ياريت كل واحد فينا يقول هو بيستخدم انهى نوع زيت ماتور و ايه اخباره معاه علشان الكل يستفاد لأنى بصراحة مش مقتنع بزيت توتال الى فى التوكيل
شكرا
عرض للطباعة
ياريت كل واحد فينا يقول هو بيستخدم انهى نوع زيت ماتور و ايه اخباره معاه علشان الكل يستفاد لأنى بصراحة مش مقتنع بزيت توتال الى فى التوكيل
شكرا
بص يا سيدي الفاضل فيه ناس استعملت كاسترول وقالوا كويس وفيه ناس استعملت فالفولين وقالت كويس وفيه ناس جربت فيسكو وقالت وحش مع بروتون .. ولكن فيه اجماع انه توتال هو الأفضل لكام برو
Castrol Edge
أنا بستخدم فيسكو و سواقتي هادية جدا نادرا لما الأربي أم يطلع زيادة عن 3000 و 95 % من الوقت الأر بي أم على 2500 لفة
و الزيت كويس جدا معايا
أستخدمت زيت موبيل بتاع التوكيل قبل كدا و برضه كان كويس (أيام ما كان التوكيل بيحط موبيل )
و جربت برضه توتال بتاع التوكيل و برضه كويس
مع ملاحظة أن سواقتي هادية
طب حد جرب ليكوى مولى و لو جربه حط انهى نوع و ايه اخباره معاه
i used castrol edge and then liqui moly toptec . wa no difference . they are the same
يعنى هما كانوا عاملين ايه معاك كويسيين و لا زى التوتال
Both are very good better than ....l wa total
انا مششايف أو مش حاسس بمشاكل مع توتال خالص والحمد لله
انا كنت بستخدم زيت كاسترول ايدج على طول وبصراحه ممتاز
من اسبوع رحت اعمل صيانه 70 الف فى التوكيل وقلت اغير الزيت والفلتر بالمره مكنش معايا الزيت بتاعى حطيت توتال 10 الف
الفرق فى صوت الماتور انا اول مره اسمع الصوت فى الجين2 صوت الماتور عالى وخصوصا فوق 4
بس فرق ملحوظ لانى عارف صوت الماتور بتاعى خصوصا انى مركب فلتر k&n
هو ده الفرق الوحيد
وشكرا
أنا ناوي أعمل صيانة ال1000 إن شاء الله يوم الأحد
وححط زيت موبيل 1 ... عشان أغيره عند 10000 ... غير إني عايز أستخدم زيت تخليقي مضمون ومجربه في اللانسر
هل في مشكلة في زيت موبيل 1 عموما ؟ أصل أنا مش شايف حد بيستخدمه في البروتون في التوبيك ده
وهل في مشكلة إني أشتري الزيت وأروح بيه التوكيل يغيره ليا ؟
عن نفسي كنت بحط توتال وبعدين قولت اجرب موبيل وجدت ان توتال احسن بكتير مع الساجا زاخير حطيت كاسترول لقيته ممتاز جدا جدا مع الساجا وافضل من توتال وموبيل
كنت بستعمل شل الجركن الأصفر وحاليا" بستعمل كاسترول ماجناتيك
liqui moly liteluf 5w-40 high tech ولحد دلوقتى ممتاز كنت بستخدم كاسترول ايدج والفرق بينهم لحد دلوقتى ان الكاسترول بيحتاج تمشى علية 1000 كيلو لحد ما صوت الموتور يهدى لكن ليكوى صوت الموتور هادى من اول ما تحطة وحاسس ان العربية بتفصل مروحتها بدرى ولو ان دة مش مقياس لان الجو اليومين دول كلنا عارفينوا
الفيصل حيكون بعد 5000 كيلو حشوف لو مفيش بخر زي الكاسترول كدة يبقى هوة دة اللى حستمر علية على طول ان شاء الله
ملحوظة : الجركل دة 5 لتر و نفسى يعملوا منوا 4 لتر لانك بتهدر على الفاضى الباقى
زيوت ليكى مولى افضل كتير من اى زيت تانى
دة زيت تخليقى ممتاز انا عن نفسى جربتة لو عاوز تستفسر عن حاجة كلمنى 01227433644
انا لسه هعمل صيانة الالف في الساجا قريب و كنت بفكر في الشيل الاصفر بس ملاحظ ان ناس كتير منكم بتشكر في زيت كاسترول بش مش عارف اجيبه منين ياريت حد يقولي و شكرا
اطلبه وهيجيلك دليفري.
Castrol Egypt - Info | Facebook
انا لسه عامل صيانة الالف من يومين و استخدمت زيت liqui moly 5w-40 4100 top tec بصراحة صوت العربية مش سامعه خالص يقال انه يقعد لحد 15 الف بس انا ممكن انزله علي 10 الاف او 12 الف
انا كنت باستخدم التعازن الأصفر 5000 ولم أشعر بأي مشاكل ... والمرة دي بس بجرب شل الأصفر 5000
بعد تجربة كاسترول ايدج مرتين و كنت مقرر اني اجيبوا تاني, كنت مستعجل اليوم ده و عايز أعمل الصيانة فجبت فالفولين باور سين 5 40, مش حاسس بفرق للأحسن فناوي أرجع لكاسترول تاني من الصيانة الجاية ان شاء الله.
كاسترول ايدج
ومش هقول شهادتي لأنه أول زيت يدخل الموتور بعد زيت الألف وماجربتش ولا هجرب غيره
شباب هو الواحد لو استخدم كاسترول ايدج يخرج الماتور من الضمان علشان انا زهقت من توتال انا لسه داخل على صيانة 20 الف
و الناس استخدموه ايه رأيهم فيه ؟
و هو ولا فالفولين ؟
و شكرا
مفيش رد ولا ايه ياشباب
هو فيه ناس كتير قالت أستعمال زيت أخر لا يخرج الموتور خارج الضمان ولكن يذكر فقط فى بطاقة الضمان تم تغيير الزيت بمعرفة العميل يرجى التأكيد على هذه المعلومه
زيت كاسترول موجود عندنا كتير فى مدينة نصر لو انت من مدينة نصر هتلاقيه على
طول
استخدم زيت مذكورفي كتيب الخدمة الخاص بالسيارة
20se50 واستخدم اعلي مثال 20sl50 المهم انك تشترية من منفذ محترم محطة البنزين نفسها او موزع معتمد اي كان النوع
انا عن نفسي بحط مصر للبترول الدهبي او الازرق واسف اني اقول شكل العلبة (معفن ) بس بحس بأن الصوت احسن والاداء بالمناسبة لو الواحد البلية لاعبة معاه بجيب زيت مصر للبترول فينكس . وفي صاحب معاة ساجا حط لوكلي مولي 5sn40 وبصراحة مشاء الله الصوت للمحرك والاداء ممتاز
أيه رأيكم فى كاسترول ماجنتيك وده بيتغير على 10000كم ولا كاسترول إيدج بيتغير على 15000كم أرجوا الأفادة
فين الردود يا وحوش بروتون
انا بستخدم موبيل 1 بقالي اكثر من 12 سنة, وانا شايف انه فعلا زيت اكثر من ممتاز, بس مش عارف ليه سمعته مش اد كدة في المنتدى.