سؤال عن تسقيط موتور بولو 2001

**himalking** · 02-01-2012 04:01 PM

السلام عليكم
لو سمحتم محتاج مساعدتكم معايا
معروض عليا عربية بولو 2001 , رشة برة , و مسقط لها موتور 1400 سي سي
عندي سؤالين:
1- هو طالب 45000 نهائي , هل كده مناسب و لا كتير ؟
2- هل في مشكلة في تغيير الموتور من 1000 الي 1400 , يعني هل حكاية تسقيط الموتور مضمونة أنا ما أعرفش حاجة عن تسقيط المواتير دي خالص
3 - هل الموتور الأصلي 1000 سي سي أفضل و لا اللي متسقط الـ 1400؟
4- هو ممكن الموتور اللي متركب ده يكون نوع تاني غير الفولكس بولو , و لا لازم يكون نفس نوع العربية

معلش أخوكم مقلق أوي من موضوع الموتور المتغير ده
لو حد يعرف يقولي أعمل ايه علشان أطمن على الموتور ده
ياريت تردو عليا بسرعة , علشان لو العربية كويسة أخلص مع صاحبها قبل ما يبيعها , و جزاكم الله خير

**original** · 02-01-2012 09:27 PM

1- السعر مناسب ول يقل مش هيزعل طبعا
2- مسألة تسقيط الموتور مضمونة جدا لأنى غيرته قبل كده
3- الموتور ال 1400 أفضل طبعا حصان أعلى
4- مفيش موتور يركب على البولو غير مواتيرها اللى نازلة عليها من الشركة الأم واللى مش بتوصلنا مصر غير إستيراد

**mgzaker78** · 02-01-2012 10:06 PM

الموتور لو متسقط بنضافة مش هاتحس بية لكن المشكلة ان العربية دية فيها حساسات و كنترولات كتير و لا مش متظبطة صح العربية هاتقرفك .

في زميل هنا في المنتدى باع عربيتة بعد موضوع التسقيط علشان ماتعملش صح مع انو ماشاء الله علية كان راجل خبرة

**original** · 02-01-2012 11:19 PM

اكشف عليها كويس عند خبراء الفولكس

**himalking** · 03-01-2012 10:30 AM

ألف شكر على مشاركتكم و جزاكم الله خير
طيب سؤال أخير و معلش هتقل عليكم

العربية دي و لا عربية سيات ابيزا 2002 , رشة برة , عاملة 200,000 كم و صاحبها طالب 43 ألف

**original** · 03-01-2012 07:50 PM

لو عايز نصيحتى لا دى ولا دى
العربيات دى ممتازة بس الكورى بقطع غياره وصيانته إكتسح
كان معايا بولو 98 وكانت ممتازة بس اللى شفته فى قطع الغيار كرهنى فى الفولكس وخصوصا إنى بحب العربية ماتنقصش مسمار بس يكون أصلى

**alzelafy** · 04-01-2012 01:44 AM

انتا بعت يا اوريجنال ياااااااااااااة و انا بدور عليك و بقول انتا رحت فين و فين مشاركاتك الحلوة فى قسم السيات و القولكس عموما خير ما قعلت انا كمان بعت عشان اخلص من التكنولوجى اللى ملهاش لازمه فى عربيه صغيرة

**original** · 04-01-2012 12:24 PM

أعمل إيه بس الواحد زهق من كتر التصليح وقطع الغيار النادرة بس واللاهى كانت عربية محترمة وسابقا جيلها..
المفروض الواحد لما يشترى يجيب عربية ليها قطع غيار وخدمة وماينفعش تكون عربية كويسة وجامدة وألمانى وطول النهار نجيبلها حاجات من الخردة والتجار يبيعوا ويشتروا فينا..