شراء كماليات او قطع غيار من الخارج

**madawbs** · 02-01-2012 01:48 PM

السلام عليكم

من شهر كنت مع واحد صاحبي لسه شاري جيب رانجلر 2011 وماكانش لاقي شوية كماليات زي الدواسات الاصلية والشبكة السلك الي بتمنع الظلط انه يخبط السربنتينه وكان عاوز غطا مختلف لتانك البنزين وكمان المساند الي الواحد بيمسك فيهم علشان يطلع العربية

المهم دور كتير ولقي فيه حاجات اسعارها مبالغ فيها يعني يلاقي حاجه مثلا بتتباع ب 450 جنيه وهى على النت ب 19 دولار ونفس النوع والماركة وكل حاجه يعني تقريبا ب 115 جنيه فجابهم من النت وكانت نفس الجوده الي موجوده في التوكيل وقعدنا نتكلم عن قد ايه التجار بيستعبطونا والتوكيلات بتشتغلنا وان احنا زباين فقلتله طيب مادام انت بتعرف تجيب الحاجات دى وعارف جماركها وبتعرف تخلصها وعندك صندوق بريد في امريكا بتقدر تجمع فيه الحاجات الي انت طالبها ما تشوف لو فيه ناس عاوزه تجيب حاجه من بره وتجيبهالهم بمكسب معقول وهايبقي الي بيشتري كسبان واشتري الحاجه بنص تمنها وانت كسبان معقول قصاد الخدمة ولو ممكن الكلام ده يتم من خلال قناة الناس بتثق فيها زي نايل موتورز يبقي شيء هايل

يعني لو الادارة تسمح بانها تاخد مبلغ ما مقابل انها تكون وسيط بين طرفين مايعرفوش بعض او لسه مافيش ثقة بينهم

بمعني اخر لو حد عاوز يشتري حاجه مثلا سعرها في السوق 300 جنيه
وسعرها على الانترنت 75 جنيه
وجمركها 20 جنيه
والشحن ب 30 جنيه
يبقي كده تكلفتها من على النت 125
+ 10 جنيه للمنتدي
و 25 لصديقي
يبقي كله 160 جنيه يعني تقريبا نص السعر
وكدة يبقي كل الاطراف استفادت ودور المنتدي انه ياخد طلب الشرا والمواصفات ولينك الصفحة الي فيها المنتج ويستلم الفلوس من المشتري ويخليها عنده وبعد الحاجة ما توصل من بره ويشوفها المشتري ويتاكد انها السلعة المطلوبة بالظبط يتم دفع الفلوس من المنتدي للبائع ويستلم المشتري السلعة

او لو المنتدي شايف ان الدور ده هايجيب صداع ممكن اي حل تاني يتفق عليه الطرفين يحقق لك منهم انه يحصل علي سلعته بلا نصب والتاني ياخد فلوسه من غير مشاكل هي

الفكره دى معموله على الفيس بوك كتير بس دايما الي بيوقفها عدم الثقة بين الي بيشتري والي بيشتريله فلو حد عنده فكره ازاي ننمي الثقة دي ياريت يقولهالي وفي الاخر كلنا كسبانين مادام التجار مابيضحكوش علينا

**matrix_it** · 02-01-2012 05:07 PM

فكرة ناجحة بصراحة بس فى حاجة غالية مش هجازف عشان لو جبت حاجة من برة مش هيبقى عليها ضمان

**تامر.محمد** · 02-01-2012 05:13 PM

بصراحة فكرة وجيهة , خصوصا بالنسبة لأصحاب العربيات اللي قطع غيارها غالية جدا هنا

**madawbs** · 03-01-2012 08:06 AM

المشاركة الأصلية كتبت بواسطة تامر.محمد

بصراحة فكرة وجيهة , خصوصا بالنسبة لأصحاب العربيات اللي قطع غيارها غالية جدا هنا

شكرا لحضرتك

**ahmedbasto** · 03-01-2012 09:36 AM

متابع وفكرة جميلة جدا بس المشكلة فى الجمارك

**Haitham10** · 03-01-2012 09:37 AM

كلامك جميل

بس انت نسيت حاجة مهمة انا حاولت بنفسي اجربها وكمان سألت فيها الناس الي بتعمل الفكره دي لانها بتتفذ فعلا ومنتشره حاليا بكثره

مثلا انا عاوز شبكة زي صاحبك .... سعرها 20 دولار فعلا
عشان توصلني بتبقي ب2200 جنيه مع ان حمولتها معروفه يعني
في عوامل تانية زي الوزن والشحن من الموقع للبريد والشحن من البريد لبلدك والجمرك

في النهايه اقصد الحكايه دي مفيده لو هتجيب مجموعة حاجات ممكن يوفر خصوصا لو الخامات مختلفه

غير كده الشبكة دي ممكن الواحد يعملها هنا ب100 200 جنيه يعني بنفس تمنها علي النت

او يخلي محل مشهور للاكسسوارات يبقي يجبلهاله وطبعا هتبقي رخيصه بكتير عن كل الي انا قلته لسببين .. انه بيجيب كميات وعنده سجل والحاجه دي مش هتكلفه الا مكسب

**madawbs** · 03-01-2012 11:52 AM

المشاركة الأصلية كتبت بواسطة ahmedbasto

متابع وفكرة جميلة جدا بس المشكلة فى الجمارك

هو صديقي ده معاه جدول جايبه من الجمارك وبيكون عارف الحاجه الي جايه جمركها كام بالظبط

**madawbs** · 03-01-2012 12:10 PM

المشاركة الأصلية كتبت بواسطة haitham10

كلامك جميل

بس انت نسيت حاجة مهمة انا حاولت بنفسي اجربها وكمان سألت فيها الناس الي بتعمل الفكره دي لانها بتتفذ فعلا ومنتشره حاليا بكثره

مثلا انا عاوز شبكة زي صاحبك .... سعرها 20 دولار فعلا
عشان توصلني بتبقي ب2200 جنيه مع ان حمولتها معروفه يعني
في عوامل تانية زي الوزن والشحن من الموقع للبريد والشحن من البريد لبلدك والجمرك

في النهايه اقصد الحكايه دي مفيده لو هتجيب مجموعة حاجات ممكن يوفر خصوصا لو الخامات مختلفه

غير كده الشبكة دي ممكن الواحد يعملها هنا ب100 200 جنيه يعني بنفس تمنها علي النت

او يخلي محل مشهور للاكسسوارات يبقي يجبلهاله وطبعا هتبقي رخيصه بكتير عن كل الي انا قلته لسببين .. انه بيجيب كميات وعنده سجل والحاجه دي مش هتكلفه الا مكسب

نقطة الوزن والشحن والجمارك بتتحسب قبل ما الواحد بيطلب الحاجة وبيبقي عارف هي هاتقف عليه بكام بالظبط والحاجات الي هو جايبها نسبة الزيادة مش لدرجة 2200 جنيه على حاجه بعشرين دولار

لما هاقابله النهاردة هاجيب منه تفاصيل اسعار الحاجات الي جابها كلها واحطها بكره ان شاء الله بس الي انا متأكد منه ان السعر اوفر بكتير وعلي فكره هو بيجيب لنفسه حاجات كتير مثلا جزم اديداس وكلاركس وبتقف ارخص من هنا 60 % مش بس اكسسوارات لعربيته

وطبعا فيه حاجات كتير ممكن تتعمل هنا ارخص بس فيه ناس بتحب تجيب الحاجات الاصليه وبيكون التوكيل مغليها جدا

وفيه شركات شحن بتحاسبك بالكيلو مثلا فلازم تستني لما تجمع كذا حاجه يعملوا وزن كيلو وبعدين تشحنهم وفيه شركات تانيه بتحاسب بالجرام بس دى اغلي شويه وهو عنده حساب في الاتنين

وفكرة انه يخلي محل الاكسسوار يجيبهاله بص هو لف هنا في التوفيقية وشارع دمشق مالقاهاش وخلي اخوه سأله عليها في التوكيل في الكويت مالقاهاش (هو بيدور على الاصليه )

على اي حال هو بيكون عارف السعر النهائي قبل ما يطلب
الموضوع ده للي بيدور على الحاجات الاصليه
الشحن والجمارك ليهم طريقه لحسابهم
واولا واخيرا اتشرفت بمعرفة حضرتك

**Haitham10** · 03-01-2012 01:38 PM

اذا كان كدة طيب علي بركة الله حضرلنا صديقك وتكسب فينا ثواب
وانا كنت اقصد حاجات زي منتا قلت ممكن الواحد يشتريها من موقع زي امازون وكل واحد يحط الي محتاجه ونشوف حساباته او يحط الحسابات تقريبيه عشان الكل يبقي عارف ويقلل الاسئله
والله ياباشا لو فاكر اسم الصفحة علي الفيس كنت جبتلك منها الارقام بالظبط
وعلي حتت فبر معرفش لو كنت سألت علي سبويلر كان قالي 5 الالاف ولا ايه هههههه

وربنا يرزقنا جميعا ً انا متابع معاك وسعيد جدا بمساعدتك ومعرفتك

-

الموضوع: شراء كماليات او قطع غيار من الخارج

LinkBack

أدوات الموضوع

عرض

شراء كماليات او قطع غيار من الخارج - انشر الموضوع فى :

-

-

-

-

-

-

المواضيع المتشابهه

استيراد قطع غيار من الخارج؟

شراء قطع غيار جديدة من الخارج

شراء سيارة استيراد الخارج

قطع غيار سيارات مستعمله من الخارج ..

الوكيل و تركيب قطع غيار من الخارج ؟

الكلمات الدلالية لهذا الموضوع

المفضلات

المفضلات

ضوابط المشاركة