الموضوع: ناس مبتعرفش تبيع ؟؟؟

و انا كنت فاكر إن الحاجات دى بتصادفنى انا بس

انا بقيت حاسس ان شراء العربيات زى الجواز , ما تعرفش حيحصل امتى , مع إنك تبقى مستعد و جاهز و كل حاجه تمام , بس تقعد تدخل فى بيوت , و بلاد تشيلك و بلاد تحطك و برضه ماتوصلش لحاجه

و ممكن واحد تانى , من اول بيت يدخله تلاقيه خلص على طول و الموضوع سالك و كله تمام

ههههههههههههههههههههههه

فكرة حلوة

هو كمان فى احتمال بعد ما تشتريها ان تكون فيها مشاكل مستخبيه و علشان كده احسن حاجه خليك فى الزيرو و لو حتى استنيت شويه. المشكله انك عايز عربيه زيرو لكن بسعر مستعمل و علشان كده اى حاجه تشوفها مستعمله مش هاتعجبك و علشان تريح نفسك اى عربيه مستعمله لو حتى ١٠٠٠ كيلو وارد تلاقى فيها حكه و لا علامه بمسمار و اكيد مش صاحب العربيه اللى عمل فيها كده انما المخلوقات المؤذيه طبعا و بكده انت يا اما تدور على كسر زيرو او زيرو و فرق السعر ما بيبقاش جامد قوى يعنى و ابعد عن المستعمل القديم لان واضح ان تجربتك كانت معاه و كمان خليك. واقعى فى السعر يعنى عربيه زيرو ب ١٠٠ ما ينفعش تبقى مستعمله و حالتها حلوه و فى نفس الوقت ب ٥٠ مثلا و ربنا يوفقك

المشاركة الأصلية كتبت بواسطة thunder155

و انا كنت فاكر إن الحاجات دى بتصادفنى انا بس

انا بقيت حاسس ان شراء العربيات زى الجواز , ما تعرفش حيحصل امتى , مع إنك تبقى مستعد و جاهز و كل حاجه تمام , بس تقعد تدخل فى بيوت , و بلاد تشيلك و بلاد تحطك و برضه ماتوصلش لحاجه

و ممكن واحد تانى , من اول بيت يدخله تلاقيه خلص على طول و الموضوع سالك و كله تمام

ههههههههههه الجواز لالالالالالالالالالا شرى العربيات أسهل ياعم الحج مليون مره من الجواز ... بجد بجد الله يكون في عون شباب مصر ، على الاقل العربية اذا أدبست فيها بتعرف تزحلقها وتبيعها بس مراتك أذا أدبست فيها هتزحلقها فين بس ... دي هيا الي هتزحلقك وتزحلق كل مليم في جيبك ، لحد ما تغني ظلموة ...القلب الخالي ظلموووووووووووة .

والي يجننك تلاقي البناااااااااات كتيرررررر وبتعرف كتير بس لمن تيجي تتجوز متلاقيش ولا وحده عدلة .

المشاركة الأصلية كتبت بواسطة wshawky

هو كمان فى احتمال بعد ما تشتريها ان تكون فيها مشاكل مستخبيه و علشان كده احسن حاجه خليك فى الزيرو و لو حتى استنيت شويه. المشكله انك عايز عربيه زيرو لكن بسعر مستعمل و علشان كده اى حاجه تشوفها مستعمله مش هاتعجبك و علشان تريح نفسك اى عربيه مستعمله لو حتى ١٠٠٠ كيلو وارد تلاقى فيها حكه و لا علامه بمسمار و اكيد مش صاحب العربيه اللى عمل فيها كده انما المخلوقات المؤذيه طبعا و بكده انت يا اما تدور على كسر زيرو او زيرو و فرق السعر ما بيبقاش جامد قوى يعنى و ابعد عن المستعمل القديم لان واضح ان تجربتك كانت معاه و كمان خليك. واقعى فى السعر يعنى عربيه زيرو ب ١٠٠ ما ينفعش تبقى مستعمله و حالتها حلوه و فى نفس الوقت ب ٥٠ مثلا و ربنا يوفقك

هو المشكلة في أيه أن الطبقة المتوسطة من الشعب المصري يدوبك في الظروف المنيلة الي بتمر فيها البلد يحتكم على 75000 جنيه أو في الرنج ده .

علشان تركب عربية وتقول أنك راكب عربية محترمة في الزمن المهبب الي احنا في دهو لازم يكون معاك على الاقل 85000 أن مكنش كمان 130000 فما فوق وتلاقيها فاضية كمان هاف اوبشن ...هههههههههه يعني من غير أير باج ولا قزازكهربا بس أكيد هتلاقي فيها أربعة حزام أمان أساسي ...الله يرحم أيام زمان لمن يقولك العربية بالحزام بكذا ومن غير حزام بكذا ...

والعربيات الي في رنج 70 في مصر زيرو ونظيفة هتلاقي المصنع الام بتعها وقف تصنيعها بقالو زماااااااااااان وطلع عشرين موديل وعشرين شكل بعديها وهما ( يالانوس يافيرنا يالوجن ) والتلاته ألعن من بعض والعربية الرابعة بأه صيني يالله علشان تكمل ... فده بيخلي الناس تتجه للمستعمل أنهما يشترو عربية غالية قوي زيرو بس لأنها أستعملت نزل سعرها يكون مثلا واحد عندو عربية ومزنوق في قرشين أو واحد بطران حابب يجدد ... كده يعني .

زي مثلاً أفيو كسر زيرو أو نيو أكسينت أو تيوتا يارس أو عربية لانسر أو كورولا ولا حتى نيسان صني أو تيدا ولا حتى بيجو 307 أو حته جولف كده أو حته ألنتره أو أوبترا ) مستعمله مستعمله بس أسمك راكب عربية ماركة مش راكب عربية مصري ولا صيني ولا مغربي .

ولا أيه رأيكم يا شباب ؟؟؟
بس المشكلة اننا في مصر بنجيب العربية علشان نفشخها مش علشان نركبها .

وبعدين أنتا بتقلي العربيات الزيرو .

عندنا هنا في مصر الزيرو ليه وضع مختلف دوناً عن بلاد العالم كلها .
مرة كنت راكب عربيتي الزيرو تيوتا يارس ولسة فبريكة وركنتها ونزلت أجيب علبة سجاير ووقفت أشرب السيجارة بره العربية علشان ريحة الفبريكة ما تروحش منها .

المهم شوية بصيت لقيت اتنين راكبين موتسيكل صيني ومتعرفش الي راكب وراه كان بيهزر معاه قام مزغزغو فالراجل الحقيقه قام متزغزغ كده وقام دخل في أم عربيتي من ورى هههههههههههه .

المهم رحت الحرفين علشان أصلحها عند الاسطة (س) ناس كتير شكرتلي فيه ولأن العربية جديدة فأطريت أوقف على أيدو علشان ميعمليش فيها حاجه ولا ياخود منها حاجة ، وكمان علشان ميجيش عيل من الي عندو يشارك في (رالي الحرفين) بعربيتي الذي يقام بالليل في شوارع الحرفين بتلاقي كل صنيعي واخد عربية زبون ويقعد يخمس فيها هناك وتلاقي الصنايعية هناك بيتحدو بعض مين أكتر واحد يعمل أحلى حركات بعربيات الزباين ...تفحيط وتخميس وأمريكاني وكده ) .

طبعاً الخسران بيشتري علبة كنز هدية للي فاز وأحياناً بيكونوا متراهنين على عشـرة جنية ولا عشرين جنية ... والي عاوز يحضر رالي الحرفين يروح بالليل بعد الساعة وحدة . بتقام هناك الفعليات للرالي بعربيات الزباين ؟ المهم
فانا وقفت على أيدو علشان مش عاوز عربيتي تشارك في الرالي ... ولأني واقف من الصبح عندو على أيدو وأشي عناب وأشي كركدية وأشي يانسون على حاجه ساقعه والجو كان سقعه ... فحبيت أدخل عدم المؤخذه الحمام ... فقلي خوش جوة الورشة الي جمبنا عند الاسطة (م) جوا جوا هتلاقي دورة مية .. المهم دخلت وأكتشفت حاجة غريبة عجيبة الورشة من بره باب صغير بس من جوا بحررررر ... كبيرة قوي من جوا تقولش توكيل معتمد ... المهم وانا ماشي لمحت حاجة غريب لقيت عربيات جديدة نووووووووووووفي لسة بورقتها مدعوكة دعك ومن أغلى الماركات العالمية ... وكل عربية بالشيء الفلاني .
فطلعت للأسطى (س) قلتلو أده ياسطى (س) أيه العربيات الي جوا دي ... دي خدت عين ولا أيه حكايتها ، قام ظحك وقلي أيه رأيك بأه في شغلنا علشان تعرف أن شغلنا نظيف وان المعارض النظيفة بتجبلنا أحلى عربيات ... قلتلو يا حبيبيييييييييييييي قلتلو طب العربية الحمرا دي معقولة لحقت أتبطت دي جديدة ومش ماشية حاجه خالص ده الكوتش بشوكو ... قالي اه ماهي أصلها وهي طلعه من المصنع ورايحه المعرض اتخبطت على المحور والسواق جبها وقعد يعيط فحرام علشان ميقطعوش عيشو فقلنا نكسب فيه ثواب . قلتلو طيب دي هترجع تاني المعرض قال اه وتروح لصاحب النصيب ... قلتلو طيب الاستيكر الي عليها قالي لا متخفش ماحنا بنشيل الاستيكر الابيض برااااااااحه وبعد ما نصلحو بنرجع نلزقو كمان براحة ... قلتلو طيب والعربية التانية قالي لا دي أتقلبت من على الونش الي كان شايلها من المينا ... قلتلو طيب الثالثة قالي لا دي كانت وقفه قدام المعرض وواد مسطول جي بكل قوتو وقام خبطها وهيا واقفه قدام المعرض يا ولداه ... قلتلو يانهر أزرق دي أخت عربيتي فراح ظحك كده وقال ها ها ها ها مانتا يمكن عربيتك الي خايف عليها ياحلو ممكن كانت مشرفة عندنا هنا قبل ما تشتريها ياحلاوة ههههههههههههه

طبعاً زهلت من جسامت الموقف وصعقت ( وقلت وانا الي كنت خايف على عربيتي بأنه يشاركو بيها في الرالي )
وقلت لنفسي ياترى الصنايعية دول عوزين الشنق على الغش الي بيعملوه ولا المفروض نديهم جايزة الاصابع الذهبية أنهم بيقدرو يرجعو العربية فبريكة زي ماكانت .ولا نديهم جايزة أوسكارللأبداع الفني

والجدير بالذكر أن في دول الخليج ممنوع منعاً باتاً تصليح أو سمكرة أي عربية غير بموافقة أمنية من المرور مذكور فيها سبب الحادث علشان يضمنو الناس انهم بيشتروا عربية جديدة وكويسة وعلشان كمان ميجيش اي واحد يعمل جريمة بعربيتو ويصلحها وترجع العربية جديدة وكأنو معملش حاجة فيها وعلى رأي ألمبي أثبت أني أنا مش أناااااااااا .

ومن ساعتها بالنسبة ليا العربية جديدة ولا مستعمله معدتش تفرق المهم العربية تبقى ماركة ونظيفة . وله أيه رأيكم ياشباب في السبهللة الي أحنا فيها

و الله أنا كنت باحاول اساعدك بس واضح ان حضرتك مش مقتنع لا بجديد و لا قديم و عامه ربنا يوفقك للخير و شكرًا