمد لله

هههههههههههههههههههه انت بتعمل كل ده في العربية ياوليد ؟؟؟
انا مش عايز اقول ماشاء الله ربنا يباركلك فيها ياوليد والله ....... العربية معاك بحس انها بنت ناس بصرف النظر انك مش بتحليني اركبها هههههههههههههه

**Youssef.Awad** · 03-01-2012 12:53 PM

المشاركة الأصلية كتبت بواسطة SonaSteel

ماشاء الله تقرير ممتاز يا دوووووووك بجد
افضل تقرير لصيانة ال60000 في القسم ماشاء الله عليك
وعقبال صيانة ال600000 ومتكونش غيرت التيل لسه برده :p :p

اخيييييييييييييييييييرا ظهرت يا حسين وحنيت علينا وعبرتنا بتعليقك
شكرا يا زعيم على تقديرك وشهادتك وفكك منى عشان عشان الحاجات دى بتتنظر انت عارف طبعا

**SonaSteel** · 03-01-2012 03:08 PM

المشاركة الأصلية كتبت بواسطة y2y1500

اخيييييييييييييييييييرا ظهرت يا حسين وحنيت علينا وعبرتنا بتعليقك
شكرا يا زعيم على تقديرك وشهادتك وفكك منى عشان عشان الحاجات دى بتتنظر انت عارف طبعا

ربنا يعزك يا دكتور ويبارك في عمرك ويباركلك فيها ويكفيك شر طريقك ويوقفلك ولاد الحلال يارب العالمين
انت بس متتكلمش كتير :))
ممكن ابدل انا وانت حبه جوه البلد وحبة بره البلد :)))

الموضوع: تقرير استثنائى ومصور عن صيانة ال60.000 كم فى مركز خدمة اوتوايجيبت - ابو رواش (حصريا)

LinkBack

أدوات الموضوع

عرض

-

-

-

-

-

المواضيع المتشابهه

تقرير استثنائى عن استهلاك البنزين فى الصنى على مدار سنة ونصف ... حصريا

صيانة ال60 ألف كم لجين2 عند مركز توب جير

مركز خدمة أبو رواش

استفسار عن مركز خدمة ابو رواش

أحسن مركز خدمة = أبو رواش

الكلمات الدلالية لهذا الموضوع

المفضلات

المفضلات

ضوابط المشاركة