الموضوع: نقاش عن ترتيب مقابلة اسرية فى اجازة نصف العام .. رجاء قراءة مشاركات الموضوع كله دائما

المشاركة الأصلية كتبت بواسطة donzi

فعلا اكتر من 150 او 160 هايكون كتير و كمان اللي معاهم اطفال هايبقى اصعب حتى لو بنص التمن

طيب ما تجرب تشوف شركة سياحة داخلية بيكون عندهم عروض من كزا قرية و بيكون عندهم خصومات افضل من الحجز مع القرية نفسها

كل ما اخرتو ميعاد المقابلة كل مازادات احتمالات حضوري فاتأخرو براحتكم بقى :)

اللى معاهم اطفال فى اى مكان داى يوز حيكون فى ليهم تكلفة .. وححاول فى اى مكان باذن الله اقلل تكلفتهم جدا

بصراحة موضوع شركات السياحة انا بخاف منها عشان ممكن يكون فيهم نصابين وممكن يتعمل فينا مقلب

انا بلعب على نقطة اننا جروب .. وكدا او كدا بردوا الشركة السياحة بالجروب بتاخد خصم .. فمننا للقرية حناخد خصم

وكمان اى مكان حتفق فيه على عمل خصم لجروب النايل حلعب على نقطة ان من خلال شغلى فى التليفزيون بنطلع رحلات كتير .. واقدر اضغط من الناحية دى واخد خصم كويس

لسه الموضوع مفتوح ولسه حشوف بالتليفونات قبل ما اسقط العين السخنة من الاصل عشان اكون رايح على كذا مكان مكلهم

واحتمال تتاخر المقابلة لبعد اجازة نص السنة عشان دى موسم والاسعار غالية عشان كدا

المشاركة الأصلية كتبت بواسطة s a m a

يعنى مش حرام عليك فى البرد ده نعمل مشوار من اليكس لحد السخنة
ولا انت مش عامل حسابنا ؟
ما تخليها داى يوز فى اى مكان فى القاهرة او اعملها فى اليكس
وممكن شنورى واسامة يساعدوك فى التحضيرات هنا
وكمان ممكن التكلفة تكون اقل من 150
لانى اعتقد انها ممكن تكون كتير على اسرة معاهم اطفال

يا بسكوتة احنا منقدرش منعلمش حسابكم .. انتوا اساسى .. داى يوز فى اى مكان فى القاهرة فاشل .. احنا عاوزين مكان شيك جدا واكله كويس وسعره معقول .. وده فى لقاهرة صعب

عشان متجوش تقولوا الاكل وحش او المكان قعدته مملة .. لان حنقضى فيه يوم كامل
وبعدين عشان نعمل مقابلة اسرية مكتملة من كل شئ سعرها اكيد حيعدى ال100 جنيه

لانك شوفتى فايد فى قرية الشموسة ب80 والاكل سئ .. وكمان فى اسكندرية كانت ب80 او ب100 على ما اعتقد .. بس مش مكان مفتوح ومش قعدنا غير على حمام السباحة بس ..

فعشان نلاقى مكان فيه اكل كويس وكمان قعدة كويسة ومريحة وممتعة مش مملة سعرها حيعدى

وانا فى دماغى طبعا التكلفة لازم تكون مناسبة وكمان المكان شيك والاكل كويس

وانت عارفة تنظيمى وتنسيقى بيكون عامل اازاى

وبعدين عشان خاطر قسم نيسان لو المقابلة فى المريخ حتيجوا

المشاركة الأصلية كتبت بواسطة sehsss

أنا دايس (فردين) إن شاء الله

يا باشا تنوررررر انت واسرتك

بس ننوى ونبتدى نجمع الاسماء فى موضوع جديد ومنفصل