الموضوع: مشكلة فى فلونس محتاج مساعدة

انا معتقدش ان ممكن العربيات ترخص بصفه عامه ورينو بصفه خاصه,ودى اشاعه بتطلع كل سنه ومفيش اى عربيات بترخص.
الفلوانس بتتباع موديل 2012 من شهر 9 او 10 اللى فاتو وناس كتير اشترت العربيه بالسعر المعلن حاليا منهم انا,انا لسه مشترى من اربع ايام فلما الاقى ان ثمن العربيه رخص بعدها بكم يوم اكيد مش هسكت انا وناس تانيه كتير
اخى الفاضل اذا عزمت فتوكل ومتستناش اسعار عربيات ترخص ده رأى شخصى

بالنسبه للتوكيل انا لسه متعاملتش معاه بس قرأت هنا فى المنتدى ان توكيل من التوكيلات الممتازه فى مصر حسب كلام معظم الاعضاء

بخصوص غلو قطع الغيار فطبعا رينو هتكون اغلى شويه عن باقى المنافسين لها فى فئتها بس انا بصراحه بشوف ان الاسعار بقت متقاربه وكل العربيات الجديده هتكون اسعار قطع غيرها غاليه,بمعنى تانى مبقاش فيه حاجه رخيصه

بخصوص ضعف الموتور على الجسم فأنا محستش الموضوع ده خالص بصراحه خصوصا انى حطيت بنزين 95 وليا واحد صاحبى معاه نفس عربيتى وبيحط بنزين 92 بس 95 مخلى صوت العربيه هادئ اوى وسرعه استجابتها اعلى من عربيه صاحبى ببنزين 92 وانا كنت سمعت ان موضوع مشكله طلمبه النزين اتعالج والتوكيل لما بتجيله عربيه فيها المشكله بيغيرها بدون مشاكل

توكل على الله ومتستناش وفعلا مش هتندم,العربيه ممتازه وتستاهل ثمنها

تحياتى