المشاركة الأصلية كتبت بواسطة ahmedhawas
- هو فتيس cvt عادي بس "with manual override" زي بتاع ال2000 سي سي عندهم من إنتاج jatco
- الفتيس ال cvt فيه عدد لانهائي من نسب التخفيض ، تقدر من خلالها ب rpm ثابتة ومنخفضة نسبيا انك تمشي بالعربية على سرعات مختلفة.
(وده بتلاحظه في إن عداد ال rpm ثابت و عداد السرعة شغال بيزيد) .. وده إثبات إنه أوفر في استهلاك البنزين ،
إلا إذا زودت "الحمل" على دواسة البنزين فساعتها ال rpm هتزيد.
- طبعا كتصميم : مختلف عن الأوتوماتيك والمانيوال والsmg (ال cvt مفيهوش تروس)
- أما حتة manual override : فدي ليست إلا "سوفت وير" في الكنترولر بتاع الفتيس بيضحكوا بيها عالزبون ويحسسوه إنه سايق مانيوال.
وده عشان ناس كتير بتفقد متعةالسواقة لما تلاقي عداد ال rpm مبيزيدش ، بالرغم من ان السرعة بتزيد.
فاختاروا عدد مناسب من نسب التخفيض اللي ملهاش حصر في ال cvt (مثلا 6 سرعات تخيلية) وثبتوهم وخلوا عداد ال rpm يطلع وينزل.
- وبصراحة أنا شايف إن ده ضد الهدف الرئيسي من عمل الcvt ، لكن (كله يهون عشان الراحة النفسية للزبون)
* ال manual override ليه إسم تاني وهو tiptronic
* أما ال steptronic فدي +و- لكن مع فتيس أوتوماتيك(وده داخليا مختلف: تروس كوكبية وكلتشات وبريكات ومجموعة بلوف)