دا اللى انا عملته فعلا فرغت الهوا اللي في الكاوتش و بدلته بنيتروجين وفعلا السحب اتحسن شويه بس بردو لسه السحب ضعيف .....انا شاكك فى فلتر البنزين لان بقى فى رجرجه بسيطه اووووى ما بحسش بيها الا لما اركز مع العربيه وانا واقف فى اشاره مثلا
عرض للطباعة
طيب ما تشتري منظف رشاشات من كارفور أسمه سبيدوا بعشرة جنيه .
ممتاز أنا بتسخدمه على طول من زمان مع الفيات و مع البروتون و بصراحة بحس أن أداء العربية واحد على طول و الأستهلاك كويس .
الأول تحطه قبل ما تفول و ما تفولش تاني إلا عند الربع علشان يكون أشتغل و نظف كويس .
لو فلتر البنزين محتاج تغيير بسبب بنزين مش نظيف .... غيره
بس جرب المنظف الأول مرتين تلاثة ورا بعض قبل ما تغير فلتر البنزين و كدا كدا المنظف هاينظف الرشاشات .
بس خلي بالك ...
أوعى تشتري منظف دورة البنزين (فيه فرق بين منظف دورة بنزين و منظف رشاشات )
منظف الدورة بيستخدم كل فترة كبيرة حوالي 10 الاف كم علشان فيه مواد قوي لها تأثير سلبي على كاوتشات و خراطيم الدورة .
إنما المنظف ممكن تستخدمه مع كل تفويله للحفاظ على نظافة الرشاشات .
بس أنا بستخدمه كل 1000 كم مش مع كل تفويله . و برضه جرب تاني تتأكد من ضغط الكاوتش بكذا جهاز ضغط
و إن شاء الله خير لا تقلق .
حاجة تاني
ما تشتريش منظفات البنزين اللي بتتباع في البنزينة (كلها مستوردة و صناعة أمريكية و غالية على الفاضي ) و كمان صناعة الصهاينة ولاد *&^*$%
سبيدوا ده مصري مصنوع بالتعاون مع شركة أوروبية و أنا مجربه و ممتاز و بعدين أرخص 50 % من الصهيوني الأمريكي .
الف شكر يا بوب على سرعه الرد
اى عربية سحب امامى لو ركبت ورا حد حيقل سحبها بشكل ملحوظ
الحاجة الوحيدة اللى حتخليك متحسش بالفرق الكبير دة
نوع البنزين
غير كدة متوهمش نفسك
متقلقش الموضوع ده طبيعي وخلي بالك الموضوع بيفرق من اوتوماتيك لمانوال
المانوال مش هتحس بالموضوع ده بشكل كبير لان طبيعي سحب المانوال احسن من الاوتو
وقوة الموتور في اللحظة دي كمان بتفرق
لو الموتور عزمه اكبر من كدة مش هتحس بفرق كبير
زي العربيات اللي فيها تيربو :)