تقييم على ادى لاسبرانزا a516

**ESO_POP** · 28-05-2008 03:49 AM

ربنا يبارك فيها ويكفيك شرها
بس انا عندى تعليق مع الاسف وارجو انك متاخدش التعليق ده انه هجوم عليك
بس موقفك ده بيفكرنى بواحد صاحب والدى وانا بدور على عربيه كلمنى وبيقولى العربيه الاسبيرانزا تحفه دى جميله جدا
قلتله هو حضرتك ركبتها قالى مع اختى(حضرتك برضه عارف ان سواقه الشباب غير الستات)
قلتله يعنى مريحاها قالى تمام جدا
الكلمه اللى خنقتنى منه بقوله هى بقالها معاها قد ايه قالى!!!!!!!!!!
10 ايام
فى الوقت ده انا كان هاين عليا اقفل التليفون فى وشه(انا مقصدش انى اقول حاجه تضايقك)
بس هو فيه عربيه زيرو ب70000 والمفروض انى الاقى فيها مشاكل من اول اسبوع ولا عشر ايام ده لو كده انا اخدها والغمها وادخل بيها التوكيل واسيبها تنفجر فى التوكيل
ارجو منك انك متتضايقش من كلامى بس ارجو منك الموضوعيه فى الحكم والكلام
ومره تانيه ربنا يباركلك فيها ويكفيك شرها ويا رب تطلع كويسه ومفيهاش اى مشاكل ولما نتقابل فى المقابله الشهريه تدينى بيها لفه

**Islam_galal** · 28-05-2008 08:21 AM

ربنا يباركلك فيها
الثبات متفق عليه ، ثابته جدا بالمقارنة باللانوس

بس العربية الزيرو بتحتاج وقت علشان تحكم عليها كويس فعلا، منتظرين تقييمك بعد كل صيانة
جزاك الله خيرا

**ahmedfd** · 28-05-2008 08:33 AM

ألف مبروك ..
يا جماعة الراجل بيتكلم عن إنطباعه عن العربية و هي زيرو و هي عاجباه و فعلاً مميزاتها جميلة جداً و الإسبيرانزا دلوقتي مع ناس بقالها سنتين و فيه ناس كتير مبسوطة منها لإنها بكل بساطة تحقق متطلباتهم منها ... و هو ده في نظري معيار الجودة الحقيقي..
يعني أعذروني أنا دراستى المتواضعة في علم إدارة المشروعات بجانب الهندسة بتقول إن الجودة دي مفهوم و ليس تعريف يعني الماروتي ممكن تكون أحسن عربية في الدنيا في نظري لإنها بتديني اللي أنا عايزة بينما S-Class غالية علي و تكاليفها كثير و البنزين غالي و كبيرة معرفش أركنها تحت البيت.. يبقى الماروتي أحسن إختيار ليا في حدود متطلباتي.
و شكراً.

**Ahmed Anwer** · 28-05-2008 09:14 AM

مبروك مبروك

ربنا يديك خيرها و يكفيك شرها

و يا رب تكون احسن عربية في مصر

هوا حد يكره ،،

تزود المنافسة ،، و تجبر الآخريين انهم يتحسنوا و ينزلوا اسعارهم

**ahmed_bq** · 28-05-2008 10:08 AM

المشاركة الأصلية كتبت بواسطة ahmedfd

ألف مبروك ..
يا جماعة الراجل بيتكلم عن إنطباعه عن العربية و هي زيرو و هي عاجباه و فعلاً مميزاتها جميلة جداً و الإسبيرانزا دلوقتي مع ناس بقالها سنتين و فيه ناس كتير مبسوطة منها لإنها بكل بساطة تحقق متطلباتهم منها ... و هو ده في نظري معيار الجودة الحقيقي..
يعني أعذروني أنا دراستى المتواضعة في علم إدارة المشروعات بجانب الهندسة بتقول إن الجودة دي مفهوم و ليس تعريف يعني الماروتي ممكن تكون أحسن عربية في الدنيا في نظري لإنها بتديني اللي أنا عايزة بينما S-Class غالية علي و تكاليفها كثير و البنزين غالي و كبيرة معرفش أركنها تحت البيت.. يبقى الماروتي أحسن إختيار ليا في حدود متطلباتي.
و شكراً.

كلا 10/10 وميخرش الميه

**Qamar** · 28-05-2008 10:37 AM

الف شكر يا باشا. ربنا يحميها لك و يسعدك بيها دايما.
احب الفت نظر الأخوة المشاركين الى ان الراجل بيقول "تقييم على أدي" و بعدين هو اكيد بيقول انطباع مبدئ و مش ها يتأخر علينا في أي حاجة بعد ما يكمل 2000000000000000000000000000 كيلو بيها!