السلام عليكم ..
فى البداية الموضع مش اعلان للشركة
كنت فى حيرة اكثر من شهر لشراء الكاوتش المناسب للعربية برتون ساجا مقاس 14 185/60 مع العلم ان المسافة اليومية من المنزل الى العمل حوالى 90 كيلو متر فكان يجب اختيار كاوتش يمتاز بالقوة وتحمل الطرق سواء ممطرة او غير مستوية فكان ترشيح خبراء الاطارات فى التالى :
1- بردجستون تورنزا (يابانى )
2- ميشلان (اسبانى )
3- كونتنيتل (المانى )
اما باقى المركات مع احترامى الشديد كانت لا تتناسب مع الاستهلاك اليومى العالى بالرغم من السعر المناسب لباقى المركات
ولكن الغالى ثمنة فية فعلا فقمت بشراء بردجستون gr- 90 سعر الفردة 600 ولكن المميزات تستاهل كل جنية ادفع فيها مثل :
1- الثبات التام للسيارة حتى 150 ك/س
2- صوت الكاوتش شبة معدوم
3- النعومة فى المطبات والحفر
4- استجابة اكثر من رائعة عند الفرامل المفاجئة
وفى النهاية انا لا اشكك فى كفاءة المركات الاخرى ولكنها تجربتى الشخصية بعد استعامل العديد من المركات ( وربنا يحمى الجميع من شر الطريق )