-
مساعدة بخصوص المساعديين
السلام عليكم ورحمة الله
ارجو من لديه خبرة يدلنى على الاتى حيث اننى اريد شراء مساعديين خلفيين لسيارة مازدا 323 :
- ايهم افضل المساعد اليابانى ام المساعد المنروه ولماذا
- احيانا السيارة بتحك فى المطبات ( لما يكون فيه ناس راكبين ورا ) خصوصا وان المساعد الخلفى ضرب ، فهل لما اركب المساعد الجديد هاتختفى هذه المشكلة .
- هل يمكن رفع السيارة عن الارض بوضع علايات كاوتش وهل لها تاثير على سرعة السيارة واتزانها
- الماتور عندى كفاءته تقريبا 75 % 1300 سىسى فهل يمكننى تركيب تكييف وهل التكييف يؤثر على الماتور ، واذا اردت تركيب التكييف فهل حد يعرف نوع جيد وسعره ان امكن .
وشكرا
-
بالنسبة للمساعدين اعتقد ان المونرو هيبقوا احسن لان للاسف معظم اليابانى الى موجود حاليا مضروب ونظام " يابانى فى عير ملكك " فمتهيألى الـ مونرو هيبقوا اضمن
موضوع الحك دة طبعا المساعد عامل مؤثر بس مش بالشكل الى انت متخيله يعنى متركبش 150 كج فى عربية موديل 80 وتطلب منها انها متحكش طبعا لازم هتحك لان بعد السنين دى كلها اكيد السوست انتهت ومستحيل طبعا هتلاقى الاصلى بتاعتها
افضل حل انك تغير السوست الخلفية ودة مقدرش افتيك فيها اوى...
طبعا ممكن ولكن بالتأكيد هيأثر على اتزان العربية وهيعومها على السرعات العالية يعنى فوق ال 100 كم/س
موضوع التكييف دة مقدرش افتيك فيه الحقيقة.
-
نصيحة منى خليك فى المساعدين اليابانى المونرو مش أد كده , تركيب التكييف هيدخلك فى وجع دماغ و متاهات خصوصا انه هيكون استيراد أى مستعمل بالنسبة للعلايات طالما مش ركبين فبريكة يبقى برده بلاش تركبهم و ده رأى الشخصى طبعا بس أنا لعبت فى العربيات كتير م وجرب كتير و صرفت كتير و لم تكن النتيجة مرضية الصنيعية عندنا منهم لله. و ربنا يوفقق. و على فكرة التكييف على 1300 سس هيموت العربية و ممكن يسخنها!
-
يا ترى مساعدين المونرو مشكلتهم ايه معاك ؟؟؟؟
انا جربتهم ولقيتهم انضف كتير من ما يطلق عليه اليابانى.
-
بص يا سيدى الفاضل انا كنت نفس مشكلتك بالضبط وكان معايا مازدا 323 1981 1500 سىسى ونفس مشكلة الحك فى المطباات كانت بتقابلى وبعد ما المساعدين عندى ضربو والحمد لله رحت رافع العرابية بيايات شاهين جديد هى العربية نشفت شوية بس المشكلة اختفت تماما ولم اعد احك فى المطبات حتى لو معايا اربعة ورا بس هيه هتبقى عالية بطريفة رخمة فى الاول ولكن معامل الصلابقة هيقل مع الوقت وهتريح فحاول فى الاول تركب ناس كتيير اووووى ومليانين علشات تهبط شوية وبالنسبة للتكييف انا سائلت عليه ولاقيت سعرة 2500 ( ونوعه سندان يابانى اصلى) وانا والله كنت بحب العربية ديه اوى وكانت اصيلة جدا بس انا اشك ان ال 1300 يستحمل التكييف
-
لو غيرت المساعدين ولقيت العربية لسة بتحك فالمطبات يبقى مفيش امامك حل غير العلايات بس هيبقى على حساب راحتك داخل العربية، هتحس انها نشفت شوية.
Content Relevant URLs by
vBSEO 3.6.0 PL2