هو لسه في عصابات مش قالو الامن رجع والوزير شغال

مباحث الجيزة تبحث عن عصابات السطو المسلح على السيارات
الإثنين، 2 يناير 2012 - 09:15

اللواء عابدين يوسف مساعد أول وزير الداخلية مدير أمن الجيزة
كتب محمود عبد الراضى

يكثف رجال المباحث بالجيزة جهودهم للتوصل لهوية عصابتين مسلحتين يستوليان على السيارات أثناء سيرها على الطريق الصحراوى تحت تهديد السلاح.

كان اللواء عابدين يوسف مساعد أول وزير الداخلية مدير أمن الجيزة، تلقى عدة بلاغات من المواطنين بتعرضهم لعمليات سطو مسلح أثناء سيرهم على طريقى مصر إسكندرية الصحراوى والقاهرة أسيوط الزراعى.

وأفادت تحريات المباحث أن العصابة الأولى استولت على سيارتين عن طريق تهديد سائقيها بالسلاح بالقرب من الكيلو 35 على مصر إسكندرية الصحراوى، كما استولت العصابة الثانية على سيارتين أيضا من المواطنين على طريق الصعيد الزراعى.

تم تشكيل فريق بحث من رجال المباحث بإشراف اللواء كمال الدالى مدير المباحث للتوصل إلى هوية المتهمين عن طريق فحص المسلجين خطر والعناصر الإجرامية بالمنطقة.

الوزير (شو)غال

هما المفروض يقضوا على العصابات كلها خلال اسبوعين 3 او شهر مثلا ولا ايه

ارحموا الناس يا جماعه و سيبوهم يشتغلوا

الامن فى مصر عشان يرجع زى زمان محتاج سنه و نص على الاقل لان فى حواجز كتيره اتكسرت عند الناس و مش كل الشعب ملايكه

هههههههههههههههههههه انتو مصدقين ان الحكومة رجعت
عشم ............ يخش الجنة هههههههههههههههه
انتو عارفين ايه الي حصل ان الحكومة الي جت الجديده لجمت الاعلام وخاليته يطبل لهم ويقول عنهم شعر وكلام معسول وفي الاخر ولا الهوا بيعملو كماين في المناطق الي في حس ورجل كتير وعيشه لكن انزله علي الدئري نحية طريق السويس والقاهرة الجديده والرحاب في اي وقت صبح او ليل مفيش كمين ولا عسكري واحد في قلب الشارع خايفين ليطلع عليهم دكر يفضهم احنا لسه في الشارع عندنا عربيتن مسروقين من تحت البيت بليل وهما مركونين ياصباح الفل مع ان لو في كماين شغاله بليل كانه العربيات دي اتمسكت فكونا بقا من تصديق كلمة الامن رجع انزل الشارع واقعد ابحث عن الشرطة ابقا قبلني لو لقيتهم

بص يا ريس عندنا في الزقازيق
عند العصلوجي في لجنه بعد الساعه 12 بليل
عند الغشام في لجنه ولحقت نفسي علشان مش معيا رخصه
وفي العبور بتبقي في لجان مفاجه وهكذا لكن لجنه في وسط الصحرواي مشفتش الصراحه والصراوي والطرق الزراعيه لازم يبيعليها حاجه
ياما بقي يوزعوا سلاح علي المواطنين وبجي بقي الميزان معدول ولا ايه

الموضوع هياخد وقت علشان يعرفوا يسيطروا على الوضع اللى بقاله سنه فى الضياع بس ان شاء الله خير

ان شاء الله كله ح يتظبط ..... مسألة وقت فقط
انت ناسي كمية السلاح اللي اتسرقت ؟؟؟

اولا البلد عندنا حوالى 10% بلطجيه بجميع مراحلها ابتداء من اطفال شوارع الى احداث الى استخدامهم من قبل رجال العصابات فى النشل والسرقه وتوصيل المخدرات الى ان يصبح فرد صغير فى العصابه ويبدء فى الانخراط فى هذا المجتمع بجميع مراحله
ده غير اللى بدائو البلطجه قريب واستغلو الثوره وبقى عاملين اتاوات على الاحياء اللى فيها وخصوصا القرى والنجوع البعيده
غير العصابات اللى بدأت بعد الثورة وقطعو الطرق وبدائو يعملو سطو مسلح على العربيات الخاصه وعربيات البنزين والغاز
يعنى داخلين فى 8 مليون تقريبا هل تعتقد ان لو حتى ربع الرقم ده ممكن يتقبض عليهم بسهوله
الموضوع محتاج وقت وكمان مجهود كبير ربنا مع الشرطه فى الموضوع ده

ان شاء الله الى جاى احسن
ربنا حافظ مصر
الموضوع مسالة وقت

طب ماظابط دكر كدة ياخد عربية ويطلع عالطرق ده يمكن يطلعوله وبعدين يدي الاشارة المتفق عليها ( من نمر الي اسد - من نمر الي اسد - من نمر الي اسد -............................من نمر الي الكلاب ولاد ........... ) ويكتشف ان بطارية الااسلكي خلصانة هههههههههههههههههههههههه وينزل من العربية ويقولهم انا جاي عشان اجيبهالكو اصلا بس الوي ايدكو كله الا المنطلون ( لو شافو بطاقته وعرفوه هههههههههههههههههههه ).

انا ميت ضحك لوحدي والله وانا متخيل الموقف.

شهد شارع التحرير بمنطقة الدقى ازدحاماً شديداً فى المرور، مساء اليوم الخميس “منذ قليل” بسبب كثافة المشاركين في عزاء اللواء فايز أباظة مدير إدارة البحث الجنائى بمديرية أمن الجيزة وحضور اللواء محمد إبراهيم وزير الداخلية

كان اللواء فايز أباظة، توفى مساء الثلاثاء الماضى، إثر إصابته بأزمة قلبية داهمته في أثناء قيامه بقيادة القوات الأمنية في مطاردة عناصر إجرامية متهمة فى إحدى قضايا القتل بصحراء منطقة الصف

لو عاوزين يقضو عالمجرمين في خلال اسبوع حيقدرو وبكل سهولةةةةةةةةةةةةةةةةةةةةة ةة

والدليل في ناس كانت بتتسرق عربياتهم لكن عشان ليهم معارف ضباط ومخبرين عربياتهم بترجع

اذا الضباط المخبرين عارفين الاوكار والاماكن اللي بتتسرق فيها العربيات

وعارفين كل حاجة

عارفين جملة بنبص نصف الكوباية الفاضي و مبنعبرش النص المليان

اهو دة نفس الوضع هنا سيبنا الخبر و مسكنا في ان فيه عصابتين سرقة سيارات

طيب محدش خالص التفت لكلمة البحث

هو المفروض من الشرطة انهم يكون معاهم عصا سحرية تجيب المجرم في 5 دقايق
و نعمل زي فيلم Minority Report و نعمل قسم توقع الجرائم في الداخلية


بالله عليكم نشوف الوضع بحيادية مش الحاجة اللي احنا عايزين نشوفها و خلاص

الموضوع محتاج وقت ولكن يجب ان نتوخي الحذر اثناء السير علي الطريق جيداااااااا